Nọmbas 25:14 - Edo Bible (E Baibol Ẹdo) Version 1996

¹⁴ Eni ovbi Izrẹl ne a gbe ba okhuo e Midian nii keghi re Zimri ne ovbi Salu, ọmwa ne ọ wa vbe re ọdiọn ẹgbẹe ọkpa vbe ẹwae Simiọn.

Nọmbas 25:14 ပူးပေါင်းရင်းမြစ်များ

Gẹnẹsis 37:28

Avbe obaghẹn ne ivbi e Midian ghi se evba, etẹn e Josẹf keghi si ẹe ladian vbe uhae, iran na khiẹn ọre agiẹghẹ e siliva ugie ne ivbi Ismẹl, iran na muẹn gha rrie Igipt.

I Ọba 11:18

E Midian iran ke kpao, iran na gha rrie Paran, emwa ọvbehe eso keghi vbe deba iran vbe evba, ẹre iran ghi na gha rrie Igipt. Iran keghi bu ọba gha khian, ọnii na mu otọe eso ne Hadad, deba owa ọkpa ọ na vbe gha rhie evbare ne ẹẹn.

I Krọnikol 27:16

Eni emwa ni gha gbearoghe ẹwae Izrẹl ọ re ena khin: Ẹwae Ukọ Ọsuẹvbo E Riubẹn Eliezẹ ne ovbi e Zikri E Simiọn Siefatia ne ovbi e Maaka E Livai Hasiabaia ne ovbi e Kemuẹl Errọn Zadọk E Juda Elihu, ọkpa vbe etẹn Devid ne ọba Isaka Ọmri ne ovbi Maikẹl E Zebulọn Ismaia ne ovbi Obedaia E Naftali Jeremọt ne ovbi Azriẹl Ifreim Hosia ne ovbi Azazaia E Manasẹ ne owẹn ota Joẹl ne ovbi e Pedaia E Manasẹ ne owẹn owiẹ Ido ne ovbi e Zẹkaraia E Bẹnjamin Jaasiẹl ne ovbi Abna E Dan Azarẹl ne ovbi e Jeroham.

II Krọnikol 19:7

Wa gha mu ohan e Nọyaẹnmwa ne uwa vbe gha ru emwi hẹnnẹhẹnnẹ, rhunmwuda, e Nọyaẹnmwa Osanobua mwa i zẹdẹ ho ne ọ họn ẹmwẹ ebikhuikhui, ra ohiẹn ikpanro ra igho odieke.”

Nọmbas 25:13

A rhie irẹn kevbe uniẹn ivbi ẹre ye ukpo ohẹn rhinrin ẹdẹdẹmwẹdẹ, rhunmwuda ọ ma ho ne a miẹn emwi ne ọ vbe gun mwẹ suan, ọ keghi gia ya orukhọ emwa nii bọ iran.”

Nọmbas 25:15

A keghi tie eni okhuo nii Kozbi. Erha ẹe i ghẹ Zọ keghi re enogie iran eso vbe ẹwae Midian.

Nọmbas 26:14

Emwa ni rre uniẹn na kegha re uri yan arriaisẹn eva yan ugie (22,200).