Nọmbas 28:24 - Edo Bible (E Baibol Ẹdo) Version 1996

²⁴ Erriọ wa gha vbe ya zọ ese izẹọhẹ evbare ghe Nọyaẹnmwa la ikpẹdẹ ihinrọn, emwi ne ọ winhin yẹ Nọyaẹnmwa nọ, wa ghi ye ọna zẹ ọhẹ ba ese ne a giẹn uan ẹdẹgbegbe kevbe izẹọhẹ ọghe ayọn.

Nọmbas 28:24 ပူးပေါင်းရင်းမြစ်များ

Ẹksọdọs 29:40

Nokaro ne ọ rrọọ, u ghi ya ẹe zọ ese ba ọduẹki ẹlubọ enẹ ne a ya ago ofigbọn oliv ne a ma gua eha gbe. U ghi sa ukpu ayọn eha kua zẹ vbe izọhẹ emwi na a da.

Ezikiẹl 45:23

Vbe uwu ikpẹdẹ ihinrọn ne emwiukpo nii gha ya vbe otọ, ọ ghi gha ya ẹkhuia ẹmila ne ẹ i mwẹ okan ihinrọn zọ ese ẹdẹgbegbe ghe Nọyaẹnmwa, a ghi wa gha gien ikun ẹnrẹn ohoho. Ọ ghi vbe gha ya ovbukhọ ọkpọkpa zọ ese ye orukhọ ẹdẹgbegbe.

Levitikọs 3:11

Ohẹn ne ọ ru ugamwẹ ghi giẹn ena hia zẹ vbe evbare ihaoko gie Nọyaẹnmwa.

Nọmbas 28:3

Izẹọhẹ evbare ne a gha viọ gie Nọyaẹnmwa ọ re ena khin: vbe ọghe ese ne a giẹn uan ọghe ẹdẹgbegbe vbọ, ivbi ogho ne ọ he rre ukpo ọkpa ne ẹ i mwẹ okan.

Hibru 10:11

Dọmwadẹ ohẹn avbe Ju, te ọ mudia winna iwinna rẹn ẹdẹgbegbe, ọ ghi vbe gha zọ ese ọkpa ni yan egbe yan egbe. Sokpan avbe izọese na i sẹtin kpe orukhọ kua.