Nọmbas 28:4 - Edo Bible (E Baibol Ẹdo) Version 1996

⁴ A ghi ya oteghe ohuan ne okaro zẹ ọhẹ vbe owiẹ kevbe ne ogieva vbe ota.

Nọmbas 28:4 ပူးပေါင်းရင်းမြစ်များ

I Ọba 18:29

Iran na gha vannọ, iran na gha go ọ te ya sẹ ẹghẹ ogiavan, sokpan ewanniẹn ma rre, a ma họn urhu rhọkpa.

I Ọba 18:36

Ọ ghi sẹ ẹghẹ ne a ya zọ ese ogiavan, Elaija ne akhasẹ keghi sikẹ aka, ọ keghi na erhunmwu wẹẹ, “E Nọyaẹnmwa, Osanobua Ebraham, Aizik, kevbe Jekọb, rhie maa nian ighẹ wẹ ọrọre Osanobua Izrẹl kevbe wẹ ọguọmwadia ruẹ mẹ khin, kevbe wẹ emwi ne I ru na hia, wẹ ọre ọ gie mwẹ.

I Krọnikol 16:40

Iran ghi gha giẹn ohoho ese vbe uhunmwu Ogiukpo vbe owiẹ kevbe ota hia, zẹ vbene a gbẹn ọẹn ye uhi ne Nọyaẹnmwa gbẹn ne ivbi Izrẹl.

Psalm 141:2

Rhan obọ miẹn erhunmwu mwẹ zẹ vbe eturari, obọ ne I viọ ghe okhunmwu zẹ vbe izọ ese ota.

Ẹksọdọs 12:6

Wa ghi muẹn hin rre khẹ ikpẹdẹ ne ne ogiwenẹ ọghe uki na, ẹghẹ ne ivbi Izrẹl hia gha ya gbele aranmwẹ.

Daniẹl 9:21

Ugbẹn vbe I ghi wa na erhunmwu nii, e Gebriẹl ne I miẹn vbe umian ne I ka miẹn keghi tin gha die ehe ne I ye. Ẹghẹ ne a ya zọ ese ota nọ.

Joẹl 1:13

Wa yọ ukpon akhiẹ ne uwa gha viẹ ne avbe ohẹn ni ga vbe Ogiukpo. Wa gha rrie uwu Ọgua Osa, ne uwa ya ye asọn hia khiẹ! Ọka ra ayọn i ghi rrọ, ne uwa gha ya ru imuohan gie Osanobua uwa.

Levitikọs 3:7

Ọmwa gha ya ohuan haoko,

Nọmbas 28:3

Izẹọhẹ evbare ne a gha viọ gie Nọyaẹnmwa ọ re ena khin: vbe ọghe ese ne a giẹn uan ọghe ẹdẹgbegbe vbọ, ivbi ogho ne ọ he rre ukpo ọkpa ne ẹ i mwẹ okan.

Nọmbas 28:5

A ghi vbe zẹ ọhẹ ọka ba ehia, uwan eva Ọghe irhuarhua ne a ya ofigbọn oliv uwan eva ne ọ maa sẹ gbe.