Nọmbas 28:3 - Edo Bible (E Baibol Ẹdo) Version 1996

³ Izẹọhẹ evbare ne a gha viọ gie Nọyaẹnmwa ọ re ena khin: vbe ọghe ese ne a giẹn uan ọghe ẹdẹgbegbe vbọ, ivbi ogho ne ọ he rre ukpo ọkpa ne ẹ i mwẹ okan.

Nọmbas 28:3 ပူးပေါင်းရင်းမြစ်များ

I Krọnikol 16:40

Iran ghi gha giẹn ohoho ese vbe uhunmwu Ogiukpo vbe owiẹ kevbe ota hia, zẹ vbene a gbẹn ọẹn ye uhi ne Nọyaẹnmwa gbẹn ne ivbi Izrẹl.

II Krọnikol 8:13

Ọ keghi zọ ese ne a tọẹn zẹ vbene Uhi e Mosis mu ẹẹn ye otọ ne dọmwadẹ ẹdẹ ne ọ huanrẹn. Ẹdẹ Ikẹtin, Emwiukpo Uki Ọgbọn, kevbe emwiukpo eha ne a ru ukpukpo, ena ọre Emwiukpo Ebrẹd Nọmahue, Emwiorhọ kevbe Emwiukpo Irhu.

Ẹzra 3:5

Ye vbe deba ọnii, iran kevbe gha zọ ese ne a giẹn ikun ẹnrẹn hia, kevbe ese ne a zọ vbe ẹghẹ Emwiukpo Uki Ọgbọn, kevbe ẹghẹ ugamwẹ ni dekẹe hia ne a na si egbe koko ga e Nọyaẹnmwa; do deba avbe izọ ese ne a ya ọ kekhọerre zọ ghe Nọyaẹnmwa.

Daniẹl 11:31

Eso vbe ivbiyokuo ẹre gha ru awua vbe uwu Ọgua Osa, iran gha dobọ izọese ẹdẹgbegbe yi, iran ghi mu ‘Emwikhọ Ugborrirri’ gbọọ.

Daniẹl 12:11

“Ke ẹghẹ ne a ya dobọ ese ẹdẹgbegbe yi, ọnii nọ wẹ ke ẹghẹ Ọkhọ Nọgborrirri gha dee, ikpẹdẹ ekigbesiyisẹn yan arria ehan (1,290) gha gberra.

Daniẹl 8:11

Uhin ighe ọ ye vbe fa ovbiọba ọghe ivbiyokuo ẹrinmwi uan, ọ na dobọ ese ne a zọ gie ẹe ẹdẹgbegbe yi, ọ na mu Ọgua Osa rhia.

Daniẹl 8:13

I keghi vbe dẹghe odibosa ọkpa vbe ọ nọ ọvbehe wẹẹ, “Vbe avbe emwi ne a miẹn vbe umian na ra kpee sẹhẹ vbe otọe yi? Inu ẹghẹ ọ re orukhọ ẹwia ra rhie ihe izọ ese ẹdẹgbegbe la vbotọ? Inu ẹghẹ ọ re a ra ya owẹ rrilo ivbiyokuo ẹrinmwi kevbe Ọgua Osa la vbotọ?”

Levitikọs 3:5

Avbe ohẹn ghi giẹn ena hia vbe uhunmwu aka deba ese ne a giẹn uan nii. Uwinhinmwẹ emwi ihaoko evbare na yẹ Nọyaẹnmwa.

Levitikọs 6:9

Ne ọ viọ avbe uhi na ne Errọn kevbe avbe ivbi ẹre vbe ekpa ese ne a giẹn uan fo. “A ghi gha sẹ ese na giẹn uan rae ye aka la asọn hia, a ghi gie erhẹn nii gha baa.

Emọs 4:4

E Nọyaẹnmwa ne Udazi khare wẹẹ, “Wa ne ivbi Izrẹl, wa gha rrie ehe nọhuanrẹn ne ọ rre Bẹtẹl ne uwa ya ru orukhọ khekherriọ! Wa gha rrie Gilgal ne uwa ya ye ẹtin uwa hia ru orukhọ! Wa tua obọ yọ, ne uwa gha munọ aranmwẹ rre ne a ya gha zọ ese owiẹ owiẹ, ne uwa vbe gha viọ aghae ye ihigbe ọwua rre ẹdẹ eheha.

Nọmbas 28:10

A ghi gha zọ ese na giẹn uan na Ẹdẹ Ikẹtin hia deba ese ne a zọ ẹdẹgbegbe ba ayọn izẹọhẹ.

Nọmbas 28:15

U ghi gbe ovbukhọ ba emwi izọese ẹdẹgbegbe zẹ vbe izọese orukhọ.

Nọmbas 28:23

U ghi ya ena zọ ese ba ese na giẹn uan owiowiẹ ne a wa zọ.

Nọmbas 28:24

Erriọ wa gha vbe ya zọ ese izẹọhẹ evbare ghe Nọyaẹnmwa la ikpẹdẹ ihinrọn, emwi ne ọ winhin yẹ Nọyaẹnmwa nọ, wa ghi ye ọna zẹ ọhẹ ba ese ne a giẹn uan ẹdẹgbegbe kevbe izẹọhẹ ọghe ayọn.

Nọmbas 28:31

U ghi ya ena kevbe ayọn zẹ ọhẹ deba ese na giẹn uan ẹdẹgbegbe le izẹ ọhẹ ọka.

Nọmbas 28:4

A ghi ya oteghe ohuan ne okaro zẹ ọhẹ vbe owiẹ kevbe ne ogieva vbe ota.

Nọmbas 29:11

A ghi vbe ya ovbukhọ ọkpa zọ ese orukhọ deba ẹwe ne a ya zọ ese akpehuan ọghe emwa nii, deba izọese ẹdẹgbegbe ke ẹe kevbe izẹọhẹ ọka kevbe ayọn.

Nọmbas 29:16

U ghi vbe ya ovbukhọ ọkpa zọ ese orukhọ, u ghi ya ena zọ ese deba izẹọhẹ ẹdẹgbegbe ni rrọọ ke ẹe kevbe izẹọhẹ ọka kevbe ayọn.

Nọmbas 29:6

U ghi ya ena zẹ ọhẹ ba ese na giẹn uan ọghe ẹdẹgbegbe ọghe ikpẹdẹ ne okaro vbe uki, ke ẹe kevbe izẹọhẹ ọka kevbe ọghe ayọn. Avbe izẹọhẹ evbare na, emwi ni winhin yẹ Nọyaẹnmwa nọ.

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Hibru 9:6

A ghẹ ghi mwamwa emwi na hia nẹ, ẹdẹgbegbe ọre avbe ohẹn ya la Ọgua ukpọn ne ọ ke ore, ne iran ya gha winna iwinna iran.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.