Nọmbas 27:20 - Edo Bible (E Baibol Ẹdo) Version 1996

²⁰ Rhie eso vbe asẹ ruẹ ne ẹẹn, ne ivbi Izrẹl miẹn ehe na gha họn ẹmwẹ nẹẹn.

Nọmbas 27:20 ပူးပေါင်းရင်းမြစ်များ

II Ọba 2:15

Avbe akhasẹ ekigbesiyeha ni ke Jẹriko rre keghi dẹghe ẹre, iran wẹẹ, “Ẹtin ọghe Elaija rhuẹ yan Elaisia nẹ.” Iran keghi bu ẹre gha khian, iran na vbokho egbe rriotọ ne ẹẹn,

I Krọnikol 29:23

Ẹre Solomọn na ghi rriọba lele Devid ne erha ẹe vbe ẹkete ne Nọyaẹnmwa mu gbọọ. Ọba ne ọ dunna na ọre nọ, emwa Izrẹl hia kegha họn ẹmwẹ ne ẹẹn.

I Krọnikol 29:25

E Nọyaẹnmwa keghi ru ẹe ne ohan e Solomọn gha mu otọe ẹvbo hia, ọ keghi ya ẹe mwẹ uyi sẹẹ avbe ọba hia ne ọ he rriọba vbe Jerusalẹm.

Nọmbas 11:17

I gha tuorre do guẹ guan vbe evba, I gha rhie vbe orhiọn ne I rhie ne uwẹ nẹ, I ghi rhie ne iran. Ẹghẹ nii iran ghi gha ru iyobọ ne uẹn ya gha gbe aro ghe avbe emwa na, ne ọ ghẹ ghi gha re wẹ wẹ ọkpa ọ re ọ mu uhunmwu da ẹre.”

Nọmbas 27:19

U ghi rhie ẹre mudia ye odaro Eliaza ne ohẹn kevbe emwa nii hia, ne u vbe sirra iran tae ighẹ rẹn ọ re ọ ra rhie ihe ruẹ.

Nọmbas 27:21

“Eliaza ne ohẹn ọre rẹn ra ye aro khọ, ọmwa ne ọ gha ya Urim kevbe Tumin gualọ otọ emwi ne I ho. Odẹ vbenian Eliaza ọre ọ ra gha dia e Jọsua kevbe emwa Izrẹl hia vbe emwi ne iran ra gha ru hia.”

I Samuẹl 10:6

Orhiọn Osanobua gha hin yan ruẹn, u ghi deba iran gha ku, u ghi vbe gha go, u ghi gha ru vbe ọmwa ughaẹn fẹẹrẹ.

I Samuẹl 10:9

E Sọl ghi fi egbe werriẹ ne ọ kpao vbe ehe ne Samuẹl ye, Osanobua keghi mu akpa ọgbọn yọ e Sọl, emwi ne Samuẹl tama rẹn hia keghi wa sẹ ẹdẹ rriọ.