Nọmbas 25:7 - Edo Bible (E Baibol Ẹdo) Version 1996

⁷ Ugbẹn vbe Finihaz ne ovbi Eliaza, ne ọ vbe re eyẹ Errọn ghi miẹn ọẹn, ọ keghi kpaegbe, ọ na lahin uwu ẹbu nii rre. Ọ na rhie asoro,

Nọmbas 25:7 ပူးပေါင်းရင်းမြစ်များ

I Krọnikol 9:20

E Finihaz ne ovbi Eleaza, te Nọyaẹnmwa gha deba ẹre! — rẹn ọ gha mwamwa iwinna ne iran ẹghẹ nii.

Ẹzra 7:5

ne ovbi Abisiua, ne ovbi e Finihaz, ne ovbi Eliaza, ne ovbi Errọn.

Psalm 106:30

Sokpan, e Finihaz kpaegbe ọ keghi rri iran ni ru emwi khọ oya, egboghogbogho ni keghi dobọyi.

Ẹksọdọs 32:28

Avbe Livai keghi ru zẹ vbene Mosis tama iran vbe ẹdẹ ne ẹdẹrriọ, iran keghi gbele arhin arriaisẹn eha (3,000).

Ẹksọdọs 6:25

Eliaza ne ovbi Errọn keghi rhie ọkpa vbe uwu avbe ivbi Putiẹl rọnmwẹ, ọ na bie Finihaz nẹẹn. Ena ọre ọ gha re avbe ọkaẹgbẹe ọghe avbe ẹgbẹe Livai, zẹ vbe uniẹn dọmwadẹ ọghọe.

Malakai 2:5

“Vbe ile ne I gu iran taa, I khare wẹ, iran gha rre agbọn, agbọn gha vbe maa iran, emwi ne I rhie ne iran ọ re ọnii khin, ne iran miẹn ehe na gha ya ọghọ mẹ. Vbe ẹkpo nii, iran wa gha ya ọghọ mẹ, iran na vbe gha mu ohan mwẹ.

Nọmbas 31:6

E Mosis keghi gie iran gha rrie okuo, ọ na gie Finihaz ne ovbi Eliaza ohẹn ke odaro ne ọ gha wa iran ye okuo, kevbe ne ọ viọ avbe emwi iruemwi ni huanrẹn mwẹ deba a vbe okpe ne a ya gue egbe guan.

Jọsua 22:13

Ẹre ivbi Izrẹl na gie Finihaz ne ovbi Eliaza ne ohẹn bu ẹwae Riubẹn, e Gad, odẹ ahọ vbe ẹwae Manasẹ vbe otọe Giliad.

I Samuẹl 19:9

Ọ ghi sẹ ẹdẹ ọkpa, orhiọn dan ne ọ ke ehe ne Nọyaẹnmwa ye rre keghi hin yan e Sọl. E Sọl keghi tota ye uwu owa ẹre ke ẹe kevbe asoro vbe obọ. E Devid keghi vbe gha rre evba, ọ na gha kpe akpata ne ẹẹn.