Nọmbas 23:20 - Edo Bible (E Baibol Ẹdo) Version 1996

²⁰ Erhunmwu ọre a we mwẹ na Osa gha na erhunmwu nẹ, mẹ i sẹtin kie ẹre werriegbe. Iran wewẹ wẹ irẹn ọre ọba iran.

Nọmbas 23:20 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 22:17

I yanrẹn wẹẹ I gha viọ uniẹn nibun zẹ vbe orhọnmwẹ ne aro iso ra ikpekhae ni rre ọkpẹn okun nuẹn. Uniẹn ruẹn gha khọn eghian iran muotọ.

Gẹnẹsis 27:33

Aizik keghi suẹn gha guọ, egbe ẹre hia kegha mu rueghe zẹzẹzẹ, ọ keghi nọ wẹẹ, “De ọmwa ne ọ gbe emiowo mu gunmwẹ yi? Te I da rriọe fo vbe uwẹ la owa, I rhie afiangbe ọghe okiekie mwẹ nẹẹn nẹ, ọghọe khian gha nọ ẹdẹdẹmwẹdẹ.”

I Krọnikol 17:27

Te I rinmwian wẹ ne u fiangbe ivbi uniẹn mwẹ, ne iran miẹn ehe na gha miẹn aro ne ọ maa ruẹn. Wẹ Nọyaẹnmwa fiangbe iran nẹ, afiangbe ruẹ gha rhuẹ yan iran ẹdẹdẹmwẹdẹ.”

Aizaia 43:13

Mẹ ọrọre Osanobua, ọnii ọ re I ra gha khin ẹdẹ. Ọmwa ne ọ gha sẹtin fie emwi ne imẹ ru nẹ werriẹ i rrọọ.”

Nọmbas 22:12

Osanobua keghi tama Balam wẹẹ, “Ghẹ lele emwa na gha khian, ghẹ vbe fi ivbi Izrẹl unu rhunmwuda afiangbe mwẹ rre iran egbe.”

Nọmbas 22:18

Sokpan e Balam keghi wanniẹn wẹẹ, “Ọ gha khọn e Balak ne ọ viọ igoru kevbe esiliva hia ni rre ẹguae ẹre mẹ, mẹ i ra sẹtin rhie obọ gberra ẹmwẹ ne Osanobua mwẹ tama mwẹ uhin ya se egbe emwi ne ọ kanmwa sẹ.

Nọmbas 22:38

E Balam keghi wanniẹn wẹẹ, “I rre, ra I ma rre? Sokpan de ẹtin ne I mwẹ yi? Emwi ne Osanobua tama mwẹ ọkpa ọre I gha sẹtin ta.”

Nọmbas 6:27

E Nọyaẹnmwa keghi kha wẹẹ, “Iran gha so enii mwẹ ya na erhunmwu na vbe iran gha na erhunmwu ne ivbi Izrẹl, I gha fiangbe iran.”

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.