Nọmbas 22:31 - Edo Bible (E Baibol Ẹdo) Version 1996

³¹ Ẹre Nọyaẹnmwa na gie Balam bẹghe nene odibosa vbe ehe ne ọ na mudia, ke ẹe kevbe umozo. E Balam keghi mu aro rhu otọ.

Nọmbas 22:31 ပူးပေါင်းရင်းမြစ်များ

Gẹnẹsis 21:19

Osanobua ke rhan rẹn aro, ọ na do bẹghe uhae, ọ keghi ya sa amẹ vuọn ọgọ ohian nii, ọ na vbe ya ne ọmọ nii wọn.

I Krọnikol 21:16

E Devid keghi bẹghe vbe odibo Osa na mudia ye ideghedeghe keẹe kevbe umozo vbe obọ, ọ mu egbe ne ọ dunmwu e Jerusalẹm sẹ otọ. Ẹre Devid kevbe avbe olotu emwa nii ne a miẹn wẹ ukpọn akhiẹ ọ re iran hia viọ rhuan, iran hia keghi vbokho uhunmwu rriotọ, vbene ugbaro iran na dekan otọ.

Psalm 9:20

Runran iran Nọyaẹnmwa, gie iran rẹn wẹẹ, emwa ne ọ sẹtin wu kẹkan ọ re iran khin.

Ẹksọdọs 34:8

E Mosis keghi zẹgiẹgiẹ mu egbe rriotọ, ọ na ga Osanobua.

Nọmbas 22:30

Ekẹtẹkẹtẹ nii keghi wanniẹn wẹẹ, “Ẹ i re mẹ ọ re ekẹtẹkẹtẹ ọkpa nii ne u hin ke ẹghẹ ne a ya biọ gha dee? I ka yin uyinmwẹ vberriọ ghe ruẹ ẹdẹ ra?” Rẹn keghi wanniẹn wẹẹ, “Ẹn o.”

Nọmbas 24:16

ne ọ sẹtin họn vbene Osanobua kha hẹ, ne ọ vbe miẹn irẹnmwi ne ọ ke ọghe ne ọ yo sẹẹ rre. I rhan aro a gba daa, I keghi miẹn ọẹn vbe umian emwi ne Osanobua Ne Oghodua mu ma mwẹ,

Nọmbas 24:4

Ne ọ vbe sẹtin họn vbene Osanobua kha hẹ. I rhan aro a gbadaa, I ke ya bẹghe vbe umian, emwi ne Osanobua Ne Oghodua mu mẹ ghe.

Iyẹn ne ọ Maan Ọghe Luk 24:16

Iran bẹghe ẹre sokpan iran ma wa rẹn ọnrẹn.

Iyẹn ne ọ Maan Ọghe Luk 24:31

Aro iran keghi rhan, iran keghi rẹn ọnrẹn sokpan rẹn keghi ru gbẹnnẹ vbe aro iran.

Iyẹn ne ọ Maan Ọghe Jọn 18:6

Ugbẹn vbe Jesu ghi tama iran wẹẹ, “Mẹ ọna khin.” Iran bi ghe iyeke, iran keghi dele gbe otọ.

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Jọsua 5:13

E Jọsua ghi rre ọkpẹn Jẹriko, vbe udomwurri, ọ keghi bẹghe okpia ọkpa ne ọ mu umozo mwẹ vbe ọ mudia ye odaro irẹn. E Jọsua keghi bu ẹre gha khian, ọ nọ rẹn wẹẹ, “Ọkpa vbe uwu ivbiyokuo ọghe ima ọ re uwẹ khin ra oghian?”

Jọsua 5:14

Okpia ni keghi wanniẹn wẹẹ, “Ẹ i mwẹ ne I khin vbọ. Te ima rre emwa na zẹ vbe ọkaokuo ivbiyokuo e Nọyaẹnmwa.” E Jọsua keghi ghughẹrre ya ọghọ ne ẹẹn, ọ keghi kha wẹẹ, “Te imẹ rre emwa ne u gha gie mwẹ uhunmwu enọwanrẹn, de emwi ne u ho ne I ru?”