Nọmbas 24:17 - Edo Bible (E Baibol Ẹdo) Version 1996

¹⁷ I keghi ghe ẹdẹ nakhuẹ, I keghi ya dẹghe okpẹvbo ọghe Izrẹl, ọba ne ọ yevbe orhọnmwẹ ne yọn ọn, gha kpaegbe vbe ẹvbo ni, ọ gha ke Izrẹl ladian zẹ vbe osun nigiogio ọ gha fi avbe Ọkaolotu Moab emwi, ọ ghi gbele iran ni hio kevbe ni khọọ ku otọ.

Nọmbas 24:17 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

II Samuẹl 8:14

Ọ keghi bu agọ ivbiyokuo lele Idọm hia, emwa ni rrọọ kegha ga gie ẹe. E Nọyaẹnmwa keghi gie Devid gha khọnmiotọ vbe he hia.

II Samuẹl 8:2

Iyeke ọnii, obọ ẹre keghi vbe gba ivbi e Moab, ọ na wẹ ne iran ne obọ vbare vbọ lovbiẹ lele otọ, a na gbele eva sẹ ọkpa rae vbe arhin eha. Ẹre emwa e Moab na do gha rre ototọ ẹre iran na gha ga gie ẹe.

II Ọba 3:5

Sokpan, ugbẹn vbe Ehab ne ọba Izrẹl ghi wu nẹ, e Mesia keghi sọtẹ Izrẹl.

I Krọnikol 18:2

Ọ keghi khọn ivbi e Moab, iran na gha ga gie ẹe.

Psalm 110:2

E Nọyaẹnmwa gha fian te ẹtin arriọba ruẹ ke Zaiọn rre. Rẹn keghi kha wẹẹ, “Gha khaemwisẹ yan avbe eghian ruẹn.”

Psalm 45:6

Arriọba ne Osanobua mu ne uẹn, gha rrọ ẹdẹ kevbe ẹdẹdẹmwẹdẹ, wẹ ghi gha ya ẹmwata rriọba avbe emwa ruẹn.

Aizaia 15:1

Uhunmwu ne a gie rre vbekpa e Moab ọ re ọna khin. Iran rẹnkhẹẹn avbe okpẹvbo ne a tie ẹre Aa kevbe Kẹẹ vbe asọn ọkpa, otọ e Moab na ghi wa hunwan hiii.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Jerimaia 48:1

Ẹmwẹ ne Nọyaẹnmwa ne Oghodua tae vbekpa Moab ọ re ọna khin: “Wa tohan ivbi e Nebo, a dunmwu ẹvbo iran an nẹ! A khọn mu e kirriatam, a guọghọ odin nọkhua ne ọ lẹga ẹre sotọ, a keghi vbe fa emwa ni rrọ ua.

Jerimaia 48:45

Iran ni lẹ hin ẹvbo iran rre, ne ẹtin vbe fo nẹ, gha te gha ho ne a miẹn iran yi vbe Hesbọn, ẹvbo nii ne ọba e Saihọn gha khaemwisẹ yan ẹghẹ ọkpa, sokpan, erhẹn wa to vbọ nian. Erhẹn giẹn ehe ne a ka sẹ vbọ kevbe avbe oke ni yo ọghe avbe ivbi e Moab ne okuo ye.

Zẹkaraia 10:4

Uwu iran ọ re avbe nikhaemwisẹ gha ke zọ ladian, avbe ọkaolotu kevbe ọkaokuo ni iran gha khaemwisẹ yan emwa mwẹ.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Nọmbas 21:29

Ọ suwa, wa ne ivbi Moab: Wa la ọrhiae rrie nẹ wa ni gho e Kemọs ẹbọ uwa keghi ya avbe emwa nii khian ni rre errọ avbe Ikhuo keghi khian oghunmwu ọba Amọri.

Nọmbas 24:16

ne ọ sẹtin họn vbene Osanobua kha hẹ, ne ọ vbe miẹn irẹnmwi ne ọ ke ọghe ne ọ yo sẹẹ rre. I rhan aro a gba daa, I keghi miẹn ọẹn vbe umian emwi ne Osanobua Ne Oghodua mu ma mwẹ,

Iyẹn ne ọ Maan Ọghe Luk 1:78

Rhunmwuda ọmẹhẹ ne ọmwa itohan ọre Osanobua mwa khin. Rẹn gha gie uwanmwẹ imiẹnfan wan mu ima hia.

Hibru 1:8

Sokpan ọ ghi ra guan vbekpa Ọmọ, Ọ wẹẹ, “Osanobua, ẹkete ruẹ gha rrọọ ẹdẹdẹmwẹdẹ. Ẹmwata ne a ta, ọ re u ra ya rriọba yan emwa ruẹn.

Hibru 7:14

Agbọn hia rẹnrẹn ighẹ uniẹn Juda rẹn la rre. Mosis ma ye unu kan uniẹn na vbe ẹghẹ ne ọ na gha ta ẹmwẹ avbe ohẹn.

II Pita 1:19

Rhunmwuda ọnii ọre ima na mwẹ amuẹntinyan ẹsẹse vbe ọghe orhu ne avbe akhasẹ do kpee. Emwi ne ọ gha ke ne uwa nọ, ne uwa mu aro ye ẹmwẹ ọnrẹn, rhunmwuda te ọ ye vbe ukpa ne ọ baa vbe ehe ne ọ so ebiebi rhinrin Ẹdẹ te do gbe, ne uwanmwẹ orhọnmwẹ owiẹ wan vbe uwu ekhọe uwa.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.

Arhie Maan 1:7

Ghe, ọ dee ke irẹn kevbe ikpakpaiso, emwa hia gha miẹn ọẹn erriọ vbe nọ ne iran ni ye asoro so ẹe. Emwa ni rre otọe agbọn hia gha khiẹ rhunmwuda ẹre. Erriọ ọ gha ye, Isẹ.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 22:16

“Mẹ ne Jesu ọre ọ gie odibo mwẹ ne ọ ya ta ẹmwẹ na ma uwa vbe esọsi. Mẹ ne ovbi uniẹn Devid nọ, Orhọnmwẹ owiẹ ne ọ baa siẹẹn.”

I Samuẹl 14:38

Ẹre Sọl na tama avbe ọkaolotu emwa ni wẹẹ, “Wa larre ne uwa do gualọ orukhọ ne a ru ẹrẹna miẹn.