Nọmbas 29:2 - Edo Bible (E Baibol Ẹdo) Version 1996

² U ghi ha oko ese na giẹn uan gie Nọyaẹnmwa, emwi nọ winhin yẹ ọre nọ, avbe emwi na: ovbi ẹkhuia ẹmila, ogho ọkpa, ivbi ogho ihinrọn ni he rre ukpo ọkpa, ehia ghi gha re ne ẹ i mwẹ okan.

Nọmbas 29:2 ပူးပေါင်းရင်းမြစ်များ

Ẹzra 3:6

A gha rhe miẹn wẹ, iran ma he suẹn gha dọlegbe bọ Ọgua Osa, iran keghi suẹn gha giẹn ese ne Nọyaẹnmwa vbe ikpẹdẹ ne okaro ọghe uki nogihinrọn.

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Nọmbas 28:19

Wa ghi zọ ese na giẹn uan zẹ vbe izẹ ọhẹ evbare ne Nọyaẹnmwa: ena ọrọre ivbi ẹkhuia eva, ogho ọkpa kevbe ivbi ogho ne ọ he rre ukpo ọkpa ihinrọn, ehia ghi gha re ne ẹ i mwẹ okan.

Nọmbas 28:27

Wa ghi ya avbe emwi na zọ ese na giẹn uan zẹ vbe emwi ni winhin yẹ Nọyaẹnmwa, ivbi ẹkhuia ẹmila eva, ogho ọkpa kevbe ivbi ogho ihinrọn ni he rre ukpo ọkpa, ehia ghi gha re ne ẹ i mwẹ okan.

Nọmbas 29:1

Vbe ikpẹdẹ ne okaro ọghe uki ne ogihinrọn, wa ghi si egbe koko ne uwa ru ugamwẹ, a ghẹ vbe winna iwinna rhọkpa. A ghi kpe okpe vbe ẹdẹ nẹdẹrriọ.

Nọmbas 29:3

U ghi vbe zẹ ọhẹ ọka nọkhẹke, irhuarhua ne a ye ofigbọn oliv gbe vbenian, uwan irhuarhua ehan ghi lele ẹkhuia ẹmila ọkpa, uwan enẹ ghi lele ogho ọkpa.

Nọmbas 29:36

Wa ghi ye avbe emwi na zọ ese na giẹn uan zẹ vbe izẹọhẹ evbare ghe Nọyaẹnmwa, emwi ne ọ winhin yẹ ọre: ovbi ẹkhuia ẹmila ọkpa, ogho ọkpa deba ivbi ogho iwenẹ ni he rre ukpo ọkpa, ehia ghi gha re ne ẹ i mwẹ okan.

Nọmbas 29:8

Wa ghi zọ ese na giẹn uan ghe Nọyaẹnmwa, uwinhinmwẹ ne ọ yẹ ọre, avbe emwi na: ovbi ẹkhuia ẹmila ọkpa, ogho ọkpa ivbi ogho ihinrọn ni he rre ukpo ọkpa, ehia ghi gha re ne ẹ i mwẹ okan.