Nọmbas 23:16 - Edo Bible (E Baibol Ẹdo) Version 1996

¹⁶ E Nọyaẹnmwa keghi do vba e Balam, ọ na tama rẹn ẹmwẹ ne ọ gha ta, ọ na gie ẹe werriegbe bu e Balak ne ọ ya tama rẹn uhunmwu ne irẹn gie.

Nọmbas 23:16 ပူးပေါင်းရင်းမြစ်များ

Nọmbas 22:20

Vbe asọn nii, Osanobua keghi bu e Balam gha dee, ọ tama rẹn wẹẹ, “Deghẹ te iran na do tama ruẹn wẹ ne u lele iran gha khian, mu egbe ne u lele iran gha khian, sokpan emwi ne I tama ruẹn ne u ru ọkpa ọ re u gha ru.”

Nọmbas 22:35

Sokpan, odibosa nii tama rẹn wẹẹ, “Lele avbe emwa na gha khian, sokpan emwi ne I tama ruẹn ne u ta ọkpa ọre u gha ta.” Ẹre Balam na lele iran gha khian.

Nọmbas 23:15

E Balam keghi khama Balak wẹẹ, “Mudia ke ese na giẹn uan ruẹn vbe emwa, mẹ ra ya vba e Nọyaẹnmwa vbe odẹ.”

Nọmbas 23:17

Ọ re ọ na werriegbe, ọ keghi do vba e Balak vbe ọ ye mudia ke ese na giẹn uan ọghe ọe ke ẹe kevbe avbe ọkaolotu ivbi e Moab. E Balak keghi nọ rẹn vbene Nọyaẹnmwa kha hẹ,

Nọmbas 23:5

E Nọyaẹnmwa keghi gie Balam werriegbe bu e Balak gha khian ne ọ ya tama rẹn uhunmwu ne irẹn gie.

Nọmbas 24:1

Ẹghẹ na nian, e Balam rẹn nẹ wẹ te Nọyaẹnmwa wẹ ne iran gha na erhunmwu ne ivbi Izrẹl, rhunmwuda ọnii, ọ ma ghi vbe gualọ ama vbene ọ ka ru ẹe dee ẹdẹ. Ọ keghi mu aro da odẹ ato.

Diuteronomi 18:18

I gha gie akhasẹ vbe ruẹ ke uwu emwa iran gie iran; I gha tama rẹn ẹmwẹ ne ọ gha ta, irẹn ghi vbe rhie iyi ne I yi hia ma iran.