Nọmbas 3:31 - Edo Bible (E Baibol Ẹdo) Version 1996

³¹ Iran ọre a mu iwinna ne ọ dekan Ẹkpẹti Ile na, kevbe eteburu, erhan ọmukpa, aka, kevbe avbe ọkpan ne avbe ohẹn ya ru emwi vbe Ehe Ne ọ huanrẹn, deba iwinna ni ghi rre avbe emwi na hia.

Nọmbas 3:31 ပူးပေါင်းရင်းမြစ်များ

Ẹksọdọs 37:1

E Bezalẹl keghi ya erhan akesia ru Ẹkpẹti Ile nii, ọ kegha re akhuẹn obọ isẹn yan iyeva vbe utanmwẹ kevbe akhuẹn obọ eha irrọvbọgban vbe uvbẹmwẹ, akhuẹn obọ eha irrọvbọgban vbe uyomwẹ.

Ẹksọdọs 40:30

Ọ keghi mu uwawa akhuẹ ye ẹkpo Owa Ukpọn nii ke aka, ọ na sa amẹ ne a ya khuẹ yọ.

Nọmbas 3:30

Elizafan ne ovbi Uziẹl ghi gha re ọkaẹvbo ẹwae nii.

Nọmbas 3:32

Ọkaolotu avbe Livai kegha re Eliaza ne ovbi Errọn ne ohẹn, rẹn ọre ọ gha gbe aro ghe iran ni winna vbe uwu Ehe Ne ọ huanrẹn.

Matiu 5:15

A i ra rhukpa nẹ ne a ya ọkpan rhuẹe ginna otọ, erhan ọmukpa ọre a mu ẹn yan ne emwa ni rre owa hia miẹn ehe na yae gha bẹghe odẹ.

Diuteronomi 10:8

E Nọyaẹnmwa keghi zẹ emwa ẹwae Livai, vbe uhunmwu oke nii, ne iran gha gbe aro ghe Ẹkpẹti Ile, kevbe ne iran vbe ga irẹn zẹ vbe ohẹn, kevbe ne iran vbe gha ya eni irẹn fiangbe emwa. Iwinna iran ọ re avbe emwi na ye khin.