Nọmbas 28:9 - Edo Bible (E Baibol Ẹdo) Version 1996

⁹ Ọ gha sẹ Ẹdẹ Ikẹtin, u ghi ya ivbi ogho eva ne ẹ i mwẹ okan zọ ese kevbe uwan irhuarhua enẹ ne a ye ofigbọn oliv gbe zẹ vbe izẹ ọhẹ ọka deba izẹ ọhẹ ayọn.

Nọmbas 28:9 ပူးပေါင်းရင်းမြစ်များ

II Ọba 4:23

Ọdafẹn ọnrẹn keghi nọ rẹn wẹẹ, “Vbọzẹ ne u na ho ne u gha khian ẹrẹna yi, ẹ i re ẹdẹ ikẹtin ra Emwiukpo Uki Ọgbọn.” Okhuo nii keghi kha wẹẹ, “Ọnii wa maa.”

II Krọnikol 2:3

E Solomọn keghi gie ne a tama e Hiram ne ọba e Taia wẹẹ, “Vbe gha do ẹki gun mwẹ zẹ vbene u vbe gha do ẹki gie erha mwẹ ighẹ e Devid ne ọba vbe ẹghẹ ne u na khiẹnnẹ igẹdu e sida ne ẹẹn ne ọ ya bọ ẹguae ẹre.

II Krọnikol 2:4

I wa bọ Ọgua Osa nian ne I ya ya ọghọ ne Nọyaẹnmwa ne Osanobua mwẹ. Ehe ne ọ huanrẹn khian gha nọ, ehe ne avbe emwa mwẹ kevbe imẹ, gha na gha ga ẹe, vbene ima gha na gha giẹn eturari nọwinhin ghe ẹre, ehe ne ima gha na gha ye ebrẹd ne ọ huanrẹn yo imuohan giee vbe ne a i na dobọyi, ehe ne ima gha na gha zọ ese ne a giẹn uan ghe ẹre vbe owiẹ kevbe ota kevbe Ẹdẹ Ikẹtin hia fẹẹrẹ, emwiukpo Uki Ọgbọn, kevbe avbe ẹdẹ ni huanrẹn ne a ya gha ya ọghọ ne Nọyaẹnmwa ne Osanobua mwa. Rẹn ọ re ọ tama ivbi Izrẹl ne iran gha ru ọna khian ẹdẹdẹmwẹdẹ.

II Krọnikol 8:13

Ọ keghi zọ ese ne a tọẹn zẹ vbene Uhi e Mosis mu ẹẹn ye otọ ne dọmwadẹ ẹdẹ ne ọ huanrẹn. Ẹdẹ Ikẹtin, Emwiukpo Uki Ọgbọn, kevbe emwiukpo eha ne a ru ukpukpo, ena ọre Emwiukpo Ebrẹd Nọmahue, Emwiorhọ kevbe Emwiukpo Irhu.

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Ezikiẹl 20:12

I keghi ya Ẹdẹ Ikẹtin ne a ya hẹwẹ ru ama ye ile ne ima gba ta, ne ọ gha ye iran rre wẹ te imẹ ne Nọyaẹnmwa ya iran khian nọhuanrẹn.

Ezikiẹl 46:4

Vbe Ẹdẹ Ikẹtin, ovbiọba ghi viọ ivbi ohuan ehan kevbe ogho ọkpa ne ẹ i mwẹ okan zẹ vbe ese ne a ra gien ọre ikun ẹnrẹn ohoho.

Nọmbas 28:10

A ghi gha zọ ese na giẹn uan na Ẹdẹ Ikẹtin hia deba ese ne a zọ ẹdẹgbegbe ba ayọn izẹọhẹ.

Nọmbas 28:8

Ota gha ghi rre, u ghi vbe ya oteghe ohuan ne ogieva zọ ese zẹ vbene a vbe ruẹe vbe owiẹ ke ẹe kevbe ayọn izẹọhẹ. Izẹọhẹ evbare vbe nọ, emwi ne ọ winhin yẹ Nọyaẹnmwa.

Arhie Maan 1:10

Vbe Ẹdẹ Nọyaẹnmwa, Orhiọn keghi hin yan mwẹ, I keghi họn urhu ne ọ la ọkpa ne ọ davan zẹ vbe okpe, ọ kegha guan vbe iyeke mwẹ.