Nọmbas 22:6 - Edo Bible (E Baibol Ẹdo) Version 1996

⁶ Iran bun sẹ mwa, rhunmwuda onii, gha dee do fi iran unu mẹ, ughaghe, ma gha sẹtin khọnmiotọ vbe uhunmwu iran vberriọ, ne a khulo iran hin otọ na rre. I rẹnrẹn wẹ, u gha na erhunmwu ne emwa, afiangbe nọ ne iran, u gha fi emwa unu te ọ sẹ iran egbe.”

Nọmbas 22:6 ပူးပေါင်းရင်းမြစ်များ

Gẹnẹsis 12:3

“I gha fiangbe iran ni fiangbuẹ Sokpan I ghi tie ihẹn ne ne ọ tie ihẹn nuẹn Vbe ekpa ruẹ, ọre I gha na fiangbe uhunmwu otọ agbọn hia.”

Gẹnẹsis 27:29

Te iyaẹvbo nibun gha khian eguọmwadia ruẹ, ne emwa gha hie uhunmwu rre nuẹn. Te u gha khian arowa avbe etuẹn, ne uniẹn ivbi iyuẹ gha vbokho uhunmwu rre nuẹn. Ihẹn ọghe iran ni rhovbiọọ afiangbe ọghe iran ni fiangbuẹ.”

I Ọba 22:13

Vbe uwu ẹghẹ na, ọmwa ne a gie ne a tie Makaia keghi khama rẹn wẹẹ, “Avbe akhasẹ nekpa hia tama ọba nẹ ighẹ ọ gha khọnmiotọ, wẹ ghi vbe kha vberriọ.”

I Ọba 22:6

Ẹre Ehab na tie avbe akhasẹ ọre ne ọ re omwa uri eva, ọ keghi nọ iran wẹẹ, “Ne I ya gu Ramọt gbinna ra ne I ghẹ yo?” Iran wanniẹn wẹẹ, “Ya khọn rẹn ighẹ e Nọyaẹnmwa gha rhie akhọnmiotọ nuẹn.”

I Ọba 22:8

Ehab keghi wanniẹn wẹẹ, “Ọkpa ye rrọọ, Makaia ne ovbi Imla, sokpan I i ho ẹmwẹ ọnrẹn rhunmwuda, ẹ i ta ẹmwẹ esi ma mwẹ, emwi dan nọ vbe ẹghẹ hia.” E Jehosiafat keghi wanniẹn wẹẹ, “Ghẹ kha vberriọ.”

Nehimaia 13:2

Emwi ne ọ sii ọna ọrọre wẹ ivbi Amọn kevbe ivbi e Moab ma rhie evbare ne ivbi Izrẹl, iran ma vbe sa amẹ ne iran wọn vbe ẹghẹ ne iran na gha ke otọe Igipt dee. Sokpan, iran keghi rhie igho ne Balam ne ọ do fi ivbi Izrẹl unu, sokpan Osanobua mwa keghi fi ihẹn ni werriẹ khian erhunmwu.

Psalm 109:28

Iran sẹtin gha tie ihẹn mẹ, sokpan, wẹ gha fiangbe mwẹ. Te obọ gha vba iran ni zẹ mwẹ owẹ, ne imẹ ne ọguọmwadia ruẹn gha ghọghọ.

Itan 26:2

Ẹbọ ne a tie ne ọmwa i miẹn emwi ru uwẹ re sokpan a ma wẹ te u gele fidọn. Te iran yevbe ahianmwẹ ni tin gberra vbe ne iran i na vbe tin kan otọe.

Ezikiẹl 13:6

Imamase ọ re umian iran khin, ohoghe ọ re ẹmwẹ ne iran guan yotọ vbe khin. Iran ghi kha wẹ uhunmwu ne I gie ọ re iran ta, vberriọ, I ma zẹdẹ gie iran. Iran ghi ye vbe gha kha wẹ ẹmwẹ iran gha sẹ!

Maika 6:5

Wa ne emwa mwẹ, wa yerre emwi ne Balak ne Ọba e Moab te mwamwa ne ọ ru uwa re, kevbe ewanniẹn ne Balam ne ovbi e Beọ rhie ne ẹẹn. Wa yerre, avbe emwi ni sunu vbe odẹ ke agọ Akasia ya sẹ Gilgal. Wa ye avbe emwi na rre, wa gha vbe rẹn emwi ne I ru ne I ya miẹn uwa fan.”

Nọmbas 22:12

Osanobua keghi tama Balam wẹẹ, “Ghẹ lele emwa na gha khian, ghẹ vbe fi ivbi Izrẹl unu rhunmwuda afiangbe mwẹ rre iran egbe.”

Nọmbas 22:17

I gha kaka bọ san ruẹn ẹse, I ghi vbe ru vbene u rhirhi kha. Lahọ gha dee do fi iran unu mẹ.

Nọmbas 23:13

Ẹre Balak na khama e Balam wẹẹ, “Lele mwẹ gha die ihe ọvbehe ne u gha na sẹtin bẹghe eso vbe uwu iran ne ivbi Izrẹl kẹkan. U ghi ke evba fi iran unu mẹ.”

Nọmbas 23:27

E Balak keghi kha wẹẹ, “Lele mwẹ gha dee ne I rhie ruẹ gha rrie ihe ọvbehe. U gha ghe, Osanobua gha kue ne u fi iran unu mẹ ke evba gha khian.”

Nọmbas 24:9

Ẹvbo na yevbe oduma ne ọ mwẹ ẹtin ọ gha vbiẹ, a i miẹn ne ohan gie ẹe huẹn ọnrẹn. Afiangbe nọ ne ọmwa ne ọ na erhunmwu ne Izrẹl, ne ọ fi Izrẹl unu, a gha fi ẹre unu.”

Iwinna 16:16

Ẹdẹ ọkpa, ma ghi rrie ehe ne a na na erhunmwu, ọvbokhan okhuo ọkpa, ne ọre ọviẹn, ne ọ vbe mwẹ orhiọn dan nọ yae miẹn aro, keghi khian vbe ima. Igho ọrhẹnrhẹn ọre ọ ye aro me ọ miẹn nii khuan ne enarẹn.

Diuteronomi 23:4

“Ẹghẹ ne uwa na gha kpao vbe Igipt rre, iran ma rhie evbare ne uwa, iran ma sa amẹ ne uwa wọn, iran ke ya tie Balam ne ovbi Beọ ne ovbi Petọ ne Mẹsopotamia rre ne ọ do fi uwa unu.

Jọsua 24:9

Ẹre Balak ne ovbi e Zipọ ọba e Moab na gu uwa gha khọn. Ọ keghi gie uhunmwu gie Balam ne ovbi Beọ, ọ na wẹ ne ọ fi uwa unu.

I Samuẹl 17:43

Ọ keghi tama e Devid wẹẹ, “Vbe u a ye ovbi erhan nii ru yi? Te u ro ighẹ ekita mẹ khin ra?” Ọ na gha mu ẹbọ ne ọ gho gbe Devid.