Nọmbas 3:38 - Edo Bible (E Baibol Ẹdo) Version 1996

³⁸ E Mosis kevbe Errọn kevbe avbe ivbi ẹre ghi bu agọ iran ye asefẹn ahọ ọghe Owa Ukpọn Ile. Iran ọ yan iwinna ne a winna vbe uwu Ehe Ne ọ huanrẹn ne ivbi Izrẹl. Ọmwa ọvbehe ne ọ rhirhi danmwẹ ọẹn ghe ne ọ ru ẹe, a ghi gbẹe rua.

Nọmbas 3:38 ပူးပေါင်းရင်းမြစ်များ

I Krọnikol 23:32

A keghi vbe fian ẹre okhuo ne iran, ne iran gha gbe aro ghe Owa Ukpọn ne a ya rẹn ighẹ e Nọyaẹnmwa rre evba kevbe Ọgua Osa, kevbe ne iran vbe gha yi etẹn iran obọ ighẹ avbe ohẹn ni re ivbi uniẹn Errọn, vbe ẹghẹ ugamwẹ vbe Ọgua Osa.

Nọmbas 1:51

Wa gha si kpao vbe agọ, avbe Livai ọre ọ gha fannọ Owa Ukpọn nii, iran ghi vbe ya bọ ẹe vbe agọ ne ọgbọn. Ọmwa ọvbehe rhọkpa gha sikẹ Owa Ukpọn nii, a ghi gbe ẹe rua.

Nọmbas 1:53

Sokpan avbe Livai ghi bu agọ lẹga Owa Ukpọn Ile ne iran gha gbe aro ghe ẹre, ne ọmwa rhọkpa ghẹ ya sikẹ ọre, ne ohu ghẹ ya mu mwẹ fi Izrẹl emwi.”

Nọmbas 2:3

“Vbe ọlarre ovẹn vbọ, iran ni rre oka ọghe Juda vbọ ghi bu agọ vbe otu otu, vbe ototọ avbe olotu iran vbenian.” Ẹwae Olotu Inu ẹvbo ni rrọọ E Juda Nasiọn ne ovbi Aminadab Uri eha yan ovbi arriaisẹn enẹ yan ekigbesiyenẹ (74,600) Isaaka Netanẹl ne ovbi Zua Uri eva yan arriaisẹn enẹ yan ekigbe siyeha (54,400) E Zebulọn Eliab ovbi Hẹlọn ne eva yan arriaisẹn eha irrọ vbe iyeha (57,400) Ehia kegha re uri eva yan arriaisẹn iwenẹ irrọ vbe uri (186,400) Ọka ọghe Juda ọre ọ gha ke odaro.

Nọmbas 3:10

Sokpan, u ghi zẹ Errọn kevbe ivbi ẹre ne iran gha re ohẹn, ọmwa ọvbehe ne ọ rhirhi danmwẹ ọẹn ghe ne ọ winna iwinna iran, a ghi gbẹe rua.”

Nọmbas 3:23

A keghi wẹ ne ẹwae na bu agọ ye iyeke Owa Ukpọn vbe asefẹn orrie ẹre.

Nọmbas 3:29

Ẹwae na ghi bu agọ ye asefẹn ekẹn ọghe owa ukpọn,

Nọmbas 3:35

Ọkaẹvbo ẹwae nii kegha re Zuriẹl ne ovbi Abihẹl. Iran na ghi bu agọ iran ye asefẹn okuo ọghe Owa Ukpọn.

Nọmbas 3:37

Iran ọ re ọ vbe yan iwinna ni rre egbe avbe ọkpọ, ẹzi ẹre, ogba kevbe irri ni rre ọgua ore.