Nọmbas 23:21 - Edo Bible (E Baibol Ẹdo) Version 1996

²¹ I miẹn ọẹn nẹ wẹ ẹbe ra ọkhọ ẹ i rre ivbi Izrẹl ẹdẹ na khuẹ, e Nọyaẹnmwa ne Osanobua iran rrọ ne iran.

Nọmbas 23:21 ပူးပေါင်းရင်းမြစ်များ

II Krọnikol 13:12

Osanobua tobọ ẹre ọrọre ọkaolotu mwa, avbe ohẹn irẹn rre emwa na, iran viọ okpe mwẹ iran wa mu egbe ne iran kpe ẹre vbe ẹghẹ ne ọ rhirhi gha khin ne iran ya tie ima gha die okuo ne a ra gu uwa khọn. Izrẹl, wa ghẹ gu e Nọyaẹnmwa ne Osanobua avbe erha uwa odede gbinna. Obọ uwa i sẹtin ke okhunmwu.”

Psalm 103:12

Zẹ vbe ne ahọ rrei ne orrie, erriọ rẹn vbe mu orukhọ mwa khian rrei ne ima.

Psalm 118:15

Gha họn vbene emwa we uwemwẹ akhọnmiotọ hẹ, vbe agọ emwa e Nọyaẹnmwa: “Ẹtin nọkhua ọghe Nọyaẹnmwa ọ re ọ ru ẹẹ.

Psalm 135:21

Wa rho e Nọyaẹnmwa vbe Zaiọn, vbe Jerusalẹm ne owa ẹre. Wa rho e Nọyaẹnmwa!

Psalm 23:4

Vbe ẹmwata, mẹ gha rhe gha khian vbe adesẹ uguowẹ, ọghe aghọnghọn uwu, ohan ọkhọ rhọkpa i ra mu mwẹ Nọyaẹnmwa, rhunmwuda, wẹ deba mwẹ. Orhokhua ruẹ kevbe ọkpọ ruẹ ehia tan obọ gue mwẹ.

Psalm 32:2

Afiangbe nọ ne ọmwa ne Nọyaẹnmwa ma ka abakuru ye ọre owẹ. Kevbe ne ẹi mwẹ erẹrẹ hiehiere.

Psalm 32:5

Ẹghẹ nii, I na miẹn orukhọ mwẹ kue ma ruẹn I ma vbe gbe gue alagberra mwẹ, I keghi wa miẹn ehia kue ma ruẹn, wẹ keghi vbe ya orukhọ mwẹ hia bọ mwẹ.

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 46:7

E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.

Psalm 97:1

E Nọyaẹnmwa ọrọre Ọba! Agbọn wa gha ghọghọ! Wa gha ghọghọ, wa ne otọe ne amẹ lẹga, ni rre uwu okun!

Psalm 99:2

E Nọyaẹnmwa kpọlọ vbe Zaiọn; rẹn ọ re ọ yo sẹ avbe uhunmwu ẹvbo hia.

Ẹksọdọs 13:21

Vbe ẹghẹ avan, e Nọyaẹnmwa ghi ya orre okuku ke odaro iran ne ọ gha ma iran odẹ, kevbe ẹghẹ asọn, ọ ghi ya orre erhẹn ke odaro ne iran ne ọ gha rhie uwanmwẹ ne iran, ne iran miẹn ehe na ye avan kevbe asọn khian.

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Ẹksọdọs 34:9

Ọ keghi kha wẹẹ, “Adeghẹ ẹko ruẹ gele rhiẹnrhiẹn ghe mwa, I wẹ ne u lele ima gha khian, E Nọyaẹnmwa, emwa na yinehọ, sokpan ya emwi dan mwa bọ mwa, kevbe orukhọ ima ne u rhan obọ miẹn ima zẹ vbe emwa obọ ruẹ.”

Aizaia 1:18

E Nọyaẹnmwa khare wẹẹ, “Larre nian ne a zẹ iro kugbe, orukhọ ruẹ gha ya a gbiruẹn sẹrriọ wẹ te u ghi baa, sokpan, I gha khuọ ruẹ ne u gha fua vbe isonorhọ. Orukhọ ruẹ gha rhe gha ye vbe ododo u gha fua zẹ vbe ititi oru.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Aizaia 33:21

E Nọyaẹnmwa gha rhie uyi ẹre ma ima. Ma ghi do yin ọkpẹn avbe ẹzẹ nekhua kevbe negiẹrẹ ni vbẹe, sokpan avbe okọ ni gbinna i ra gua vbe avbe ẹzẹ nii.

Aizaia 33:22

Ugbalọmwẹ ne a gbalọ okọ nii, i mwẹ asa, ukpọn ne ẹhoho ya sua ẹre khian i gia tan. Ma gha viọ emwi ne avbe ivbiyokuo eghian mwa mwẹ, iran gha bun sẹ vberriọ wẹ uhin ghẹ te obọ avbe arọ gha vbe vba vbọ. E Nọyaẹnmwa tobọ ẹre ọ re ọ ra gha re ọba mwa. Rẹn ọ re ọ ra gha khaemwisẹ yan mwa, ọ ghi vbe gha degue mwa.

Aizaia 38:17

Orriara mwẹ gha fiwerriẹ khian ọfumwegbe u miẹn ẹdẹ agbọn mwẹ fan hin obọ ẹbe hia rre, u ya orukhọ mwẹ hia bọ mwẹ.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Jerimaia 50:20

Ọ gha sẹ ẹghẹ nii, a i ghi ra miẹn orukhọ vbe Izrẹl, ra uyinmwẹ dan vbe Juda rhunmwuda, I gha ya orukhọ bọ avbe emwa ni fi yi vbọ. Mẹ ne Nọyaẹnmwa taa ẹe nẹ.”

Ezikiẹl 48:35

Utanmwẹ ekẹn nii hia vbe igienenẹ ọghe ore ẹvbo nii keghi re ibata eha iyenẹ yan arriaisẹn igbe (10,080). Eni ne a ghi ra gha tie ore ẹvbo nii ke ẹghẹ na kpao keghi re, “E Nọyaẹnmwa Rre Emwa Na.”

Joẹl 2:27

Izrẹl wa gha rẹn ẹghẹ nii wẹ adesẹneva uwa ọ re I ye kevbe wẹ mẹ ne Nọyaẹnmwa, ọrọre Osanobua uwa, kevbe wẹẹ, ọvbehe i rrọ. A i ghi dọlegbe zan emwa mwẹ ọvbehe.

Levitikọs 9:24

Vbe udomwurri, e Nọyaẹnmwa keghi gie erhẹn rre, ọ keghi giẹn emwi izọ ese nii hia ke ẹe kevbe efun emwi nii rre aka. Ugbẹn vbe emwa nii ghi miẹn ọẹn, iran keghi datu, iran keghi munọ ẹko rhu otọ.

Nọmbas 14:18

‘Mẹ ne Nọyaẹnmwa ohu i rherhe mu mwẹ, mẹ rhie ahoẹmwọmwa kevbe ayegbe yan ọmwa maa, I ghi vbe gha ya orukhọ kevbe isọtẹ bọ ọmwa sokpan ẹ i mwẹ I ma rria ikhi erha kevbe avbe ivbi ẹre, kevbe emiwu kevbe eyẹ kevbe orre ne ogieha kevbe ne ogienẹ, rhunmwuda orukhọ evbibiẹ iran.’

Nọmbas 14:19

Lahọ, la ekpa ahoẹmwọmwa ruẹn nọkhua kevbe ne ẹ i fiwerriẹ ya orukhọ emwa na bọ iran, zẹ vbene u ya gha bọ iran ya ke ne iran kpao vbe Igipt gha dee.”

Nọmbas 16:3

Iran keghi do si egbe koko ye odaro e Mosis kevbe Errọn, iran tama iran wẹẹ, “Ọwua tua gbe, e Nọyaẹnmwa ọre ọ yan emwa nii hia, e Nọyaẹnmwa vbe rrọ yaba ima hia. Vbọzẹ ne uwẹ ne Mosis na ghi tọn egbe ruẹ mu yan emwa e Nọyaẹnmwa na hia?”

Nọmbas 9:22

Ọre ikpẹdẹ eva nọ, ra uki ọkpa ra ukpo hoho, okuku nii gha ye mudia yan agọ nii, iran i si kpao, ọ gha kpao, iran ghi si okhian.

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Ebe ne Pọl gbẹẹn gie emwa Rom 6:14

Rhunmwuda, ọ ma kei ne orukhọ gha khaemwisẹ yan uwa, wa i rre ototọ uhi, ighẹ ototọ ẹsọhẹ ọre uwa ye.

Ebe ne Pọl gbẹẹn gie emwa Rom 8:1

Banbanna nian, a ma ghi bu ohiẹn gbe iran ni ye egbe ba Jesu Kristi gha rrọọ.

II Kọrinti 2:14

Sokpan, ekpọnmwẹ nọ ne Osanobua, rhunmwuda, vbe a kugbe ba Kristi, Osanobua ghi gha viọ ima khian zẹ vbe oghunmwu vbe uwu emwa ne Kristi viọ rre vbe okuo ne ọ na khọn miotọ. Zẹ vbe ori ne ọ winhin ne ọ gba ehe hia, Osanobua lo ima ya ye Kristi khian ne emwa hia rẹnrẹn.

II Kọrinti 5:19

Ẹmwẹ ne ima ta ẹe ọrọre wẹ, te Osanobua ma ghi ka orukhọ iran ye iran owẹ, rẹn keghi tae ya gie ima uhunmwu ighẹ ẹmwẹ vbene irẹn ya ye iran khian esiọre hẹ.

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

Diuteronomi 31:23

Ẹre Nọyaẹnmwa na tama Jọsua ne ovbi e Nọn wẹẹ, “Wegbe ne u vbe din. U gha viọ ivbi Izrẹl gha rrie otọe nii ne I ve iran ere. I gha vbe gha rrọọ yaba ruẹ.”

Diuteronomi 32:5

Sokpan wa i re emwata, wa ma kei ye emwa ẹnrẹn ẹvbo orukhọ kevbe ne ọ vuọn ne erẹrẹ.

Diuteronomi 33:5

E Nọyaẹnmwa kegha re ọba emwa rẹn Izrẹl, vbe a ghi si avbe ẹwae kevbe ọkaolotu iran si koko.

Diuteronomi 9:24

Ke ẹghẹ ne I ya rẹn uwa gha dee, te uwa wa gha sọtẹ e Nọyaẹnmwa.

Giọgis 6:13

E Gidiọn keghi kha wẹẹ, “Enọwanrẹn, gun mwẹ nọ ọta wẹ, adeghẹ e Nọyaẹnmwa gele rrọọ yaba ima, vbọzẹ ne ena hia ghi na rruan ima? Iwinna ọyunnuan hia ne avbe erha ima tama ima wẹ e Nọyaẹnmwa te ru, vbene ọ ya viọ iran ke otọ Igipt ladian hẹ, vbe irẹn a ghi ye? E Nọyaẹnmwa yangbe ima nẹ, ọ na sẹ ima rae ne ivbi e Midian gha ru ima emwi ne ọ rhirhi khọn iran.”

I Samuẹl 25:28

Lahọ u ghi ya bọ mwẹ, adazẹ, ighẹ a baku ru mwẹ hia, e Nọyaẹnmwa gha ya uwẹ rriọba kevbe avbe ivbi uẹ ba ẹre. Rhunmwuda, okuo ẹre ọ re u khọn, u i ra vbe ru emwi ne ọ ma gba vbe ẹdẹ agbọn ruẹn hia.