Nọmbas 29:7 - Edo Bible (E Baibol Ẹdo) Version 1996

⁷ Vbe ikpẹdẹ ne ogigbe, ọghe uki ne ogihinrọn, wa ghi si egbe koko ne uwa ru ugamwẹ, wa ghẹ rri evbare rhọkpa, wa ghẹ winna,

Nọmbas 29:7 ပူးပေါင်းရင်းမြစ်များ

Ẹzra 8:21

A ghi sẹ Ẹzẹ ne a fiaẹn ọghe Ahava, I keghi wẹ ne ima hia yo aguẹ, ne avbe mu egbe rriotọ vbe odaro Osanobua mwa, ne a vbe rinmwiaẹn ne ọ su ima vbe okhian mwa, kevbe ne ọ degue ima kevbe ivbi ima deba emwi ne ima mwẹ hia.

Psalm 35:13

Vberriọ, ẹghẹ ne egbe ma na rran iran, ukpọn akhiẹ ọ re I gha rhuan. I kegha ya ohanmwẹ rri egbe, I na gbe uhunmwu kotọ na erhunmwu.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Zẹkaraia 7:3

kevbe ne iran vbe nọ avbe ohẹn kevbe akhasẹ ọta na wẹẹ, “Te ọ kere ne ima ye gha khiẹ ye ẹmwẹ Ọgua Osa ne a guọghọ ua vbe ekpa ne ima gha na gha yo aguẹ vbe uki ne ogisẹn vbene ima ka ru ẹe ke ukpo nibun ni gberra gha dee?”

Matiu 5:4

Ọ maa ne iran ni khiẹ, Osanobua gha fu iran ẹko rre!

Iyẹn ne ọ Maan Ọghe Luk 13:3

Ẹ i re erriọ! Ne I tama uwa nian wẹ deghẹ i re te uwa dobọ orukhọ yi, erriọ wa hia gha vbe wulo.

Iyẹn ne ọ Maan Ọghe Luk 13:5

Ẹ i re erriọ, ne I tama uwa nian wẹ deghẹ i re te uwa zobọ vbe orukhọ na ru, erriọ wa hia gha vbe wulo.”

Iwinna 27:9

Ma keghi mobọ kpẹe vbe evba a keghi do miẹn wẹ ẹbe rrọọ deghẹ a wẹ ne a ye gha gua okọ khian, rhunmwuda, ẹghẹ ne a kha na, Ẹdẹ Amiẹn Ayabọ gberra nẹ. Pọl keghi rhunmwuda ọnii bu iran ude vbe nian wẹẹ:

Ebe ne Pọl gbẹẹn gie emwa Rom 6:6

Rhunmwuda, ma rẹn ọnọna wẹ a gbe emwi ne ima te khin uan nẹ ba Kristi vbe uhunmwu ugbugbe ẹre, ne a miẹn ehe na fuẹn uan ighẹ ẹtin egbe nọ re ọghe orukhọ, ne ima ghẹ gha re ọviẹn orukhọ ọvbehe.

I Kọrinti 9:27

I ghi liki egbe mwẹ ne ọ gbikpan, ne ọ miẹn ehe na gun mwẹ gha vbokho vbene I ho, ne a ghẹ miẹn wẹ, ugbẹn vbe imẹ ghi tie emwa rrie ọgbọ ne a si nẹ, mẹ tobọ mwẹ khian ne a rhie fua.