Nọmbas 26:63 - Edo Bible (E Baibol Ẹdo) Version 1996

⁶³ E Mosis kevbe Eliaza keghi mwamwa eni avbe uniẹn na hia vbe ẹghẹ ne iran na ka ivbi izrẹl vbe otọe ne ọ rriẹe ọghe Moab, vbe a gha la e Jẹriko fian Jọdan rra.

Nọmbas 26:63 ပူးပေါင်းရင်းမြစ်များ

Nọmbas 1:19

Zẹ vbene Nọyaẹnmwa khare. A ghi sẹ Ato Sainai, e Mosis keghi gbẹnnẹ eni emwa nii hia ye ebe.

Nọmbas 26:3

E Mosis kevbe Eliaza keghi ru vberriọ. Iran keghi si avbe emwa nii hia nii rre ikpugie kevbe ni sẹẹ ọnii koko. Iran keghi si koko vbe otọ ne ọhẹnhẹn ọghe Moab ne ọ rre iyeke Jọdan vbe a gha la Jẹriko la rọ. Iran na ọrọre ivbi Izrẹl ni ke Igipt ladian.

Nọmbas 26:62

Avbe Livai ne ikpia hia ni ghi rre ke ọmọ ukpo ọkpa gha khian kegha re arriaisẹn ehayan-ugie (23,000). A ma ka iran ba ivbi Izrẹl nekpa rhunmwuda a ma gha emwi ẹwae rhọkpa ne iran vbe Izrẹl.

Nọmbas 26:64

Orhiọn ọkpa irrọ ne Mosis kevbe Errọn sẹrae ne a ma ka vbe Ato Sainai.

Jọsua 5:6

Ukpo iyeva ọre ivbi Izrẹl ya gha fian ato rra. Vbe ẹghẹ na, avbe ikpia ni sẹe ni yo okuo, ni kpao vbe Igipt rre, wulo nẹ rhunmwuda, iran ma họn ẹmwẹ e Nọyaẹnmwa. Ọ keghi tama iran wẹ rẹn i gie iran sẹ otọe esiesi ne ọ maa emwiokọ nii ne irẹn ve avbe erha iran odede re wẹ rẹn gha mu ne ima.