Nọmbas 29:8 - Edo Bible (E Baibol Ẹdo) Version 1996

⁸ Wa ghi zọ ese na giẹn uan ghe Nọyaẹnmwa, uwinhinmwẹ ne ọ yẹ ọre, avbe emwi na: ovbi ẹkhuia ẹmila ọkpa, ogho ọkpa ivbi ogho ihinrọn ni he rre ukpo ọkpa, ehia ghi gha re ne ẹ i mwẹ okan.

Nọmbas 29:8 ပူးပေါင်းရင်းမြစ်များ

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Levitikọs 22:20

Wa gha ye aranmwẹ ne ọ mwẹ okan zẹ ọhẹ, e Nọyaẹnmwa i rhan obọ miẹn rẹn.

Nọmbas 28:19

Wa ghi zọ ese na giẹn uan zẹ vbe izẹ ọhẹ evbare ne Nọyaẹnmwa: ena ọrọre ivbi ẹkhuia eva, ogho ọkpa kevbe ivbi ogho ne ọ he rre ukpo ọkpa ihinrọn, ehia ghi gha re ne ẹ i mwẹ okan.

Nọmbas 29:13

Vbe ikpẹdẹ ne okaro na, wa ghi ya evbare zẹ ọhẹ gie Nọyaẹnmwa, emwi nọ winhin yẹ ọre nọ, avbe emwi na: ivbi ẹkhuia ẹmila iwera, ogho eva, ivbi ogho iwenẹ ni he rre ukpo ọkpa, ehia ghi gha re ne ẹ i mwẹ okan.

Nọmbas 29:2

U ghi ha oko ese na giẹn uan gie Nọyaẹnmwa, emwi nọ winhin yẹ ọre nọ, avbe emwi na: ovbi ẹkhuia ẹmila, ogho ọkpa, ivbi ogho ihinrọn ni he rre ukpo ọkpa, ehia ghi gha re ne ẹ i mwẹ okan.

Nọmbas 29:9

Vbe zẹ ọhẹ ọka vbene ọ khẹ ke, irhuarhua ne a ya ofigbọn oliv gbe; uwan ehan ọghe irhuarhua ghi lele ẹkhuia ne ọ rrọọ, uwan enẹ ghi lele ogho.

Diuteronomi 15:21

Sokpan a deghẹ emwi irri nii mwẹ okan, deghẹ uke nọ ra te ọ rhu aro ra deghẹ ọ mwẹ ehe ne ọ mobọ ke ẹe yi ẹre re, ghẹ ya ẹe zọ ese ne Nọyaẹnmwa Osanobua ruẹ.

Diuteronomi 17:1

“Ghẹ ya ẹmila ra ohuan ne ọ mwẹ okan zọ ese ghe Nọyaẹnmwa Osanobua ruẹ, emwi ne ọ sọnnọ e Nọyaẹnmwa ọna khin.