Nọmbas 23:30 - Edo Bible (E Baibol Ẹdo) Version 1996

³⁰ E Balak keghi ru vbene a tama rẹn. Ọ keghi ya ẹkhuia ẹmila ọkpa zọ ese ye aka ọkpọkpa.

Nọmbas 23:30 ပူးပေါင်းရင်းမြစ်များ

II Samuẹl 15:12

Ẹghẹ ne ọ ghi na gha zọ ese, Absalọm keghi gie ya tie Ahitofẹl ke Gilo rre, ọkpa vbe iran ni gu e Devid ne ọba zẹ iro ọre irẹn khin. Ekhuan isọtẹ ne iran khuan khọ ọba kegha muotọ yọ, iran ni lele Absalọm khian kegha bun yọ.

Levitikọs 1:3

A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.

Nọmbas 22:40

e Balak na gbele ẹmila kevbe avbe ohuan, ọ na fian vbe emiowo ẹre gie Balam kevbe avbe ọkaolotu ni gu ẹe rre vba.

Nọmbas 23:1

Ọ keghi khama e Balak wẹẹ, “Gba aka ihinrọn ye emwa mẹ ne u viọ ẹkhuia ẹmila ihinrọn kevbe ogho ihinrọn rre.”

Nọmbas 23:2

E Balak keghi ru vbene a tama rẹn, irẹn kevbe Balam keghi ya ẹkhuia ọkpa kevbe ogho ọkpa zọ ese vbe aka ọkpọkpa.

Nọmbas 23:29

E Balam keghi tama rẹn wẹẹ, “Gba aka ihinrọn mẹ vbe emwana ne u vbe viọ ẹkhuia ẹmila ihinrọn kevbe ogho ihinrọn gun mwẹ.”

Nọmbas 24:1

Ẹghẹ na nian, e Balam rẹn nẹ wẹ te Nọyaẹnmwa wẹ ne iran gha na erhunmwu ne ivbi Izrẹl, rhunmwuda ọnii, ọ ma ghi vbe gualọ ama vbene ọ ka ru ẹe dee ẹdẹ. Ọ keghi mu aro da odẹ ato.