Nọmbas 23:13 - Edo Bible (E Baibol Ẹdo) Version 1996

¹³ Ẹre Balak na khama e Balam wẹẹ, “Lele mwẹ gha die ihe ọvbehe ne u gha na sẹtin bẹghe eso vbe uwu iran ne ivbi Izrẹl kẹkan. U ghi ke evba fi iran unu mẹ.”

Nọmbas 23:13 ပူးပေါင်းရင်းမြစ်များ

I Ọba 20:23

Emwa e Benhadad ne ọba keghi tama rẹn wẹẹ, “Ẹbọ emwa Izrẹl, ẹbọ ne uhunmwu oke iran khin, onii ọ si ẹe ne ivbi Izrẹl na khọn ima muotọ. Sokpan ma gha gu iran gbinna vbe otọe kẹkan, ẹ i mwẹ ma ma khọn miẹn iran otọ.

I Ọba 20:28

Akhasẹ ọkpa keghi bu Ehab ne ọba gha khian, ọ tama rẹn wẹẹ, “Vbenian ọ re Nọyaẹnmwa khare: Rhunmwuda ne ivbi e Siria na kha wẹ, Osanobua uhunmwu oke ọre imẹ khin ighẹ me ẹ i re Osanobua otọ kẹkan, I gha rhie ẹtin ne uẹn ya khọnmiotọ vbe uhunmwu ivbi iyokuo ẹre ne ọrhiẹnrhiẹn biẹnrhẹn, ẹghẹ nii, wẹ kevbe emwa ruẹn gha rẹn ighẹ mẹ ọrọre Nọyaẹnmwa!”

Psalm 109:17

Ihẹn ne a tie yẹ ọre, te ọ gha khian ne a fi ẹre unu! Ẹ i ho ẹmwẹ erhunmwu afiangbe, ai gha miẹn ọmwa ne ọ gha na erhunmwu ne ẹẹn.

Maika 6:5

Wa ne emwa mwẹ, wa yerre emwi ne Balak ne Ọba e Moab te mwamwa ne ọ ru uwa re, kevbe ewanniẹn ne Balam ne ovbi e Beọ rhie ne ẹẹn. Wa yerre, avbe emwi ni sunu vbe odẹ ke agọ Akasia ya sẹ Gilgal. Wa ye avbe emwi na rre, wa gha vbe rẹn emwi ne I ru ne I ya miẹn uwa fan.”

Nọmbas 22:41

Owiẹ ne ọ lelẹe, e Balak keghi rhie Balam gha rrie uhunmwu oke Bamot Bal. E Balam keghi sẹtin ke evba bẹghe eso vbe ivbi Izrẹl.

Nọmbas 22:6

Iran bun sẹ mwa, rhunmwuda onii, gha dee do fi iran unu mẹ, ughaghe, ma gha sẹtin khọnmiotọ vbe uhunmwu iran vberriọ, ne a khulo iran hin otọ na rre. I rẹnrẹn wẹ, u gha na erhunmwu ne emwa, afiangbe nọ ne iran, u gha fi emwa unu te ọ sẹ iran egbe.”

Nọmbas 23:12

Rẹn keghi wanniẹn wẹẹ, “Ẹmwẹ ne Nọyaẹnmwa wẹ ne I ta ọkpa ọre I sẹtin ta.”

Nọmbas 23:14

Ọ keghi rhie ẹre gha rrie ako oha ọghe Zofin vbe uhunmwu oke Pisga. Ọ keghi vbe gba aka ihinrọn vbe evba, ọ na ya ẹkhuia ẹmila ọkpa ke ogho ọkpa zọ ese vbe uhunmwu ọkpọkpa vbọ.

Jọsua 24:9

Ẹre Balak ne ovbi e Zipọ ọba e Moab na gu uwa gha khọn. Ọ keghi gie uhunmwu gie Balam ne ovbi Beọ, ọ na wẹ ne ọ fi uwa unu.