Nọmbas 27:13 - Edo Bible (E Baibol Ẹdo) Version 1996

¹³ U gha ghi bẹghe ẹre nẹ, u ghi wu zẹ vbene Errọn ne ọtuẹn vbe wu.

Nọmbas 27:13 ပူးပေါင်းရင်းမြစ်များ

Gẹnẹsis 25:17

Ukpo ehairrọ-vbiyihinrọn (137) ọre Ismẹl gha ye vbe ọ wu.

Nọmbas 31:2

“Rria emwa Midian ikhi ye emwi ne iran ru ivbi Izrẹl re. U gha ghi ru onii nẹ, u ghi wu.”

Nọmbas 33:38

Vbe ikpẹdẹ ne okaro vbe uki ne ogisẹn ọghe ukpo iyeva ne Izrẹl kpao vbe Igipt rre, Errọn ne ohẹn keghi hin Oke Họ zẹ vbene Nọyaẹnmwa tama rẹn, ọ keghi wu vbe evba vbe ọ rre ọmọ ukpo eha yan iyehan (123).

Diuteronomi 1:37

Rhunmwuda uwa ọ ra Nọyaẹnmwa na vbe gha mu ohu mwẹ, ọ na wẹ, ‘Wẹ nene Mosis tobọ ruẹ, wẹ i ra vbe la otọe nii.

Diuteronomi 10:6

(Ivbi Izrẹl keghi kpao vbe uhae ivbi Jaakan rre, iran na gha rrie Mosera. Errọn keghi wu, a na re ẹre ye evba. Eliaza ne ovbi ẹre ke ghi rhie ihe ẹre zẹ vbe ohẹn.

Diuteronomi 31:14

Ẹre Nọyaẹnmwa na tama Mosis wẹẹ, “Ẹghẹ ne u ra ya vbe agbọn ma ghi mobọ tan. Tie Jọsua ne u rhie ẹre gha die uwu Owa Ukpọn, ne I miẹn ehe na vbe ta ẹmwẹ ọghe ọe ma rẹn.” Ẹre Mosis kevbe Jọsua na la uwu Owa Ukpọn,

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Diuteronomi 32:50

Uhunmwu oke nii wẹ ra na wu zẹ vbene Errọn ne ọtuẹn vbe wu vbe oke Họ.

Diuteronomi 4:22

Otọe edinran ọ re i ra wu yi, mẹ i ra fian ẹzẹ rra, sokpan te uwa ghi ra fian ẹn rra na ne uwa ya yin otọ esiesi nii.