Nọmbas 27:21 - Edo Bible (E Baibol Ẹdo) Version 1996

²¹ “Eliaza ne ohẹn ọre rẹn ra ye aro khọ, ọmwa ne ọ gha ya Urim kevbe Tumin gualọ otọ emwi ne I ho. Odẹ vbenian Eliaza ọre ọ ra gha dia e Jọsua kevbe emwa Izrẹl hia vbe emwi ne iran ra gha ru hia.”

Nọmbas 27:21 ပူးပေါင်းရင်းမြစ်များ

II Samuẹl 21:1

Ukhunmwu nọkhua ọkpa keghi do fi vbe ẹghẹ ne Devid na gha rre ẹkete, ikpiia gbalaka ọ re ọ wa ya vbe otọ. Ẹre Devid na nọ otọ ẹre vbe obọ e Nọyaẹnmwa, e Nọyaẹnmwa keghi kha wẹẹ, “E Sọl kevbe ẹgbẹe ọre diyi izigha, ọ gbele ivbi e Gibiọn rua.”

Ẹzra 2:63

Ovbi e Ju ne ọ khaemwisẹ keghi tama iran wẹ ne iran ghẹ rri evbare ne a ya yo imuohan gie Osa, a te do miẹn ohẹn ne ọ guara lo Urim kevbe Tumin.

Nehimaia 7:65

Ovbi e Ju ne ọ re ne ọ khaemwisẹ keghi tama iran wẹ iran i ra sẹtin rri evbare ne a ya fi ohan gie Osanobua vbe ẹ i re te a miẹn ohẹn ne ọ guara lo Urim kevbe Tumin nẹ.

Ẹksọdọs 28:30

U ghi viọ avbe uta eveva nii ne a tie ẹre Urim kevbe Tumin ye uhanhan ukpọn ẹwẹe ne a miẹn wẹ Errọn gha rrie ehe nọhuanrẹn ne imẹ ye iran ghi gha rre ọre ẹwẹe. Ọ gha yo ehe ne Nọyaẹnmwa ye, ọ ghi viọ emwi ne a ya ta uhanhan ukpọn ẹwẹe mwẹ, ne ọ miẹn ehe na rẹn vbene imẹ mu ẹmwẹ ivbi Izrẹl yi.

Levitikọs 8:8

Ọ keghi mu uhanhan ẹwẹe yọ ẹe, ọ keghi vbe viọ Urim kevbe Tumin yọ.

Malakai 2:7

Iwinna avbe ohẹn nọ ne iran ma emwa irẹnmwi ẹmwata ọghe Osanobua. Te ọ kere ne emwa gha bu iran yo ne iran ya gha ruẹ emwi ne I ho, rhunmwuda iran ọrọre ukọ ọghe Nọyaẹnmwa ne Oghodua.

Nọmbas 27:17

Ne ọ gha vbe sẹtin gha su iran ye igbinna ne emwa ruẹn ghẹ do ye vbe ohuan ne ẹ i mwẹ ọsuohuan.”

Nọmbas 27:2

Iran keghi ya mudia ye odaro e Mosis. Eliaza ne ohẹn, avbe ọkaolotu kevbe emwa Izrẹl hia, vbe onurho Owa Ukpọn Ile, iran na kha wẹẹ,

Nọmbas 27:20

Rhie eso vbe asẹ ruẹ ne ẹẹn, ne ivbi Izrẹl miẹn ehe na gha họn ẹmwẹ nẹẹn.

Nọmbas 27:22

E Mosis keghi ru ẹẹ vbene Nọyaẹnmwa tama rẹn. Ọ keghi rhie Jọsua mudia ye odaro Eliaza ne ohẹn ke emwa ni hia.

Nọmbas 27:5

E Mosis keghi mu ẹzọ iran bu e Nọyaẹnmwa gha dee.

Diuteronomi 31:3

E Nọyaẹnmwa Osanobua uwa gha ke odaro ne uwa, ọ ghi fuẹn avbe okpẹvbo na hia a, ne uwa miẹn ehe na yan otọe iran, e Jọsua ghi gha re olotu uwa zẹ vbene Nọyaẹnmwa khare.

Diuteronomi 33:8

Ọ keghi kha vbe ekpa ọghe ẹwae Livai wẹẹ: “Wẹ ne Nọyaẹnmwa, ye egbe ruẹ ne a rẹn vbe ekpa Urim kevbe Tumin, la obọ avbe Livai, ne eguọmwadia esi ruẹ wẹ danmwẹ iran ghe vbe Masa u kevbe miẹn otọ iran ye emwata vbe ẹzẹ Mẹriba.

Jọsua 9:14

Ivbi Izrẹl keghi miẹn iran evbare eso sokpan, iran ma nọ e Nọyaẹnmwa emwi ne iran gha ru.

Giọgis 1:1

Ugbẹn vbe Jọsua ghi wu nẹ, ivbi Izrẹl nọ e Nọyaẹnmwa wẹẹ, “De ẹwae ne ọ gha ka gha khian ne ọ ya gu ivbi Kenan gbinna vbe uwu ima?”

Giọgis 20:18

Ivbi Izrẹl kegha rrie owa ugamwẹ vbe Bẹtẹl. Iran na ya nọ Osanobua vbe evba wẹẹ, “De ẹwae ne ọ gha ka dekun e Bẹnjamin?” E Nọyaẹnmwa keghi wanniẹn wẹ, ẹwae Juda.

I Samuẹl 14:19

Vbene Sọl wa gu ohẹn guan nii, otighi ne ọ rre agọ e Filistin kegha rhia yọ, e Sọl keghi rhunmwuda onii tama rẹn wẹẹ, “Ẹghẹ i rrọ ne a ya nọ e Nọyaẹnmwa!”

I Samuẹl 23:9

E Devid ghi họn wẹ e Sọl ra do gu irẹn gbinna, ọ keghi tama Abiata ne ohẹn wẹẹ, “Mu adaghọ nii gha di emwa.”

I Samuẹl 28:6

Rhunmwuda ọnii, ọ keghi nọ e Nọyaẹnmwa emwi ne irẹn gha ru, sokpan, e Nọyaẹnmwa ma zẹdẹ rhie ewanniẹn ne ẹẹn, ọ re vbe imina nọ, ra uta, ra la obọ akhasẹ.

I Samuẹl 30:7

E Devid keghi khama ohẹn Abiata ne ovbi Ahimẹlẹk wẹẹ, “Mu adaghọ ni rre.” Abiata keghi mu gie ẹe.