Nọmbas 22:7 - Edo Bible (E Baibol Ẹdo) Version 1996

⁷ Ẹre avbe ọkaolotu Moab ke Midian na viọ igho ne iran gha ya ha osa ne ẹẹn vbe ọ gha fi iran unu mwẹ obọ, iran keghi bu e Balam gha khian, iran na ya tama rẹn vbene Balak gie.

Nọmbas 22:7 ပူးပေါင်းရင်းမြစ်များ

Aizaia 1:23

Etẹ ọ re avbe ọkaolotu ruẹ khin, kevbe avbe ọse avbe oyi, ẹghẹ hia ọ re iran ya miẹn emwa emwi ihaoko kevbe igho odieke. Iran i guan ne avbe ne ẹ i mwẹ erha vbe iko ẹzọ, erriọ iran i vbe zẹye avbe ẹgbẹ re vbe iran a do gui ma iran.

Aizaia 56:11

Iran yevbe ekita ne aro vbẹ ne ẹko i vuọn. Avbe ọkaolotu na ma rẹn emwirhọkpa. Dọmwadẹ ọghọe vbe uwu iran ghi wa gha ru vbene ọ khọnrẹn, iran ghi gha gualọ ọghe obọ iran. Iran ghi kha wẹẹ.

Ezikiẹl 13:19

Wa sirra emwa mwẹ yagha mwẹ ne iran miẹn ehe na zẹ uguobọ ọka eso ne uwa, ne iran vbe viọ iku ebrẹd eso ne uwa. Wa gbele avbe emwa ne uwu ma khẹ ke, emwa ni ma khẹke ne iran gha rre agbọn, wa ghi sẹ iran rae. Erriọ wa ya ta ohoghe ma emwa mwẹ, iran ghi vbe gha rhie ẹmwẹ uwa.”

Ezikiẹl 21:21

Ọba e Babilọn mudia vbe ehe ne ọ gie odẹ ma ọmwa vbe ehe ne odẹ nọ va ada nii ye. Ne ọ miẹn ehe na rẹn odẹ ne ọ gha la ghe vbọ, ọ fieghe ifẹnmwẹ, ọ nọ avbe amazẹ ọre, ọ gbe aro kotọ ghe vbene ihẹnmwẹ aranmwẹ ne ọ ya zọ ese ye hẹ.

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Nọmbas 22:8

E Balam keghi tama iran wẹẹ, “Wa gbe asọn na vbe emwa, I gha tama uwa akhuẹ vbe ne Nọyaẹnmwa a rhirhi tama mwẹ hẹ.” Ẹre avbe ọkaolotu e Moab na tota ke Balam.

Nọmbas 23:23

Ẹbo awan ọkpa i rrọ, ra azẹn, ne a gha sẹtin ya ru ẹvbo ivbi Izrẹl emwi emwa gha ta vbe ekpa Izrẹl wẹẹ, ‘U ma miẹn emwi ne Osa ru ne iran.’

Nọmbas 24:1

Ẹghẹ na nian, e Balam rẹn nẹ wẹ te Nọyaẹnmwa wẹ ne iran gha na erhunmwu ne ivbi Izrẹl, rhunmwuda ọnii, ọ ma ghi vbe gualọ ama vbene ọ ka ru ẹe dee ẹdẹ. Ọ keghi mu aro da odẹ ato.

Ebe ne Pọl gbẹẹn gie emwa Rom 16:18

Rhunmwuda iran ni ru emwi vbe nian, ẹ i re Kristi Nọyaẹnmwa ọre iran ga, gberra evbare ne ọ khọn iran. Iran ghi ya ẹmwẹ ne ọ rhiẹnrhiẹn kevbe aranmwẹ erẹrẹ iran gha ye iran ni ma rẹn ọkpa ọ ma rẹn eva de odẹ.

Taitọs 1:11

Ọ kere ne a da iran obọ ẹmwẹ ne iran guan yi, rhunmwuda, igiowa ni bun ọre iran ye emwi ne ọ ma te kei ne iran ma emwa ẹre, gbe sẹ otọ, ba ẹmwẹ emwiekhue wẹ, te iran gualọ igho.

Jọsua 13:22

Usun emwa nii ivbi Izrẹl gbele ọ re ọ ye ighẹ Balam ne ọba, ovbi Beọ.

II Pita 2:15

Iran kpao hin odẹ ne ọ diae rre nẹ, iran keghi bibi odẹ. Iran la odẹ ne Balam ne ovbi Bọsọ lae, ọmwa ne igho ne ọ gha sẹ ọre obọ vbe ọ gha ruemwi dan nẹ, viẹn ye ọre aro.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.