Nọmbas 26:28 - Edo Bible (E Baibol Ẹdo) Version 1996

²⁸ Ẹwae ọghe Josẹf ne ọ gha re erha avbe emọ ikpia eva e Manasẹ kevbe Ifreim.

Nọmbas 26:28 ပူးပေါင်းရင်းမြစ်များ

Gẹnẹsis 46:20

Asẹnat ne ovbi e Pọtifera ne ohẹn On, keghi biẹlẹ Manasẹ kevbe Ifreim ne Josẹf vbe Igipt.

Gẹnẹsis 48:5

E Josẹf, emọ ikpia eva ne iran biẹlẹ nuẹn vbe Igipt na vbe I te rre, ọghomwẹ iran vbe khin. Zẹ vbene Riubẹn kevbe Simiọn re ọghomwẹ, erriọ zẹ ọre Ifreim kevbe Manasẹ gha vbe re ọghomwẹ.

I Krọnikol 5:23

Ivbi e Manasẹ ne odẹ ahọ keghi yin otọe e Basian rhinrin ya sẹ Baal Hẹmọn, Seni, Oke Hẹmọn, iran keghi wa gha muan yọ ẹsẹse.

I Krọnikol 7:14

Ọse ne ovbi ẹvbo ne a tie ẹre Aram ne Manasẹ. zẹe keghi biẹlẹ emọ ikpia eva ne ẹẹn, ena ọre Asriẹl kevbe Makia ne ọ gha re erha Giliad.

Diuteronomi 33:16

Te a gha ya emwi ni maa sẹẹ hia vuọn otọe iran, ne a ye umamwẹ e Nọyaẹnmwa fiangbe, ọmwa ne ọ guan ke uwu oha erhẹn rre, te afiangbe na hia gha sẹ vbe egbe ẹwae Josẹf rhunmwuda ọkaolotu rẹn gha khin vbe uwu ẹbu etiọnrẹn.