Nọmbas 25:13 - Edo Bible (E Baibol Ẹdo) Version 1996

¹³ A rhie irẹn kevbe uniẹn ivbi ẹre ye ukpo ohẹn rhinrin ẹdẹdẹmwẹdẹ, rhunmwuda ọ ma ho ne a miẹn emwi ne ọ vbe gun mwẹ suan, ọ keghi gia ya orukhọ emwa nii bọ iran.”

Nọmbas 25:13 ပူးပေါင်းရင်းမြစ်များ

II Samuẹl 21:3

Ẹre Devid ghi na tie ivbi e Gibiọn, ọ keghi tama iran wẹẹ, “De emwi ne I gha ru ne uwa yi? I ho ne i kpe uwa oya vbe emwi ne a ru uwa re, ne uwa miẹn ehe na na erhunmwu ne emwa Osanobua.”

I Ọba 19:10

Rẹn keghi wanniẹn wẹẹ, “E Nọyaẹnmwa, Osanobua Oghodua, wẹ ọkpa kẹkan ọre I ga ke otọ gha dee. Sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran gbele avbe akhasẹ ruẹ hia, mẹ ọkpa ọre ọ ghi ke ẹe, iran vbe ho ne iran gbe mwẹ uan!”

I Ọba 19:14

Rẹn keghi wanniẹn wẹẹ, “E Nọyaẹnmwa Osanobua ne Oghodua, wẹ ọkpa kẹkan ọ re I ga ke otọe gha dee, sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran kevbe gbele avbe akhasẹ ruẹ hia. Mẹ ọkpa ọ ghi ke ẹe, iran vbe ho ne iran gbe mwẹ uan.”

I Ọba 2:27

Ẹre Solomọn na rhuan Abiata hin ehe ne ọ na te ga e Nọyaẹnmwa zẹ vbe ohẹn, ọ keghi do mu ẹẹn sẹ ighẹ ẹmwẹ ne Nọyaẹnmwa ta ẹe vbekpa Elai kevbe ivbi ẹre vbe Siailo.

Nehimaia 13:29

Osanobua, ye rre vbene emwa na ru ẹre awua hẹ ighẹ ukpo avbe ohẹn kevbe ile ne u gu avbe ohẹn kevbe Livai ta.

Psalm 106:31

Te a ghi ya emwi na so eni ẹnrẹn ne ọ maa, ke ẹghẹ ni gha dee erriọ ọre ọ khian gha ye khian vbe otọ.

Psalm 119:139

Ohu ne ọ mu mwẹ tọn vbe erhẹn vbe uwu imẹ, rhunmwuda, avbe eghian mwẹ i zẹye iyi ruẹ.

Psalm 69:9

Vbe ne I mu aro ye ẹmwẹ Ọgua Osa ruẹ hẹ giẹn vbe uwu imẹ zẹ vbe erhẹn, unu ne a filo guẹ hia dele yan mwẹ.

Ẹksọdọs 29:9

U ghi gbalọ iran ebuluku, u ghi dọlọ ẹrhu ye iran uhunmwu, iran ọ khian gha re ohẹn zẹ vbe ne iyi itẹbitẹ mwẹ khare. Vbene u gha ya ye Errọn kevbe ivbi ẹre ma ohẹn ọre ọna khin. Iran kevbe uniẹn iran gha ga mwẹ vbe ukpo ohẹn ẹdẹdẹmwẹdẹ.

Ẹksọdọs 32:30

Ẹdẹ ghi gbe, e Mosis keghi tama emwa nii wẹẹ, “Orukhọ ne ọ muohan ọre uwa ru. Banbanna nian, I ra hin uhunmwu oke bu e Nọyaẹnmwa gha khian, u gha ghe I gha sẹtin rinmwian ẹn ne ọ ya orukhọ uwa bọ uwa.”

Ẹksọdọs 40:15

U ghi nọnọ ori ye iran uhunmwu, zẹ vbene u vbe ya nọnọ ori ye erha iran uhunmwu nii iran gha ga mwẹ zẹ vbe ohẹn Odẹ vberriọ iran gha re ohẹn rhinrin vbe ẹghẹ ne ọ dee.”

Aizaia 61:6

A ghi gha tie uwa ohẹn ọghe Nọyaẹnmwa, eguọmwadia Osanobua mwa, wa ghi miẹn ẹfe avbe uhunmwu ẹvbo ya gha ru, wa ghi vbe gha yae hio ighẹ ọghe uwa nọ.

Jerimaia 33:18

Kevbe wẹ te a gha vbe gha miẹn ohẹn rhinrin vbe ẹwae Livai, ne ọ gha ga mwẹ ne ọ gha vbe gha yo imuohan ọka gunmwẹ, ne ọ vbe gha zọ ese.”

Jerimaia 33:22

I gha muan ivbi uniẹn e Devid ne ọguọmwadia mwẹ, kevbe avbe ohẹn ne ivbi uniẹn e Livai sẹrriọ wẹ a i ra sẹtin ka iran zẹ vbene a i sẹtin ka avbe orhọnmwẹ ni rre aro iso ra ikpẹkhae ni rre ọkpẹn okun.”

Levitikọs 15:15

Ohẹn ghi gbe ọkpa vbọ zẹ vbe ese orukhọ kevbe nọkpa zẹ vbe ese na giẹn uan. Erriọ ọ gha ru iruemwi akpehuan, ne ọmwa nii.

Malakai 2:8

“Sokpan, banbanna nian, wa ne avbe ohẹn fi iyeke gbe odẹ ẹmwata ne ọ rrọ nẹ. Emwi ne uwa ma emwa ẹre wa sii emwa nibun ya gha ru emwi ne ọ ma kei. Wa rraa ile ne I gu uwa taa nẹ.

Nọmbas 16:46

Ẹre Mosis na tama Errọn wẹẹ, “Rhie ọkpan erhẹn ruẹn, wan erhẹn yọ vbe ne ọ rre aka, ne u vbe viọ eturari ye erhẹn nii. U ghi zẹgiẹgiẹ bu emwa na ne u ya ru iruemwi akpehuan ne iran na. Ẹgiẹgiẹ! Ohu e Nọyaẹnmwa vẹn nẹ. egboghogbogho suẹn nẹ.”

Nọmbas 16:47

Errọn keghi ru vberriọ, ọ keghi rhie ọkpan erhẹn ọnrẹn, ọ keghi rhulẹ la adesẹneva emwa ni si koko nii. Rẹn ghi miẹn ighẹ egboghogbogho nii suẹn nẹ, ọ keghi viọ eturari ye erhẹn nii, ọ keghi ru iruemwi akpehuan ne emwa nii.

Nọmbas 17:12

Ivbi Izrẹl keghi khama e Mosis wẹẹ, “Ọnii nọ wẹ ọghe ima fo nẹ!

Nọmbas 25:14

Eni ovbi Izrẹl ne a gbe ba okhuo e Midian nii keghi re Zimri ne ovbi Salu, ọmwa ne ọ wa vbe re ọdiọn ẹgbẹe ọkpa vbe ẹwae Simiọn.

Iyẹn ne ọ Maan Ọghe Jọn 2:17

Avbe erhuanegbe ẹre keghi do yerre ighe ebe tae nẹ wẹẹ, “Ẹmwẹ owa ruẹ gha fian mwẹ re Osanobua, ọ ghi ye vbe erhẹn vbe uwu imẹ.”

Hibru 2:17

Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.

Hibru 7:11

Obọ uniẹn ivbi e Livai ni re ohẹn, ọre a la mu Uhi aghaeyihigbe ye otọ ne ivbi Izrẹl. Vbene ọ ghi ye na nian, akpawẹ te avbe ohẹn ne ivbi e Livai gbae fo, a i ghẹ ghi vbe wẹ ne a vbe dọlegbe rhie ohẹn ọvbehe ladian, ne ọ re uviẹn Mẹlkizẹdẹk, ne ẹ i re ọghe Errọn.

Jọsua 7:12

Ọna ọ re ọ sii ẹe ne ivbi Izrẹl ma na sẹtin mudia vbe odaro eghian iran. Iran lẹ hin odaro eghian rhunmwuda, emwi ne a ra fuẹn uan ọ re a ghi vbe ka iran tobọ iran baa. Mẹ i ghi mudia ke uwa ọvbehe sokpan a ma wẹ wa fuẹn avbe emwi ne a wẹ ne uwa ghẹ rhie.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.

Arhie Maan 1:6

Ọ keghi ya ima ru arriọba avbe ohẹn ne ima gha ga Osanobua ẹre kevbe Erha ẹe. Ọ ghe Jesu Kristi ọre uyi kevbe ẹtin gha khin ẹdẹ kevbe ẹdẹdẹmwẹdẹ, Isẹ.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.