Nọmbas 23:24 - Edo Bible (E Baibol Ẹdo) Version 1996

²⁴ Te ẹvbo Izrẹl yevbe oduma ne ọ mwẹ ẹtin, ọ ma gbe yanghan re nẹ, ẹ i hẹwẹ, ọ te wọn esagiẹn iran ne irẹn gbele.”

Nọmbas 23:24 ပူးပေါင်းရင်းမြစ်များ

Gẹnẹsis 49:27

Oduma ne ọ gbe emwi ọre Bẹnjamin khin, ota vbe owiẹ ọ re ọ ya gbe emwi re.”

Gẹnẹsis 49:9

Te Juda yevbe oduma, ọ gha gbe emwi nẹ, ọ ghi dọlegbe la irhu. Ọ gha niẹn egbua, ọ ghi lovbiẹ a i miẹn ne ohan giẹe rrẹrrọe.

II Krọnikol 9:18

Ikpa owẹ ehan ọ re ọ rre nene ẹkete. A keghi vbe mu ukhuerhe ne a viọ owẹ yan ke ẹe, igoru ọ re a ya rhu ẹe. Ehe ne a viọ obọ yan kegha rre nene ẹkete obọ eveva. Ama oduma keghi vbe gha rre obọ eveva.

Psalm 17:12

Iran ye vbe oduma, iran gha khẹ mwẹ, iran gha khẹ ne iran yanghan mwẹ ukhiọnmwẹ ukhiọnmwẹ.

Itan 30:30

Oduma ne ọ wegbe sẹẹ vbe uwu aranmwẹ oha hia, emwi okpa ne ọ khue ẹre udu i vbe rrọ.

Aizaia 31:4

E Nọyaẹnmwa keghi tama mwẹ wẹẹ, “Vbene avbe ọsuohuan a rhirhi yan go sẹ ra vbe ne iran a rhi rhi tu sẹ, iran i sẹtin khu oduma hin aranmwẹ ne ọ gbe yotọ nẹ rre, erriọ vbe nọ emwiọkpa i rrọ ne ọ gha sẹtin da mwẹ yi, mẹ ne Nọyaẹnmwa ne Oghodua, ne I ghẹ tan obọ gue Oke Zaiọn.

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Emọs 3:8

Oduma gha davan, de ọmwa ne ohan i ra mu. E Nọyaẹnmwa ne Udazi gha guaan nẹ, de ọmwa ne ọ gha sẹtin wẹ rẹn i ra ta uhunmwu ne ọ gie?

Nahum 2:11

Okpẹvbo nii ghi vbo yi? Ẹvbo ne ọ te ye vbe uvun oduma, ehe ne a na te koko ivbi oduma ehe ne oduma ọwẹe kevbe oduma amwẹ ye, ne ivbi iran na gu iran rrọọ vbe a i mwẹ ẹbe?

Nahum 2:12

Oduma gbe emwi ne ọ ra re nẹ, ọ keghi yanghaan ẹre ukhiọnmwẹ ukhiọnmwẹ ne amwẹ kevbe ivbi ẹre ọ ye efun ne a yanghaẹn vuọn uvun ẹnrẹn.

Zẹkaraia 12:6

“Ọ gha sẹ ẹghẹ nii, I gha ru ẹe ne ẹwae ni rre Juda gha ye vbe erhẹn ne ọ rre otọe ẹgbo ra ni rre ugbo ọka ne ọ wo nẹ, iran gha fuẹn avbe ẹvbo ni lẹga iran an. Ivbi e Jerusalẹm ghi gha rrọ vbe ne ẹkun na sẹ iran otọ vbe ore ẹvbo.

Nọmbas 23:25

Ẹre Balak na tama e Balam wẹẹ, “U ma fi ivbi Izrẹl unu, ghẹ ghi vbe na erhunmwu ne iran khekherriọ!”

Nọmbas 24:17

I keghi ghe ẹdẹ nakhuẹ, I keghi ya dẹghe okpẹvbo ọghe Izrẹl, ọba ne ọ yevbe orhọnmwẹ ne yọn ọn, gha kpaegbe vbe ẹvbo ni, ọ gha ke Izrẹl ladian zẹ vbe osun nigiogio ọ gha fi avbe Ọkaolotu Moab emwi, ọ ghi gbele iran ni hio kevbe ni khọọ ku otọ.

Diuteronomi 33:20

Ọ keghi kha vbe ekpa ẹwae Gad wẹẹ: “Rho Osanobua ne ọ gie otọ iran gha kpolo. Gad mudia gha khẹ zẹ vbe oduma ne ọ yan obọ ọkpa ra ikpakpa uhunmwu fua.

Arhie Maan 5:5

Ẹghẹ nii ọre ọkpa vbe uwu avbe ediọn nii na khama mwẹ wẹ, “Ghẹ ghi viẹ! Ghe oduma ne ọ ke uniẹn Juda rre, ọmọ nọkhua ne ovbi uniẹn Devid, khọn miotọ nẹ, ọ gha rhan emwi ne a ya gha ẹe ihinrọn nii, ọ ghi vbe rhan ebe nii, ne a kiri.”