Nọmbas 26:54 - Edo Bible (E Baibol Ẹdo) Version 1996

^54-56 Yan uta ya ghae otọe ni, mu otọ ne ọkpọlọ ne ẹwae ne ọkpọlọ kevbe otọe ne kherhe ne ẹwae ne kherhe.”

Nọmbas 26:54 ပူးပေါင်းရင်းမြစ်များ

Nọmbas 26:53

“Ghae otọe na ne avbe ẹwae na zẹ vbe ne iran ya kpolo.

Nọmbas 32:3

“Otọe ne Nọyaẹnmwa mu ne ivbi Izrẹl ne iran yin ẹnrẹn, ighẹ avbe ẹvbo Atarọt, Dibọn, Jazẹ, Nimra, Hesbọn, Elielẹ, Seban, Nebo kevbe Biọn, otọe ne ọ maa ẹmila wa nọ, ma keghi vbe mwẹ ẹmila ni bun.

Nọmbas 32:5

Lahọ, mu otọ na ne ima ne ọ gha re ọghe ima, ghẹ viọ ima gberra ẹzẹ Jọdan ne ima ya yin odọ.”

Nọmbas 33:54

Wa ghi ghae otọe nii gba dọmwadẹ ẹwae kevbe uniẹn ni rrọọ obọ, a ghi mu ne ọkpọlọ ne ẹwae ne ọkpọlọ, kevbe ne kherhe ne ẹwae ne kherhe.

Nọmbas 35:8

Vbene ẹwae kpọlọ ọre a gha ya gha ta ẹvbo ne a gha mu ne avbe Livai.”

Jọsua 17:14

Ivbi e Josẹf keghi tama e Jọsua wẹẹ, “Vbe a na miẹn hẹ yi ighẹ obọ ọkpa ọ re u mu ne ima gha ye vbe otọe nii ne ọ gha re ọghe ima? Ma wa bun ẹsẹse rhunmwuda, e Nọyaẹnmwa fiangbe ima.”

Jọsua 19:9

Ne ọ sẹ ọ re obọ keghi gha re ne a ka ba iwewe Juda. Otọe ọghe Juda keghi kpọlọ sẹẹ vbene ọ te ke ne ọ gha ye, ọ re a na fian ne ẹwae Simiọn vbe nene otọ.