Nọmbas 26:59 - Edo Bible (E Baibol Ẹdo) Version 1996

⁵⁹ Ne ọ rhie Jokebẹd ne ovbi e Livai ne okhuo ne a biẹe vbe Igipt rọnmwẹ. Ọ keghi biẹlẹ emọ ikpia eva, Errọn kevbe Mosis, kevbe ọmọ okhuo ọkpa, e Miriam.

Nọmbas 26:59 ပူးပေါင်းရင်းမြစ်များ

Ẹksọdọs 15:20

E Miriam ne akhasẹ ne okhuo, ọtẹn Errọn ne okhuo keghi rhie ukusẹ, avbe ikhuo na vẹ lele ẹe gha kpe isẹ khian, iran kevbe gha kuu.

Ẹksọdọs 2:4

Ọtiọnrẹn ne okhuo keghi ya mudia ye urria ne ọ miẹn ehe na miẹn emwi ne ọ gha sunu vbe egbe ẹre.

Ẹksọdọs 6:20

Amram keghi rhie Jokebẹd ne ovbiye erhae rọnmwẹ. Rẹn ọre ọ biẹlẹ Mosis kevbe Errọn nẹẹn. Ukpo eha irrọvbe ikiọkhọe (137) ọre Amram yae vbe agbọn.

Levitikọs 18:12

Ghẹ gu ovbiye evbibiẹ ọ nokhuo ru emwi ọdọ vbe amwẹ, ọre obọ erha nọ ra obọ iye.

Nọmbas 12:1

E Mosis keghi rhie ovbi ẹvbo Kusi ọkpa rọnmwẹ, ọ re Miriam kevbe Errọn na gbe odan yọ.

Nọmbas 20:1

Vbe uki ne okaro, ivbi Izrẹl hia keghi do sẹ ẹgbo Zin, iran na bu agọ ye Kedẹs. Evba ọre Miriam na wu, a keghi re ẹre.