Nọmbas 28:28 - Edo Bible (E Baibol Ẹdo) Version 1996

²⁸ Deba izẹọhẹ ọka zẹ vbene ọ kei yi, irhuarhua ne a ya ofigbọn oliv gbe, uwan ehan ghi lele ẹkhuia ọkpọkpa, uwan enenẹ ghi lele ogho ọkpọkpa.

Nọmbas 28:28 ပူးပေါင်းရင်းမြစ်များ

II Krọnikol 23:18

E Jehoiada keghi mu iwinna ni rre Ọgua Osa ne avbe ohẹn kevbe avbe Livai. Iran ghi gha winna avbe iwinna ne ọba Devid wa ne iran, iran ghi vbe giẹn avbe emwi ne a ya zọ ese ghe Nọyaẹnmwa, zẹ vbene Uhi e Mosis muẹn ye otọ. Iran ọ re ọ vbe yan iwinna ẹgiọn kevbe emaba ne a kpee kevbe avbe ugie ne a do.

II Krọnikol 31:3

Owiẹ owiẹ kevbe ota hia ọ ghi mu aranmwẹ kevbe oghẹn emwirri ẹre rre ne a ya gha zọ ese na giẹn uan, kevbe ne a ya zọ ese vbe Ẹdẹ Ikẹtin, Emwiukpo Uki Ọgbọn kevbe avbe emwiukpo ọvbehe ne uhi e Nọyaẹnmwa wẹ ne a gha ru.

Ẹzra 3:2

Ẹre Jọsua ne ovbi e Jehozadak, avbe ohẹn ne ihua ẹre kevbe Zerubabẹl ne ovbi e Sitiẹl, deba avbe etiọnrẹn hia, keghi koko dọlọ Ogiukpo ọghe Osanobua Izrẹl bọ ne iran miẹn ehe na gha giẹn emwi ne a ya zọ ese zẹ vbene a mwamwa ẹẹn ye ebe Uhi e Mosis ne ọmwa Osanobua.

Jerimaia 48:35

I gha ru ẹe ne emwa e Moab ghẹ ghi zọ ese ne a giuan vbe ehe ne iran na ga, kevbe ne iran ghẹ ghi zọ ese ghe ẹbọ iran. mẹ ne Nọyaẹnmwa tae nẹ.

Ezikiẹl 45:17

Iwinna irẹn nọ ne ọ mu aranmwẹ ne a ra gien uan rre, kevbe ọka imuohan kevbe ayọn ne a ya mu ohan ọghe otọe Izrẹl hia vbe ẹghẹ Emwiukpo Uki Ọgbọn kevbe Ẹdẹ Ikẹtin kevbe avbe emwiukpo ni ghi dekẹe. Rẹn ọ re ọ gha mu emwi imuohan ọghe orukhọ rre, kevbe ọghe ọka, emwi imuohan ne a ra wa gien ikun ẹnrẹn, kevbe emwi izọese ọghe isara, ne a ya kpe orukhọ ivbi Izrẹl kua.”

Levitikọs 14:10

Vbe ikpẹde nogierẹnrẹn, ọ ghi viọ ivbi ogho eva kevbe ovbi ohuan amwẹ ọkpa, iran ghi gha re ne ẹ i mwẹ okan, uwan irhuarhua isẹn ne a ya ofigbọn ọliv gbe, ke ẹe kevbe ukhiọnmwẹ ọgọ ọghe ofigbọn ọliv.

Nọmbas 28:27

Wa ghi ya avbe emwi na zọ ese na giẹn uan zẹ vbe emwi ni winhin yẹ Nọyaẹnmwa, ivbi ẹkhuia ẹmila eva, ogho ọkpa kevbe ivbi ogho ihinrọn ni he rre ukpo ọkpa, ehia ghi gha re ne ẹ i mwẹ okan.

Nọmbas 28:29

Uwan eva ghi lele oteghe ohuan ọkpọkpa.