Nọmbas 28:7 - Edo Bible (E Baibol Ẹdo) Version 1996

⁷ U ghi hihiẹ ọgọ ayọn eva ye aka zẹ vbe ayọn ne a mu lele oteghe ohuan ne okaro.

Nọmbas 28:7 ပူးပေါင်းရင်းမြစ်များ

Ẹksọdọs 29:40

Nokaro ne ọ rrọọ, u ghi ya ẹe zọ ese ba ọduẹki ẹlubọ enẹ ne a ya ago ofigbọn oliv ne a ma gua eha gbe. U ghi sa ukpu ayọn eha kua zẹ vbe izọhẹ emwi na a da.

Ẹksọdọs 29:42

Emwi izọhẹ ne a giẹn uan na, ke orre ya sẹ orre ẹdẹdẹmwẹdẹ ọre uwa gha ya gha ya ẹe zẹ ọhẹ vbe onurho owa ne Owa Ukpọn ne a ya rẹn ighẹ I rre evba, vbe odaro imẹ ne Nọyaẹnmwa. Emwa na I ra na do gha miẹn emwa mwẹ ne I vbe gha gu uwẹ guan.

Ẹksọdọs 30:9

Wa ghẹ giẹn eturari awua vbe uhunmwu ẹnrẹn ra aranmwẹ ne a giẹn uan ne a ya zọ ese ra evbare ne a ya zẹ ọhẹ, wa ghẹ hihiẹ izọhẹ ne a da yan rẹn.

Aizaia 57:6

Wa viọ okuta ikpẹbọ ke evba gha dee, wa ghi ya gho iran zẹ vbe ẹbọ. Wa ghi gha sa ayọn ye otọ zẹvbe emwi ne a ya zọ ese ghe iran, wa ghi vbe gha viọ ọka gie iran vbe emwi izọ ese. Wa yayi wẹ avbe emwi na yẹ mwẹ ra?

Joẹl 1:13

Wa yọ ukpon akhiẹ ne uwa gha viẹ ne avbe ohẹn ni ga vbe Ogiukpo. Wa gha rrie uwu Ọgua Osa, ne uwa ya ye asọn hia khiẹ! Ọka ra ayọn i ghi rrọ, ne uwa gha ya ru imuohan gie Osanobua uwa.

Joẹl 1:9

Ayọn ra ọka ne a ya mu ohan vbe Ọgua Osa i ghi rrọọ; avbe ohẹn gha khiẹ, rhunmwuda iran i miẹn emwi ya ha oko gie Nọyaẹnmwa.

Joẹl 2:14

Ughaghe, e Nọyaẹnmwa ne Osanobua rua gha fi ekhọe werriẹ, ọ ghi ye emwiokọ nibun ru uwa ẹse. Ẹghẹ nii, wa ghi vbe ha oko ọka kevbe ayọn gie ẹe.

Levitikọs 1:9

Okpia nii ghi kpe avbe ibiẹ ọre kevbe avbe owẹ ọre, ohẹn ne ọ ru ugamwẹ ghi giẹn ese nii hia vbe aka. Uwinhinmwẹ emwi imuohan evbare na yẹ Nọyaẹnmwa.

Levitikọs 23:13

Wa ghi vbe viọ uwan enẹ ọghe irhuarhua ne a ya ofigbọn ọliv gbe gha de do ya ẹe zẹ ọhẹ evbare. Uwinhinmwẹ izẹọhẹ vberriọ wa yẹ e Nọyaẹnmwa. Wa ghi mu ọgọ ayọn ọkpa lele ẹe rre.

Nọmbas 15:10

a ghi viọ ọgọ ayọn enẹ lelẹe. Uwinhinmwẹ izẹ ọhẹ vbenian wa yẹ Nọyaẹnmwa.

Nọmbas 15:7

ke ẹe kevbe ọgọ ayọn eha. Uwinhinmwẹ izẹọhẹ vberriọ wa yẹ e Nọyaẹnmwa.

Nọmbas 28:14

Ayọn ne ọ wa lelẹe khian keghi re ọgọ enenẹ vbe ẹkhuia ẹmila ọkpọkpa, ọgọ eha vbe ogho ọkpa, ọgọ eva vbe oteghe ohuan ọkpa. Emwamwa na keghi re ọghe ese na giẹn uan ọghe ikpẹdẹ ne okaro vbe uki, ukpo te ya gba.

Nọmbas 28:31

U ghi ya ena kevbe ayọn zẹ ọhẹ deba ese na giẹn uan ẹdẹgbegbe le izẹ ọhẹ ọka.

Nọmbas 28:6

Ọna ọrọre izẹọhẹ evbare, emwi ne ọ winhin yẹ e Nọyaẹnmwa.

Nọmbas 28:8

Ota gha ghi rre, u ghi vbe ya oteghe ohuan ne ogieva zọ ese zẹ vbene a vbe ruẹe vbe owiẹ ke ẹe kevbe ayọn izẹọhẹ. Izẹọhẹ evbare vbe nọ, emwi ne ọ winhin yẹ Nọyaẹnmwa.

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.