Nọmbas 24:13 - Edo Bible (E Baibol Ẹdo) Version 1996

¹³ ọ gha khọn ruẹn ne u viọ esiliva kevbe igoru ni rre ẹguae ruẹ hia mẹ, mẹ I ra rhie obọ gberra iyi ọghe Nọyaẹnmwa ne I ya gha ru ọghe obọ mwẹ. Emwi ne Nọyaẹnmwa tama mwẹ ọkpa ọre I ra gha ta.”

Nọmbas 24:13 ပူးပေါင်းရင်းမြစ်များ

I Ọba 13:8

Akhasẹ ni keghi wanniẹn wẹẹ, “A gha rhe wẹ te u wa ẹfe ruẹ hia ye ihe eva, u na mu obọ ọkpa mẹ vbọ, I i lele uẹ rae ra ne I guẹ re ra ne I guẹ da.

I Ọba 22:14

Sokpan, e Makaia keghi kha wẹẹ, “Vbe eni e Nọyaẹnmwa, emwi ne Nọyaẹnmwa tama mwẹ ọre I ra ta.”

Nọmbas 16:28

E Mosis keghi tama emwa nii wẹẹ, “Vbenian ọre uwa gha ya rẹn wẹ Osanobua Ọ re ọ gie mwẹ ne I do ru avbe emwi na hia, kevbe wẹ, ẹ i re ekhọe obọ mwẹ ọ re I ya ru iran.

Nọmbas 22:18

Sokpan e Balam keghi wanniẹn wẹẹ, “Ọ gha khọn e Balak ne ọ viọ igoru kevbe esiliva hia ni rre ẹguae ẹre mẹ, mẹ i ra sẹtin rhie obọ gberra ẹmwẹ ne Osanobua mwẹ tama mwẹ uhin ya se egbe emwi ne ọ kanmwa sẹ.

Nọmbas 22:20

Vbe asọn nii, Osanobua keghi bu e Balam gha dee, ọ tama rẹn wẹẹ, “Deghẹ te iran na do tama ruẹn wẹ ne u lele iran gha khian, mu egbe ne u lele iran gha khian, sokpan emwi ne I tama ruẹn ne u ru ọkpa ọ re u gha ru.”

Nọmbas 22:8

E Balam keghi tama iran wẹẹ, “Wa gbe asọn na vbe emwa, I gha tama uwa akhuẹ vbe ne Nọyaẹnmwa a rhirhi tama mwẹ hẹ.” Ẹre avbe ọkaolotu e Moab na tota ke Balam.