Nọmbas 25:4 - Edo Bible (E Baibol Ẹdo) Version 1996

⁴ Ọ na tama e Mosis wẹẹ, “Viọ avbe ekaolotu ivbi Izrẹl, ne u sirra emwa hia zẹlẹ iran uhunmwu kua, vbe ogiavan ogioghogho zẹ vbene I khare ẹghẹ nii ohu avbe emwa nii i ghi ra mu mwẹ.”

Nọmbas 25:4 ပူးပေါင်းရင်းမြစ်များ

II Samuẹl 21:6

Rhunmwuda ọnii, viọ ihinrọn ne ima vbe uwu avbe ivbi ẹre ni ikpia, ma ghi silo iran rrọ vbe odaro e Nọyaẹnmwa vbe Gibia ne ẹvbo e Sọl ne ọba ne Nọyaẹnmwa hannọ zẹ.” Ọba keghi wanniẹn wẹẹ, “I gha viọ iran ne uwa.”

II Samuẹl 21:9

E Devid keghi viọ iran ne ivbi e Gibiọn, iran na silo iran rrọ vbe uhunmwu oke ne ọ rre odaro e Nọyaẹnmwa. Iran ihinrọn nii keghi wulo kugbe. Ẹghẹ ahọ uyunmwu ọ re a na gbele iran an vbe ẹghẹ ne a ya suẹn ọka irhuarhua ne a fian.

Psalm 106:29

Iran keghi ya uyinmwẹ iran na, gu izohu Osanobua kpao, emianmwẹ dan keghi la uwu ẹbu iran.

Ẹksọdọs 18:25

Ọ keghi hannọ emwa nii sẹ ẹe vbe ivbi Izrẹl hia, ọ na ya iran ru ọkaolotu yan iran, ọkaolotu arriaisẹn, iyisẹn, ekigbesiyeha kevbe igbe.

Jona 3:9

Ọ gha kẹe, Osanobua gha fi ekhọe werriẹ, ọ gha ke ẹe ohu gha fo vbe ẹko ẹre, ma i ghi ra wulo!”

Nọmbas 25:11

“E Finihaz da mwẹ obọ ohu ne I te mu ghe ivbi Izrẹl yi nẹ. Ọ ma zẹdẹ ho ne ọ họn wẹ a vbe gho emwi ọvbehe gberra ime, ọnii ọre ọ zẹe ne I na ma ya ohu mwẹ fuẹn iran an.

Nọmbas 25:18

rhunmwuda emwi dan ne iran ru ne iran na rẹrẹ uẹ vbe Peọ kevbe rhunmwuda e Kozbi ne a gbe vbe ẹghẹ ne egboghogbogho na gha rre Peọ.”

Diuteronomi 13:11

Ẹghẹ nii, emwa Izrẹl hia ghi họn emwi ne ọ sunu, iran ghi ya ọ nii wan, a i ghi vbe miẹn ọmwa ne ọ gha dọlegbe ru egbe emwi dan vberriọ.

Diuteronomi 13:13

Wẹ emwa oya eso vbe ẹvbo uwa bibi emwa ẹvbo ne iran ye odẹ, ne iran ya gha gho ẹbọ ne uwa ma he gho ẹdẹ.

Diuteronomi 13:15

Wa ghi gbele emwa ni rre ẹvbo nii hia ke ẹmila iran, wa ghi wa fuẹn ẹvbo nii fo fẹẹrẹ.

Diuteronomi 13:17

Emwi ne a ghi wẹ ne a fuan nẹ wa ghẹ rhie ẹre hin rre ne uwa lo ẹre ne egbe uwa, ẹghẹ nii e Nọyaẹnmwa gha fiwerriẹ vbe uwu ohu nọ wegbe ne ọ te mu, ọ ghi tohan uwa. Ọ gha tohan uwa, ya uwa khian emwa ni bun zẹ vbe ne ọ yan ma avbe erha uwa odede.

Diuteronomi 21:22

“A deghẹ ọmwa ru emwi dan, a na gbe ẹe rua yọ, a na si ikun ẹnrẹn rrọ ye erhan,

Diuteronomi 21:23

a ghẹ gie ẹdẹ gbe ẹe ye evba, rhunmwuda ikun orinmwi ne a sirra ye erhan te ọ sọnnọ e Nọyaẹnmwa vbe ọ gha dẹ ghe ẹre. Wa ya re ikun orinmwi nii ne uwa ghẹ ya mu awua ye otọe nii ne Nọyaẹnmwa Osanobua rua ra mu ne uwa.”

Diuteronomi 4:3

Wa tobọ uwa miẹn emwi ne Nọyaẹnmwa ru vbe Oke Peọ. Ọ keghi fuẹn emwa hia ni gho e Bal rua vbe evba nii.

Jọsua 22:17

Wa ye orukhọ ne a ru vbe Peọ rre, ne e Nọyaẹnmwa na ya egboghogbogho rri emwa hia oya. Te ima ye rrioya ba ẹmwẹ onii na. Orukhọ nii ma he sẹ ra?

Jọsua 23:2

Ọ keghi tie ivbi Izrẹl hia, avbe ediọn, avbe ọkaolotu, iran ni bu ohiẹn kevbe avbe ekamakodin emwa nii, ọ keghi kha wẹẹ, “Te I ghi khian ọmaẹn ghẹghẹghẹ nian.