Nọmbas 29:6 - Edo Bible (E Baibol Ẹdo) Version 1996

⁶ U ghi ya ena zẹ ọhẹ ba ese na giẹn uan ọghe ẹdẹgbegbe ọghe ikpẹdẹ ne okaro vbe uki, ke ẹe kevbe izẹọhẹ ọka kevbe ọghe ayọn. Avbe izẹọhẹ evbare na, emwi ni winhin yẹ Nọyaẹnmwa nọ.

Nọmbas 29:6 ပူးပေါင်းရင်းမြစ်များ

Ẹzra 3:4

Iran kevbe ru Emwiukpo Irhu zẹ vbene a mwamwa ẹẹn yi. Ẹdẹgbegbe ọ re iran ya zọ ese ne a vbe mwa ye ẹdẹ nii.

Levitikọs 6:9

Ne ọ viọ avbe uhi na ne Errọn kevbe avbe ivbi ẹre vbe ekpa ese ne a giẹn uan fo. “A ghi gha sẹ ese na giẹn uan rae ye aka la asọn hia, a ghi gie erhẹn nii gha baa.

Nọmbas 15:24

A deghẹ a miẹn wẹ abakuru na i re ẹmwẹ emwa nii, iran ghi ya ẹkhuia ẹmila deba avbe ọka kevbe ayọn zẹ ọhẹ ne ọ maẹn, zọ ese ne a giẹn uan. Uwinhinmwẹ ọnrẹn wa yẹ Nọyaẹnmwa. Debare, iran ghi ya ovbukhọ zọ ese orukhọ.

Nọmbas 15:4

Ọmwa ne ọ rhirhi zẹ ọhẹ vberriọ gie Nọyaẹnmwa ọ ghi vbe viọ izẹọhẹ ọka, ra uwan ẹlubọ eva ne a ye ago eva ọghe ofigbọn oliv gbe lelẹe rre. Ọ gha vbe zọ ese na giẹn uan, ọ ghi vbe mu ọgọ ayọn eva lele ovbi ohuan ọkpọkpa rre.

Nọmbas 28:27

Wa ghi ya avbe emwi na zọ ese na giẹn uan zẹ vbe emwi ni winhin yẹ Nọyaẹnmwa, ivbi ẹkhuia ẹmila eva, ogho ọkpa kevbe ivbi ogho ihinrọn ni he rre ukpo ọkpa, ehia ghi gha re ne ẹ i mwẹ okan.

Nọmbas 29:18

Avbe emwi ne a vbe ya zọ ese vbe ikpẹdẹ ne okaro hia, a ghi wa ya ehia zọ ese ba ẹre.

Nọmbas 29:21

Vbe ya emwi hia ne a ya zọ ese vbe ẹdẹ ne okaro zọ ese ba ẹre.

Nọmbas 29:5

U ghi vbe ya ovbukhọ ọkpa zọ ese orukhọ, odẹ vberriọ, u ghi ru iruemwi akpehuan ne emwa nii.

Nọmbas 9:14

“A deghẹ orhunmwuyẹn ne ọ rre ehe ne uwa ye we rẹn gha ru emwiukpo Alagberra, ọ ghi ru ẹe zẹ vbe emwamwa kevbe ilele ne ọ rrọọ. Uhi ọkpa ni ọre ọ kan emwa hia, ọre ọmọ otọ nọ ra ọrriọvbe.”