Nọmbas 27:18 - Edo Bible (E Baibol Ẹdo) Version 1996

¹⁸ E Nọyaẹnmwa keghi tama e Mosis wẹẹ, “Rhie Jọsua ne ovbi e Nọn, okpia ne ọ sẹ ihe ne u viọ obọ ruẹ yan ẹre uhunmwu.

Nọmbas 27:18 ပူးပေါင်းရင်းမြစ်များ

Gẹnẹsis 41:38

Ọ keghi khama iran wẹẹ, “De ehe ne a gha na miẹn ọmwa ọvbehe nẹ ọ maa sẹẹ Josẹf ne ọ mwẹ orhiọn Osanobua.”

I Krọnikol 7:27

e Nọn, kevbe e Jọsua.

Ẹksọdọs 17:9

E Mosis keghi khama Jọsua wẹẹ, “Hannọ emwa eso ladian ne ima ne uwa ladian ya gu emwa Amalẹk khọn akhuẹ. I gha mudia ye uhunmwu oke vbene I na gha rhie ọkpọ ne Osanobua rhie mẹ mwẹ.”

Daniẹl 5:14

I họẹn ighe orhiọn avbe ẹbọ nihuanrẹn guẹ kevbe wẹ u guẹ emwi ẹsẹse, u vbe mwẹ irẹnmwi kevbe ẹwaẹn.

Nọmbas 11:17

I gha tuorre do guẹ guan vbe evba, I gha rhie vbe orhiọn ne I rhie ne uwẹ nẹ, I ghi rhie ne iran. Ẹghẹ nii iran ghi gha ru iyobọ ne uẹn ya gha gbe aro ghe avbe emwa na, ne ọ ghẹ ghi gha re wẹ wẹ ọkpa ọ re ọ mu uhunmwu da ẹre.”

Nọmbas 13:16

Iran na ọrọre avbe ọrhẹ ne Mosis gie ne ọ ya ghe otọe nii ghe, ọ keghi fi eni Hosia ne ovbi e Nọn werriẹ khian Jọsua.

Nọmbas 27:23

E Mosis keghi viọ obọ yan Jọsua uhunmwu ze vbene Nọyaẹnmwa tama rẹn, ọ na ma ẹre ọmwa ne ọ rhie ihe irẹn.

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

Iwinna 13:3

Iran keghi yo aguẹ, iran na na erhunmwu, iran ghi viọ obọ yan iran uhunmwu nẹ, iran na wẹ ne iran gha khian.

Iwinna 19:6

Pọl keghi viọ obọ ẹre yan iran, Orhiọn Ne Ọ Huanrẹn keghi tuorre yan iran, iran keghi zẹ ẹvbo ne ama i rẹn guan, iran keghi vbe gha ta ẹmwẹ Osanobua.

Iwinna 6:3

Rhunmwuda ọnii, etẹn mwẹ, wa viọ arhin ihinrọn ladian vbe uwu uwa, emwa n a rẹnrẹn ighe iran vuọn ne Orhiọn Ne Ọ Huanrẹn kevbe ẹwaẹn, ne a mu iwinna na ye iran obọ.

Iwinna 6:6

Iran viọ iran gie avbe ukọ, iran keghi na erhunmwu ne iran, iran na viọ obọ yan iran uhunmwu.

Diuteronomi 1:37

Rhunmwuda uwa ọ ra Nọyaẹnmwa na vbe gha mu ohu mwẹ, ọ na wẹ, ‘Wẹ nene Mosis tobọ ruẹ, wẹ i ra vbe la otọe nii.

Diuteronomi 3:21

Iyeke ọnii, I keghi do tama Jọsua wẹẹ, ‘U miẹn emwi hia ne Nọyaẹnmwa ru avbe ọba eva ni re, e Saihọn kevbe Ọg, erriọ ọ ra vbe ru iran hia ni dekẹe ne uwa gha mu okuo ye ẹvbo ẹre.

Diuteronomi 3:28

Rhie igiọdu ne Jọsua. Rhie igiọdu ne ẹẹn ne u rhie orhiọn ye ọre iwu, rhunmwuda rẹn ọ ra viọ emwa nii gberra ya yin otọe ne u dẹghe na.’

Diuteronomi 31:14

Ẹre Nọyaẹnmwa na tama Mosis wẹẹ, “Ẹghẹ ne u ra ya vbe agbọn ma ghi mobọ tan. Tie Jọsua ne u rhie ẹre gha die uwu Owa Ukpọn, ne I miẹn ehe na vbe ta ẹmwẹ ọghe ọe ma rẹn.” Ẹre Mosis kevbe Jọsua na la uwu Owa Ukpọn,

Diuteronomi 31:23

Ẹre Nọyaẹnmwa na tama Jọsua ne ovbi e Nọn wẹẹ, “Wegbe ne u vbe din. U gha viọ ivbi Izrẹl gha rrie otọe nii ne I ve iran ere. I gha vbe gha rrọọ yaba ruẹ.”

Diuteronomi 31:3

E Nọyaẹnmwa Osanobua uwa gha ke odaro ne uwa, ọ ghi fuẹn avbe okpẹvbo na hia a, ne uwa miẹn ehe na yan otọe iran, e Jọsua ghi gha re olotu uwa zẹ vbene Nọyaẹnmwa khare.

Diuteronomi 34:9

E Jọsua ne ovbi Nọn keghi vuọn ne ẹwaẹn rhunmwuda, e Mosis zẹ ọe nẹ ne ọ rhie ihe irẹn. Ivbi Izrẹl keghi wa gha họn ẹmwẹ ne Jọsua, iran kegha lele uhi ne Nọyaẹnmwa la obọ e Mosis rhie gie iran.

I Timoti 4:14

Ghẹ ya emwi orhiọn ne a ya wuẹ rhọ eghẹrẹ, ne a rhie nuẹn ẹghẹ ne a vbe akhasẹ na guan kevbe ne avbe ediọn na viọ obọ yan ruẹn uhunmwu.

I Timoti 5:22

Ghẹ tua viọ obọ yan ọmwaikọmwa uhunmwu, ye iwinna Nọyaẹnmwa, ghẹ mwẹ obọ vbe orukhọ ẹrrẹe, da egbe ruẹ yi vbe ne a i na mwẹ iruẹn.

Hibru 6:2

Iruẹmwi vbe ekpa isamẹ kevbe obọ ne a viọ yan emwa uhunmwu, ọghe a huẹn eniwu kpaegbe kevbe ibuohiẹn etẹbitẹ.

Jọsua 1:17

Ma gha họn ẹmwẹ nuẹn zẹ vbene ima vbe gha họn ẹmwẹ ne Mosis. Sokpan ne Osanobua gha rrọọ yaba ruẹ zẹ vbene ọ vbe gha rrọọ ba e Mosis!

Giọgis 11:29

Ẹre orhiọn e Nọyaẹnmwa na hin yan Jẹfta. Ọ keghi la Giliad ya sẹ Manasẹ, ọ na vbe werriegbe gha die Mizpa, vbe Giliad. Ọ na ke evba gha rrie Amọn.

Giọgis 3:10

Orhiọn e Nọyaẹnmwa keghi hin yan ẹnrẹn, ọ keghi gha re ọkaolotu Izrẹl. Otniẹl kegha rrie okuo, e Nọyaẹnmwa keghi gie ẹe khọn ọba Mẹsopotamia miotọ.

I Samuẹl 16:18

Ọkpa vbe uwu iran ni mudia ke ẹe ke ghi kha wẹẹ, “E Jese ne ovbi e Bẹtlẹhẹm mwẹ ọmọ okpia ọkpa ne ọ wa guara kpe akpata. Ọmwa ne ọ din wa nọ, ovbiyokuo ẹmwata, ọmwa ne ẹmwẹ ma ẹre unu, ke ne ọ mose. Nọyaẹnmwa rrọ yaba ẹre.”