Nọmbas 28:11 - Edo Bible (E Baibol Ẹdo) Version 1996

¹¹ Wa ghi gha zọhẹ na giẹn uan gie Nọyaẹnmwa vbe omuhẹn uki hia, ena ọre ivbi ẹkhuia ẹmila eva, ogho ọkpa, ivbi ogho ni he rre ukpo ọkpa ihinrọn, e hia ghi gha re ne ẹ i mwẹ okan.

Nọmbas 28:11 ပူးပေါင်းရင်းမြစ်များ

II Ọba 4:23

Ọdafẹn ọnrẹn keghi nọ rẹn wẹẹ, “Vbọzẹ ne u na ho ne u gha khian ẹrẹna yi, ẹ i re ẹdẹ ikẹtin ra Emwiukpo Uki Ọgbọn.” Okhuo nii keghi kha wẹẹ, “Ọnii wa maa.”

I Krọnikol 23:31

Ke ẹghẹ hia ne a ya giẹn ese ne a zọ ghe Nọyaẹnmwa vbe Ẹdẹ Ikẹtin, Emwiukpo Uki Ọgbọn, kevbe avbe emwiukpo ọvbehe hia. A keghi mwamwa ilele ne a ya gha rẹn zẹẹ, inu e Livai ne a zẹe wẹ ne ọ winna iwinna na vbe ẹghẹ ke ẹghẹ. A keghi wa zẹ avbe Livai wẹ iwinna iran ọrọre ne iran gha ga e Nọyaẹnmwa rhinrin ẹdẹ.

II Krọnikol 2:3

E Solomọn keghi gie ne a tama e Hiram ne ọba e Taia wẹẹ, “Vbe gha do ẹki gun mwẹ zẹ vbene u vbe gha do ẹki gie erha mwẹ ighẹ e Devid ne ọba vbe ẹghẹ ne u na khiẹnnẹ igẹdu e sida ne ẹẹn ne ọ ya bọ ẹguae ẹre.

II Krọnikol 2:4

I wa bọ Ọgua Osa nian ne I ya ya ọghọ ne Nọyaẹnmwa ne Osanobua mwẹ. Ehe ne ọ huanrẹn khian gha nọ, ehe ne avbe emwa mwẹ kevbe imẹ, gha na gha ga ẹe, vbene ima gha na gha giẹn eturari nọwinhin ghe ẹre, ehe ne ima gha na gha ye ebrẹd ne ọ huanrẹn yo imuohan giee vbe ne a i na dobọyi, ehe ne ima gha na gha zọ ese ne a giẹn uan ghe ẹre vbe owiẹ kevbe ota kevbe Ẹdẹ Ikẹtin hia fẹẹrẹ, emwiukpo Uki Ọgbọn, kevbe avbe ẹdẹ ni huanrẹn ne a ya gha ya ọghọ ne Nọyaẹnmwa ne Osanobua mwa. Rẹn ọ re ọ tama ivbi Izrẹl ne iran gha ru ọna khian ẹdẹdẹmwẹdẹ.

II Krọnikol 8:13

Ọ keghi zọ ese ne a tọẹn zẹ vbene Uhi e Mosis mu ẹẹn ye otọ ne dọmwadẹ ẹdẹ ne ọ huanrẹn. Ẹdẹ Ikẹtin, Emwiukpo Uki Ọgbọn, kevbe emwiukpo eha ne a ru ukpukpo, ena ọre Emwiukpo Ebrẹd Nọmahue, Emwiorhọ kevbe Emwiukpo Irhu.

Ẹzra 3:5

Ye vbe deba ọnii, iran kevbe gha zọ ese ne a giẹn ikun ẹnrẹn hia, kevbe ese ne a zọ vbe ẹghẹ Emwiukpo Uki Ọgbọn, kevbe ẹghẹ ugamwẹ ni dekẹe hia ne a na si egbe koko ga e Nọyaẹnmwa; do deba avbe izọ ese ne a ya ọ kekhọerre zọ ghe Nọyaẹnmwa.

Nehimaia 10:33

Ma gha viọ avbe emwi na rre ne a ya gha ru ugamwẹ vbe Ọgua Osa: ebrẹd itaemwi, ọka imuohan ẹdẹgbegbe, aranmwẹ ne a gha giẹn ya gha zọ ese ẹdẹgbegbe, emwi ne a ya zọ ese vbe Ẹdẹ ikẹtin, Emwiukpo Uki Ọgbọn, kevbe avbe emwiukpo ọvbehe, avbe emwi imuohan ni dekẹe, emwi izọ ese ne a ya khiẹn orukhọ ivbi Izrẹl kua kevbe avbe emwi ọvbehe hia ne a ghi gualọ vbe Ọgua Osa.

Psalm 40:6

Wẹ ẹi gualọ ese ra imuohan; u ma vbe nọ aranmwẹ ne a giẹn ọ re ohoho vbe aka ra ne a ya zọese ne ọ kpe orukhọ kua. Sokpan, wẹ keghi rhie ehọ mẹ ne I ya gha họn ẹmwẹ ruẹn.

Psalm 40:8

U miẹn vbe iho ruẹ ne a ru yẹ mwẹ hẹ Osanobua mwẹ! I rhie iruẹmwi ruẹn ye uwu ekhọe mwẹ.”

Psalm 81:3

Wa kpe okpe ye emwiukpo nii, vbe uki a da hin kevbe uki a ko urro.

Psalm 81:4

Uhi ẹre ọna khin vbe Izrẹl, iyi ne Osanobua e Jekọb yi.

Aizaia 66:23

Ẹghẹ emwiukpo Uki ọgbọn kevbe Ẹdẹ Ikẹtin hia, ọre ivbi edọmwadẹ uhunmwu ẹvbo gha do ya gha ga mwẹ vbe Jerusalẹm vbe emwana. Erriọ,” Nọyaẹnmwa khare.

Ezikiẹl 46:1

E Nọyaẹnmwa ne Udazi khare wẹẹ, “Onurho ne ọ rre odẹ ahọ vbe ne a la sẹ ikun ne ọ ke uwu ẹre, te a ra gha khui ẹre gbua vbe ikpẹdẹ ehan ne a ya winna, sokpan, a ghi gha kie ẹre yotọ vbe Ẹdẹ Ikẹtin kevbe ẹghẹ Emwiukpo uki Ọgbọn.

Ezikiẹl 46:6

Vbe emwiukpo uki Ọgbọn ọ ghi viọ ovbi ẹkhuia ẹmila ọkpa, ivbi ohuan ehan, kevbe ogho ọkpa, ehia na ghi gha re ne ẹ i mwẹ okan ọ ghi do ya gha mu ohan.

Ezikiẹl 46:7

“Ọ ghi mu ukhiọnmwẹ adanna ọka lele ẹkhuia ẹmila ọkpọkpa kevbe ogho ọkpọkpa rre. Emwi ne ọ rhirhi khọn ovbiọba ọ re ọ gha mu lele dọmwadẹ ovbi ohuan rre. A ghi mu ekuiyẹ nọkhua eha ọghe ofigbọn oliv lele dọmwadẹ ukhiọnmwẹ; adanna ọka rre do ya gha mu ohan.

Hozia 2:11

I gha dobọ ugie ne ọ do hia yi. Ugie ukpukpo kevbe ugie ukiuki ne ọ do deba, emwi ne ọ ru vbe Ẹdẹ Ikẹtin hia fẹẹrẹ, kevbe iko ugamwẹ ne ọ ko hia.

Levitikọs 1:13

Ọmwa nii ghi kpe ibiẹ ọre kevbe owẹ ọre, ohẹn ghi do mu ese nii gie Nọyaẹnmwa, ọ ghi giẹn ehia fẹẹrẹ vbe uhunmwu aka, uwinhinmwẹ emwi ihaoko evbare na yẹ Nọyaẹnmwa.

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Levitikọs 1:9

Okpia nii ghi kpe avbe ibiẹ ọre kevbe avbe owẹ ọre, ohẹn ne ọ ru ugamwẹ ghi giẹn ese nii hia vbe aka. Uwinhinmwẹ emwi imuohan evbare na yẹ Nọyaẹnmwa.

Emọs 3:5

Ifi vbe mu ahianmwẹ ra deghẹ ẹ i re te a ke ẹre? Ifi wa vbe gheghe dọn ra adeghẹ ẹ i re emwi ọ dọn rẹn?

Emọs 8:5

Wa ghi gha tama egbe wẹẹ, “Ma gha sẹtin mudia ne irhiẹdẹ fo nẹ ma keghi ya gha khiẹnnẹ avbe ọka ima? De ẹghẹ ne Ẹdẹ Ikẹtin ra ya gberra yi ne ima miẹn ehe na suẹn emwi gha khiẹn? Ẹghẹ nii, ma ghi fian yan emwi hia, ma ghi gha ya omwa ne ọ ma gba mwa emwi, ma ghi mu esike ye vbene ọ gha ya mu emwa ni gu ima dẹlẹ emwi ru.

Nọmbas 10:10

Erriọ vbe nọ vbe ẹghẹ iku ọyẹnmwẹ, ẹghẹ Emwiukpo Uki Ọgbọn, kevbe emwiukpo ugamwẹ ọvbehe hia, wa gha viọ ese na giẹn uan ọghe uwa rre, kevbe ọghe isara, wa ghi kpe okpe na. Ẹghẹ nii, I gha yi uwa obọ. Mẹ ọ re Nọyaẹnmwa Osanobua rua.”

Nọmbas 28:19

Wa ghi zọ ese na giẹn uan zẹ vbe izẹ ọhẹ evbare ne Nọyaẹnmwa: ena ọrọre ivbi ẹkhuia eva, ogho ọkpa kevbe ivbi ogho ne ọ he rre ukpo ọkpa ihinrọn, ehia ghi gha re ne ẹ i mwẹ okan.

Galatia 4:10

Wa siẹn ẹdẹ eso ẹro, uki, ẹghẹ, kevbe ukpo.

Kọlose 2:16

Rhunmwuda ọnii, wa ghẹ ghi gie ọmwa rhọkpa gha yi uhi ne uwa, vbe ekpa ọghe emwi ne uwa gha re ra emwi ne uwa gha da, ra vbe emwi ne ọ dekan ẹdẹ iruemwi, ra ugie uki ọgbọn, ra Ẹdẹ Ikẹtin.

Kọlose 2:6

Vbene uwa ghi na rhan obọ miẹn Kristi Jesu nẹ nian zẹ vbe Nọyaẹnmwa, wa ku ẹdẹ agbọn uwa gbe ba ọghọe.

I Samuẹl 20:5

E Devid keghi wanniẹn wẹẹ, “Akhuẹ ne ọ re emwiukpo Uki ọgbọn, te ọ kere ne I gu ọba rri evbare. Sokpan, a deghẹ u kue yọ vberriọ, I gha ya lẹre ye uwu oha ọ te ya sẹ ẹghẹ ota ne irakhuẹ.

I Samuẹl 9:12

Iran keghi wanniẹn wẹẹ, “Ẹn, ọ rre owa. Ghe, ọ wa khian vbe odaro uwa nian. Wa tua owẹ ye okhian, te ọ da ke ehe rre na rhunmwuda, emwa gha zọ ese ẹrẹna vbe aka ne ọ rre uhunmwu oke. U gha wa da la ore ẹvbo, u gha miẹn ọẹn vbe ọ te hin ukhunmwu ya rri evbare. Avbe emwa i ra suẹn evbare gha re ọ te sẹ evba, rhunmwuda te irẹn gha ka na erhunmwu emwi izọese nẹ, emwa nii ke suẹn evbare gha re. Wa gha rrie evba nii nian, wa gha miẹn ọẹn vba vbe ọwarọkpa.”