Nọmbas 22:38 - Edo Bible (E Baibol Ẹdo) Version 1996

³⁸ E Balam keghi wanniẹn wẹẹ, “I rre, ra I ma rre? Sokpan de ẹtin ne I mwẹ yi? Emwi ne Osanobua tama mwẹ ọkpa ọre I gha sẹtin ta.”

Nọmbas 22:38 ပူးပေါင်းရင်းမြစ်များ

I Ọba 22:14

Sokpan, e Makaia keghi kha wẹẹ, “Vbe eni e Nọyaẹnmwa, emwi ne Nọyaẹnmwa tama mwẹ ọre I ra ta.”

I Ọba 22:16

Sokpan, Ehab keghi kha wẹẹ, “Inu igba I gha tama ruẹn yi wẹ ẹmwata ọkpa ọ re u gha ye eni Nọyaẹnmwa tama mwẹ?”

II Krọnikol 18:13

Sokpan, Mikaia ke kha wẹẹ, “Vbe eni e Nọyaẹnmwa ne ọ rrọọ, emwi ne Osanobua mwẹ tama mwẹ ọre I ra ta!”

Psalm 33:10

E Nọyaẹnmwa ọ re ọ duẹ uma agbọn ẹvbo hia a, ẹi gie iran mu emwamwa iran sẹ.

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Itan 19:21

Emwa sẹtin mwamwa emwi gbe erhan gbe irri, sokpan, ne ọ yẹ e Nọyaẹnmwa ọ re a ra ru.

Aizaia 44:25

Mẹ ye avbe iran ni fi iha ne emwa, gbogiẹ I ghi vbe ya emwi ne avbe iweuki ta yotọ khian ne ọ ma de yọ. Mẹ khare ighẹ ohoghe ẹmwẹ ne avbe umẹwaẹn ta khin. I ghi rhie ma ighẹ ukọnmwẹ ọ re ẹwaẹn iran khin.

Aizaia 46:10

Vbe omuhẹn, ọ re I na taa emwi ne ọ gha kiekie ẹre, vbe ẹghẹ ne ọ kpẹe fua, I taa emwi ne ọ gha sunu yotọ nẹ. I khare wẹ, emwi ne I mwamwaẹn ne I ru, te ọ gba te I ru emwi hia ni rrọ mwẹ ekhọe ne I ru.

Aizaia 47:12

Gha kun egba kevbe akpalode ruẹ khian erriọ ọ re u kun ẹnrẹn khian ke ẹghẹ ọvbokhan gha dee. U gha ghe a gha miẹn emwi ne iran gha ru ne uẹn; u gha ghe, u gha sẹtin runran avbe eghian ruẹn.

Nọmbas 22:18

Sokpan e Balam keghi wanniẹn wẹẹ, “Ọ gha khọn e Balak ne ọ viọ igoru kevbe esiliva hia ni rre ẹguae ẹre mẹ, mẹ i ra sẹtin rhie obọ gberra ẹmwẹ ne Osanobua mwẹ tama mwẹ uhin ya se egbe emwi ne ọ kanmwa sẹ.

Nọmbas 22:37

E Balak keghi khama rẹn wẹẹ, “Vbọzẹ ne u ma na rre yi vbe I gie ne a tie ruẹ rre vbe okaro? Te u ro ra ighẹ mẹ i ra sẹtin ru uwẹ ẹse sọkẹn?”

Nọmbas 22:39

Ọ re Balam na lele Balak gha rrie ẹvbo ne a tie ẹre Huzot,

Nọmbas 22:8

E Balam keghi tama iran wẹẹ, “Wa gbe asọn na vbe emwa, I gha tama uwa akhuẹ vbe ne Nọyaẹnmwa a rhirhi tama mwẹ hẹ.” Ẹre avbe ọkaolotu e Moab na tota ke Balam.

Nọmbas 23:16

E Nọyaẹnmwa keghi do vba e Balam, ọ na tama rẹn ẹmwẹ ne ọ gha ta, ọ na gie ẹe werriegbe bu e Balak ne ọ ya tama rẹn uhunmwu ne irẹn gie.

Nọmbas 23:26

E Balam keghi wanniẹn wẹẹ, “Mẹ ma tama ruẹn ra wẹ emwi ne Nọyaẹnmwa tama mwẹ hia ọre I khian ru?”

Nọmbas 24:13

ọ gha khọn ruẹn ne u viọ esiliva kevbe igoru ni rre ẹguae ruẹ hia mẹ, mẹ I ra rhie obọ gberra iyi ọghe Nọyaẹnmwa ne I ya gha ru ọghe obọ mwẹ. Emwi ne Nọyaẹnmwa tama mwẹ ọkpa ọre I ra gha ta.”