Nọmbas 25:11 - Edo Bible (E Baibol Ẹdo) Version 1996

¹¹ “E Finihaz da mwẹ obọ ohu ne I te mu ghe ivbi Izrẹl yi nẹ. Ọ ma zẹdẹ ho ne ọ họn wẹ a vbe gho emwi ọvbehe gberra ime, ọnii ọre ọ zẹe ne I na ma ya ohu mwẹ fuẹn iran an.

Nọmbas 25:11 ပူးပေါင်းရင်းမြစ်များ

II Samuẹl 21:14

Ẹre iran na viọ ugboloko e Sọl kevbe Jonatan ya re ẹre ye idin e Kis ne erha e Sọl vbe Zẹla vbe otọ emwa e Bẹnjamin, a keghi wa ru avbe emwi hia ne ọba rhirhi wẹ ne a ru vbe iyeke ọnii, Osanobua keghi họn erhunmwu ne ẹvbo nii na ghe ẹre.

I Ọba 14:22

Ivbi e Juda keghi rukhọ ghe Nọyaẹnmwa, iran keghi ru emwi ne ọ gha gu izohu ẹre kpao ẹsẹse sẹ avbe erha iran odede.

Psalm 106:23

Ugbẹn vbe Osanobua khare ighe rẹn ra fuẹn emwa irẹn uan, e Mosis ne ọguọmwadia ẹre ne ọ hannọ zẹ keghi degbe Osanobua odẹ ọ ma gie ohu ẹre fuẹn iran an.

Psalm 106:30

Sokpan, e Finihaz kpaegbe ọ keghi rri iran ni ru emwi khọ oya, egboghogbogho ni keghi dobọyi.

Psalm 106:31

Te a ghi ya emwi na so eni ẹnrẹn ne ọ maa, ke ẹghẹ ni gha dee erriọ ọre ọ khian gha ye khian vbe otọ.

Psalm 78:58

Iran ya ehe ne iran na ga ẹbọ ya ohu muẹn iran keghi vbe ya amazẹ iran rhia ẹre ẹko rua.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Ẹksọdọs 22:5

“Omwa gha gie emwirri ẹre ya gha rri irunmwu khian vbe ehe hia ra ugbo emwiokọ, deghẹ iran ghi mu va iran na ya rri oha ẹrrẹe, ọ ghi ya oha ẹre ne ọ maa sẹ ra ugbo emwiokọ ẹre ne ọ maa sẹ ha osa.

Ẹksọdọs 34:14

“Ghẹ ga osa ọvbehe rhọkpa, rhunmwuda mẹ ne Nọyaẹnmwa a i gun mwẹ ta ekpẹn.

Ezikiẹl 16:38

I gha bu ohiẹn gbe uẹ rhunmwuda ọghe kevbe izigha, ke vbe uwu ohu ne ọ mu mwẹ, I gha ya uwu rri ọ oya gbua.

Nahum 1:2

E Nọyaẹnmwa i zẹdẹ kue ne ọmwaikọmwa gu ẹe mwa ẹrrẹe; te ọ rri iran ni gbe odan ghe ẹre oya. Ọ ha ẹre werriegbe ne iran vbe ohu ẹre.

Zẹfanaia 1:18

Vbe ẹdẹ nii ne Nọyaẹnmwa gha rhie izohu ẹre maa, igoru kevbe esiliva iran hia ne ọ gha sẹtin miẹn iran fan, ẹ i rrọọ. Erhẹn ohu ẹre gha fuẹn agbọn na hia a. Ọ gha rhie ufomwẹ udomwurri ye ẹmwẹ emwa ni rre agbọn na hia.

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

Nọmbas 25:10

E Nọyaẹnmwa keghi tama e Mosis wẹẹ,

Iyẹn ne ọ Maan Ọghe Jọn 3:36

Ọmwaikọmwa ne ọ ya ọmọ yi mwẹ arrọọ ne ẹ i fo, ọmwa ne ọ ma ya ẹmwẹ Ọmọ ru emwi, ẹ i khian gha mwẹ arrọọ, sokpan izohu Osanobua gha rrọọ ẹre uhunmwu ẹdẹdẹmwẹdẹ.

I Kọrinti 10:22

Ra te uwa ra ya Nọyaẹnmwa khian ne oya ọmwa da? Wa yayi ighẹ ma wo vbe egbe sẹ ọre ra?

II Kọrinti 11:2

Ẹmwẹ uwa ọre ọ da mwẹ zẹ vbene ẹmwẹ uwa vbe da Osanobua, rhunmwuda te uwa ye vbe uvbi ne ọ ma he sakan ne imẹ ya ne okpia ọkpa kẹkan, ọnii nọ wẹ Kristi tobọ ẹre.

Diuteronomi 29:20

Nọyaẹnmwa i ra yabọ ọmwa vberriọ. Sokpan, izohu ne ọ tọn ọghe Nọyaẹnmwa gha baa yan rẹn, ọkhọ hia ne a gbẹnnẹ ye ebe na ghi rruan rẹn rhinrin e Nọyaẹnmwa te fuẹn iran hin otọe agbọn na rre.

Diuteronomi 32:16

Iran ya ẹbọ ne iran gho ya e Nọyaẹnmwa gha ruẹe, emwi dan ne iran ru keghi ya ẹe mu ohu.

Diuteronomi 32:21

Emwa na ye amazẹ iran ye ohu mu mwẹ ẹbọ ohoghe iran na ya mwẹ gha ruẹ. I gha ye ẹvbo akpa ye iran mu ohu, I ghi ye ẹvbo ne ẹ i mwẹ esa ya iran gha ruẹ.

Diuteronomi 4:24

Rhunmwuda Osanobua uwa i ho ne a gha gu ẹe mwa ẹrrẹe, te ọ yevbe erhẹn ne ọ baa gidigidi.

Jọsua 22:13

Ẹre ivbi Izrẹl na gie Finihaz ne ovbi Eliaza ne ohẹn bu ẹwae Riubẹn, e Gad, odẹ ahọ vbe ẹwae Manasẹ vbe otọe Giliad.

Jọsua 24:19

E Jọsua keghi tama emwa ni wẹẹ, “Sokpan wa i sẹtin ga e Nọyaẹnmwa rhunmwuda Osanobua ne ọ huanrẹn kevbe ne a i gu mwa ẹrrẹe ọ re irẹn khin. Rẹn i ra ya orukhọ uwa bọ uwa.