Nọmbas 23:19 - Edo Bible (E Baibol Ẹdo) Version 1996

¹⁹ Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Nọmbas 23:19 ပူးပေါင်းရင်းမြစ်များ

Gẹnẹsis 26:3

U ghi di emwa ya, I gha rrọọ yaba ruẹ, I gha fiangbuẹ rhunmwuda, I gha mu otọ na nuẹn kevbe uniẹn ruẹn. I gha mu eyan ne I yan ma Ebraham ne erhaa sẹ.

Gẹnẹsis 28:15

Yẹrẹro, I gha rrọọ yaba ruẹ, I ghi gha degue ruẹ vbe ehe ne u rhirhi a gha rrie, I ghi vbe dọlegbe rhie ruẹ gha die otọ na. Mẹ ira suẹ rae I te do ru avbe emwi ne I tama ruẹn na.”

I Ọba 14:11

Emwa ẹgbẹe ruẹ ni wulo ye ore ẹvbo, avbe ekita ghi rri iran, iran ni wulo ye oha, avbe ugu ghi rri iran. Mẹ ne Nọyaẹnmwa ọre ọ tae.’ ”

II Ọba 15:12

Erriọ ọ re eyan ne Nọyaẹnmwa yan ma e Jehu na do sẹ wẹẹ, “Ivbi uẹ gha rriọba vbe Izrẹl ya sẹ orre ne ogienẹ.”

II Ọba 7:2

Ovbi ọkpọmwa ọghe ọba keghi wanniẹn tama Elaisia wẹẹ, “Ọnii i sẹtin sunu vberriọ, ọ gha khọnrẹn wẹ ne Nọyaẹnmwa tue ọka amẹ rre wanwanna.” Elaisia keghi wanniẹn wẹẹ, “Aro ruẹ gha sẹ ọe vbe ọ gha sunu sokpan u i ra re vbe evbare ni.”

I Krọnikol 17:17

Levba sevba, te u ye ru yan. U yan ye otọ vbe ekpa ivbi uniẹn mwẹ vbe ọghe ẹdẹ nakhuẹ, kevbe wanwanna nian e Nọyaẹnmwa ne Osanobua, obọ ne a ya mu ọmwa ne ọ kpọlọ ọ re u ya mu mwẹ.

Psalm 110:4

E Nọyaẹnmwa vẹe ye urhu nẹ, ẹ i ra vbe fi ẹe werriẹ wẹẹ, “Ohẹn wẹ ra gha khin ẹdẹdẹmwẹdẹ vbe uniẹn ne a na rri ohẹn ọghe Mẹlkizẹdẹk.”

Psalm 132:11

Ekhọekekhọe ọ re u ya ve Devid emwi, ive ne uwẹ i ra siẹn wẹẹ, “I gha ya ọkpa vbe uwu avbe ivbuẹ nikpia rri ọba, rẹn gha vbe rri ọba lele uwẹ.

Psalm 77:9

Te Osanobua ghi mianmian ne ọ gha tohan ọmwa ra? Te ohu ghi rhie ihe itohan rẹn ra?”

Psalm 89:34

Mẹ i ra so ile ne I guẹe ta gọ, ra ne I kie werriegbe vbe emwi ne I ve ẹre re.

Psalm 89:35

“I ya eni mwẹ ne ọ huanrẹn yan nẹ uhukpa ne ọ re ọghe ẹdẹ hia, mẹ i ra ta ohoghe ma e Devid ẹdẹ.

Aizaia 21:17

Iran ni fi uhanbọ ọrọre emwa ni din sẹẹ vbe Keda sokpan ibozẹghẹ ọ ra kẹe vbọ. Mẹ ne Nọyaẹnmwa ne Osanobua Izrẹl ọ re ọ tae.”

Aizaia 31:2

Ọ rẹn emwi ne irẹn ru. Ọ ghi gie ọfuan. Ọ ghi vbe mu ẹẹn sẹ ighẹ eyan ne ọ yan rẹn wẹ, rẹn gha rri emwa dan kevbe iran ni gbegue ne iran oya.

Aizaia 40:8

Ẹn, irunmwu luẹluẹe, obobo fafaa sokpan, ẹmwẹ e Nọyaẹnmwa rrọọ, ẹdẹdẹmwẹdẹ.”

Aizaia 46:11

Mẹ tie okpia ọkpa ne ọ ke odẹ ahọ gha dee, ọ gha vin rrie otọ zẹ vbe ahua ọ ghi do ru emwi ne I mwamwa yotọ. I guan nẹ, te a ra ruẹe.

Aizaia 55:11

Erriọ ọ re ẹmwẹ ne I tae ra vbe gha ye ẹ i mwẹ ọ ma ru emwi ne I wẹ ne ọ ru. Ọ gha ru emwi hia ne I gie ẹe ne ọ ya ru.

Jerimaia 4:28

Otọ agbọn gha khiẹ, iso gha so ebiebi, erriọ Nọyaẹnmwa khare, ẹ i ra fi ẹe werriẹ. Ọ ta emwi ne irẹn ra ru ne, ẹ i ghi vbe kie werriegbe vbọ.

Daniẹl 4:28

Avbe emwi na hia keghi gele sunu vbe egbe Nebukiadneza ne ọba.

Hozia 11:9

Mẹ i ra ya ohu rri uwẹ oya. Mẹ i ra dọlegbe fuẹn Izrẹl rua ọvbehe rhunmwuda, Osanobua mẹ khin ighe ẹ i re ọmwa kẹkan. Mẹ, ne Ọmwa Nọhuanrẹn, mẹ gu uwẹ rrọ. Mẹ i ra ya ohu bu rua rre.

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Habakọk 2:3

Gbẹnnẹ ọẹn ye otọ rhunmwuda, ọ ma he sẹ ẹghẹ ne ọ gha ya sunu. Sokpan ẹghẹ nii dee ẹgiẹgiẹ, emwi ne I mu ma ruẹn na, te ọ gha sunu. Ọ sẹtin yevbe ne okhian i kẹ ọre vbene ọ ya dee hẹ, sokpan, ziengbe diakhẹ ọre, ẹ i mwẹ ọ ma sunu, ẹ i ra vbe kpẹe.

Malakai 3:6

Mẹ ọrọre Nọyaẹnmwa, mẹ i vbe fiwerriẹ. Rhunmwuda ọnii wa ma he wa wirua fo, wa ne ivbi uniẹn e Jekọb.

Nọmbas 14:35

I gha miẹn i ghẹ I i ru uwa emwi na, wa ne emwa dan ni si uma mwẹ. Uwu ẹgbo na ọre uwa hia ra wulo yi. Mẹ ne Nọyaẹnmwa tae nẹ.’ ”

Nọmbas 23:18

ẹre Balam na guan ẹmwẹ akhasẹ ọre: “Larre, Balak ne ovbi Zipọ, do danmwẹ ehọ ẹmwẹ ne I ra ta.

Iyẹn ne ọ Maan Ọghe Luk 21:33

Ẹrinmwi kevbe agbọn gha gberra sokpan ẹmwẹ mwẹ i ra gberra.

Ebe ne Pọl gbẹẹn gie emwa Rom 11:29

Rhunmwuda Osanobua i fi ekhọe werriẹ vbekpa ọmwa ne irẹn hannọ zẹ kevbe ne ọ fiangbe.

Ebe ne Pọl gbẹẹn gie emwa Rom 9:6

Ẹ i re te I khare ighẹ emwi ne Osanobua ve firaa nẹ, rhunmwuda ẹ i re ivbi Izrẹl hia ọre ọ wa re emwa ne Osanobua hannọ zẹ.

II Timoti 2:13

Deghẹ ma ma gia ya egbe yan, rẹn wa gia ye egbe yan. Rhunmwuda rẹn i sẹtin rẹrẹ egbe ẹre.” Ọmwa Iwinna Ne Ẹ I Ga Miẹn Okan

Taitọs 1:2

Idaehọ ẹfe etẹbitẹ ọre a hẹnhẹn ọẹn yan, Osanobua ne ẹ i ta ohoghe, ọ re ọ ve ima arrọọ na, vbe ẹghẹ te do suẹn,

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

Hibru 7:21

Sokpan, la ekpa eyan rre, ọre Jesu ya khian ohẹn vbe Osanobua tama rẹn wẹ, “Nọyaẹnmwa yan nẹ, ẹ i ra vbe fi ekhọe werriẹ: ‘Ohẹn ọre u ra gha khin ẹdẹdẹmwẹdẹ.’ ”

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

Jems 4:5

Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”

Jọsua 21:45

E Nọyaẹnmwa keghi mu eyan esiesi ne ọ yan ma ivbi Izrẹl hia sẹ.

I Samuẹl 15:29

Ọba Oghodua ugborrirri ọghe Izrẹl i ta ohoghe ra ne ọ gha fi ekhọe werriẹ, rẹn i re ọmwa kẹkan, ẹ i gbe yo gbe rre.”

I Samuẹl 3:12

Vbe ẹdẹ ne ẹdẹrriọ, I gha ru emwi ne I yan rẹn ighẹ I gha ru ẹgbẹe Elai re, ke omuhẹn ya sẹ ufomwẹ ọnrẹn.