Nọmbas 25:1 - Edo Bible (E Baibol Ẹdo) Version 1996

¹ Ivbi Izrẹl ghi bu agọ ye Ehanhan Akesia, ikpia ni rrọ kegha gu avbe ikhuo e Moab ni rre evba ru emwi.

Nọmbas 25:1 ပူးပေါင်းရင်းမြစ်များ

II Ọba 23:7

Ọ keghi guọghọe rua ighẹ owa ne avbe ebabotu Ọgua Osa te ye vbe Ọgua Osa. (Evba ọ re avbe ikhuo na te do ukpọn ne a ya gho Asiẹrra.)

Psalm 106:28

A ghi sẹ Peọ, emwa Osanobua keghi yegbe ba iran ni gho e Bal, iran keghi vbe re vbe emwi ne a ya zọ ese ghe amazẹ ne ẹ i mwẹ arrọọ.

Ẹksọdọs 22:19

“Omwa gha gu aranmwẹ oha ru emwi, a ghi gbe ọmwa nii uan.

Ẹksọdọs 34:15

Ghẹ gu emwa ẹvbo nii ru emwamwa emwi, iran gha ru ẹbọ iran, iran na zọ ese ghe iran, iran sẹtin rẹrẹ uẹ ya uwẹ rri evbare ne iran ya zọ ese ghe ẹbọ iran.

Asan-Ibo 7:26

I keghi miẹn emwiọkpa ne ọ rriara sẹẹ uwu — ọnii ọ re okhuo. Ahoẹmwọmwa ne ọ ra mwẹ ghe ruẹ sẹtin wa mu ẹn zẹ vbe ifi ra ọga, obọ ne ọ ya kinnọ ọn ghi gba a mwẹ zẹ vbe eghan. Ọmwa ne ọ ru emwi ne ọ yẹ Osanobua sẹtin lẹfe vbọ, sokpan te obọ ẹre gba ọmworukhọ.

Jerimaia 40:11

Vbe ẹghẹ ne a kha na avbe ivbi Izrẹl hia ni rre Moab, Amọn, Idọm kevbe avbe ẹvbo ọvbehe keghi họọn wẹ ọba e Babilọn kue ne ivbi Izrẹl eso ye gha rre Juda, kevbe wẹ ọ ya Gedalaia ru ne ọkhaemwisẹ yan iran.

Ezikiẹl 20:21

Sokpan, orre nii keghi vbe yagha mwẹ. Iran rra uhi mwẹ, iran ma ya iyi mwẹ ru emwi, iyi ne ọ rhie arrọọ gie ọmwaikọmwa ne ọ ya ẹe ru emwi. Iran mu Ẹdẹ Ikẹtin rhia. Mẹ te wa mu egbe ne I gie iran họn ẹmwẹ obọ ohu mwẹ vbe egbe vbe uwu ato vba, ke ne I wa gbele iran hia a.

Hozia 9:10

E Nọyaẹnmwa khare wẹẹ, “Ẹghẹ ne I na ka miẹn Izrẹl, ọ keghi ye vbe ne a miẹn erhan azara ne ọ zọ ye uwu ato. Ẹghẹ ne I na ka miẹn avbe erha uwa odede, ọ keghi yevbe ne a miẹn ọmọ ne ọ vbo ro ne erhan azara ka gha mọ vbe ẹghẹ ọre. Sokpan, iran ghi sẹ Oke Peọ, iran na suẹn gha gho e Baal, wanwanna, iran keghi do gha re emwi osọnnọ zẹ vbene ẹbọ ne iran ho ẹmwẹ ọnrẹn ye.

Maika 6:5

Wa ne emwa mwẹ, wa yerre emwi ne Balak ne Ọba e Moab te mwamwa ne ọ ru uwa re, kevbe ewanniẹn ne Balam ne ovbi e Beọ rhie ne ẹẹn. Wa yerre, avbe emwi ni sunu vbe odẹ ke agọ Akasia ya sẹ Gilgal. Wa ye avbe emwi na rre, wa gha vbe rẹn emwi ne I ru ne I ya miẹn uwa fan.”

Nọmbas 25:17

“Mu okuo gie emwa Midian ne u fuẹn iran uan;

Nọmbas 31:2

“Rria emwa Midian ikhi ye emwi ne iran ru ivbi Izrẹl re. U gha ghi ru onii nẹ, u ghi wu.”

I Kọrinti 10:8

Ne ima ghẹ ru awua oghẹ, vbene eso vbe uwu iran ru ne iran arriaisẹn eha yan ugie na wulo edẹ ọkpa.

Diuteronomi 3:29

“Ọre ima na gha rre iya nii ne ọ mu aro da Betpeọ.”

Diuteronomi 32:38

Wa ya ẹvbi emwi izọ ese rua ghọe iran, wa na vbe mu ayọn ne iran da, wa we ne iran do ye uwa obọ nian, gie iran do rhulẹ miẹn uwa fan.

Diuteronomi 4:3

Wa tobọ uwa miẹn emwi ne Nọyaẹnmwa ru vbe Oke Peọ. Ọ keghi fuẹn emwa hia ni gho e Bal rua vbe evba nii.

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

Jọsua 22:17

Wa ye orukhọ ne a ru vbe Peọ rre, ne e Nọyaẹnmwa na ya egboghogbogho rri emwa hia oya. Te ima ye rrioya ba ẹmwẹ onii na. Orukhọ nii ma he sẹ ra?

Jọsua 3:1

Vbe owiẹ ne ọ lelẹe, e Jọsua keghi kpaegbe ke ẹe kevbe ivbi Izrẹl hia, iran keghi si kpao hin agọ Akesia rre, iran na gha rrie Jọdan. Iran keghi si agọ bu vbe evba, iran kevbe fian ẹẹn rra.

Arhie Maan 2:14

Sokpan, ghe ibozẹghẹ vbe uwu emwi ne I gui ẹzọ ruẹ baa, eso vbe uwu emwa ni lele iruẹmwi Balam wa guẹ rre evba, ọmwa nọ ma Balak vbene a gha ya ye ivbi izrẹl ru orukhọ hẹ, vbe ekpa ne iran na rri evbare ne a ya ru ẹbọ, kevbe ne iran na gha gbe alama oghẹ.