Nọmbas 29:17 - Edo Bible (E Baibol Ẹdo) Version 1996

¹⁷ Vbe ikpẹdẹ ne ogieva, u ghi ya ẹkhuia ẹmila iweva zọ ese kevbe ogho eva kevbe ivbi ogho iwenẹ ni he rre ukpo ọkpa, ehia ghi gha re ne ẹ i mwẹ okan.

Nọmbas 29:17 ပူးပေါင်းရင်းမြစ်များ

Psalm 40:6

Wẹ ẹi gualọ ese ra imuohan; u ma vbe nọ aranmwẹ ne a giẹn ọ re ohoho vbe aka ra ne a ya zọese ne ọ kpe orukhọ kua. Sokpan, wẹ keghi rhie ehọ mẹ ne I ya gha họn ẹmwẹ ruẹn.

Psalm 69:31

Ọ na gha yẹ Nọyaẹnmwa sẹẹ ne I gha mu ẹmila ne ẹẹn, ra ne I ya ẹkhuia ne ọ dido zọ ese ne ẹẹn.

Ẹksọdọs 12:5

Ọkere ne ọ gha re aranmwẹ ne ọ ma bun obọ, a ma kuan ẹre egbe, ọwẹe ne ọ rre ukpo ọkpa, wa sẹtin mu ohuan ra ẹwe.

Aizaia 1:11

Ọ wẹẹ, “Wẹ yayi wẹ mẹ mwẹ emwi ne imẹ ye avbe ese nibun ne uwa zọ ghe mwẹ na ru ra? Avbe ohuan ne uwa ya zọ ese ghe mwẹ, deba ẹvbi ọghe aranmwẹ ruẹn, khan mwẹ ne. Esagiẹn ẹmila kevbe ọghe ẹwe khan mwẹ.

Hozia 6:6

Ahoẹmwọmwa ne ẹ i beghe ọghe uwa ọ re I ho ighẹ ẹ i re aranmwẹ ne uwa ya zọ ẹse. Emwa mwẹ rẹn mwẹ, ọ re ọ yẹ mwẹ sẹ ne iran giẹn emwi ya zọ ese ghe mwẹ.

Levitikọs 23:36

Ẹdẹgbegbe vbe uwu ikpẹdẹ ihinrọn nii wa ghi ru izẹọhẹ evbare. Vbe ikpẹdẹ ne ogierẹnrẹn, wa ghi vbe dọlegbe si egbe koko ne uwa ru ugamwẹ, wa ghi vbe ru izẹ ọhẹ evbare. Ẹdẹ ugamwẹ nọ, wa ghẹ winna iwinna rhọkpa.

Nọmbas 29:13

Vbe ikpẹdẹ ne okaro na, wa ghi ya evbare zẹ ọhẹ gie Nọyaẹnmwa, emwi nọ winhin yẹ ọre nọ, avbe emwi na: ivbi ẹkhuia ẹmila iwera, ogho eva, ivbi ogho iwenẹ ni he rre ukpo ọkpa, ehia ghi gha re ne ẹ i mwẹ okan.

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Hibru 8:13

Vbene ọ ghi na guan kan ile ọgbọn nian, Osanobua ye ne okaro khian ọwiẹyi nẹ. Emwi ne ọ ghi khian ọmaẹn nẹ ighẹ ọ vbe rẹnhuan nẹ, ẹ i ghi kpẹe a ke ho ẹre bẹkun.