Nọmbas 22:32 - Edo Bible (E Baibol Ẹdo) Version 1996

³² Odibosa nii keghi nọ rẹn wẹẹ, “Vbọzẹ ne u na gbe ekẹtẹkẹtẹ ruẹ igba eha vberriọ yi? Te I do gba yuẹ odẹ rhunmwuda ọ ma kei ne u khian okhian na.

Nọmbas 22:32 ပူးပေါင်းရင်းမြစ်များ

Psalm 145:9

Te irẹn wa maa ne emwa hia, ọ vbe tohan emwi hia ne irẹn yi.

Psalm 147:9

Ọ rhie evbare ne avbe aranmwẹ oha, ọ keghi vbe koko ivbi ahianmwẹ, vbe iran a rre.

Psalm 36:6

Umamwẹ ruẹn gbe ogege vbe oke ne ọ yo. Ẹmwata ruẹ yevbe orinmwiamẹ okun, wẹ ọ re ọ gbe aro ghe emwa nagbọn kevbe avbe aranmwoha.

Itan 14:2

Gha ta ẹmwata, u gha rhie ma wẹ u gele ya ọghọ ne Nọyaẹnmwa adeghẹ u i ta ẹmwata, ọnii rhie ma wẹ u i ru vberriọ.

Itan 16:2

U sẹtin gha ro wẹ emwi ne u ru hia wa gba, sokpan, e Nọyaẹnmwa ghi ghe emwi ne ọ ya uwẹ ru ẹe.

Itan 28:18

Gha ta ẹmwata, u gha fe vbe obọ ẹbe. Adeghẹ u i ta ẹmwata, u gha de vbe udomwurri.

Itan 28:6

A re ovbiogue ne uyinmwẹ adazẹ, ọ re ọ maa sẹẹ ne a gha re ọmwa ẹfe ne ẹwobi.

Jona 4:11

Wẹ ma miẹn wẹ ẹ i mwẹ mẹ ma tohan e Ninevi ne ẹvbo nọkhua nii. A rhe ta ẹe na, ọ sẹ emọ arriaisẹn iyehan (120,000) ne ọ ma rẹn ọkpa ọmaa rẹn eva ni rre uwu ẹre do deba emwirri ọrhẹnrhẹn.”

Maika 6:5

Wa ne emwa mwẹ, wa yerre emwi ne Balak ne Ọba e Moab te mwamwa ne ọ ru uwa re, kevbe ewanniẹn ne Balam ne ovbi e Beọ rhie ne ẹẹn. Wa yerre, avbe emwi ni sunu vbe odẹ ke agọ Akasia ya sẹ Gilgal. Wa ye avbe emwi na rre, wa gha vbe rẹn emwi ne I ru ne I ya miẹn uwa fan.”

Nọmbas 22:20

Vbe asọn nii, Osanobua keghi bu e Balam gha dee, ọ tama rẹn wẹẹ, “Deghẹ te iran na do tama ruẹn wẹ ne u lele iran gha khian, mu egbe ne u lele iran gha khian, sokpan emwi ne I tama ruẹn ne u ru ọkpa ọ re u gha ru.”

Nọmbas 22:22

Ne Balam na gha khian na keghi sọnnọ e Nọyaẹnmwa, ugbẹn vbe Balam ghi hin ekẹtẹkẹtẹ ọre khian nii ke ẹe kevbe eguọmwadia ẹre eva, odibo e Nọyaẹnmwa keghi mudia ye odẹ ne ọ gbe ẹre odẹ.

Nọmbas 22:28

E Nọyaẹnmwa keghi gie ekẹtẹkẹtẹ nii sẹtin guan, ọ na khama e Balam wẹẹ, “Vbia ruẹ ẹre? Vbọzẹ ne u na gha gbe mwẹ igba eha na?”

Nọmbas 22:33

Sokpan, ekẹtẹkẹtẹ ruẹ bẹghe mwẹ, ọ na biegbe igba eha. Akpawẹ ẹ i re vberriọ, I gha gbe ua, I ghẹ ghi sẹ ekẹtẹkẹtẹ rae.”

Nọmbas 22:35

Sokpan, odibosa nii tama rẹn wẹẹ, “Lele avbe emwa na gha khian, sokpan emwi ne I tama ruẹn ne u ta ọkpa ọre u gha ta.” Ẹre Balam na lele iran gha khian.

Iwinna 13:10

ọ wẹẹ, “Wẹ ne ovbi e Esu. Wẹ ne oghian emwi ni maa hia, wẹ ne ẹkẹ vbe iwẹnwẹn gba ẹre obọ, wẹ ne ọ hia ne ọ gha ya ẹmwata Nọyaẹnmwa khian ohoghe vbe ẹghẹ hia!

Diuteronomi 23:4

“Ẹghẹ ne uwa na gha kpao vbe Igipt rre, iran ma rhie evbare ne uwa, iran ma sa amẹ ne uwa wọn, iran ke ya tie Balam ne ovbi Beọ ne ovbi Petọ ne Mẹsopotamia rre ne ọ do fi uwa unu.

Diuteronomi 25:4

“Ghẹ rro ekagha ye ẹmila unu vbe u a gha ya ẹe wiẹn ọka.