Nọmbas 22:28 - Edo Bible (E Baibol Ẹdo) Version 1996

²⁸ E Nọyaẹnmwa keghi gie ekẹtẹkẹtẹ nii sẹtin guan, ọ na khama e Balam wẹẹ, “Vbia ruẹ ẹre? Vbọzẹ ne u na gha gbe mwẹ igba eha na?”

Nọmbas 22:28 ပူးပေါင်းရင်းမြစ်များ

Ẹksọdọs 4:11

E Nọyaẹnmwa keghi tama rẹn wẹẹ, “De ọmwa ne ọ rhie unu ọmwa nẹẹn yi? Gha ọ ya ẹe khian odin ra ayin ehọ? Gha ọ rhie adẹghe nẹẹn ra ne ọ ya ẹe rhu aro? Mẹ ne Nọyaẹnmwa nọ.

Nọmbas 22:29

E Balam keghi tama rẹn wẹẹ, “Rhunmwuda ne u na ya mwẹ gbe ogie nọ, akpawẹ te umozo gue mwẹ I gha gbe ua.”

Iyẹn ne ọ Maan Ọghe Luk 1:37

Rhunmwuda emwi ọkpa i rrọọ ne ẹ i gie Osanobua ru.”

Ebe ne Pọl gbẹẹn gie emwa Rom 8:22

Rhunmwuda, do sẹ wanwanna, ma rẹnrẹn wẹ te avbe emwi ne a yi hia wa mannọ umannọmwẹ obalọ, zẹ vbe okhuo ne emwi ubiẹmwẹ ru.

I Kọrinti 1:19

Rhunmwuda, Ebe ne ọ huanrẹn tae wẹẹ, “I gha fuẹn ọnrẹn uan ighẹ ẹwaẹn iran ni waan, I ghi bi irẹnmwi iran ni waan kọ ye efẹn ọkpa.”

II Pita 2:16

A keghi guẹe gui ye abakuru ẹre. Rhunmwuda ekẹtẹkẹtẹ ne odin keghi rhan unu guan, zẹ vbe ọmwa ne agbọn, ọ na da akhasẹ ni obọ uyinmwẹ ọmwẹmwẹ ne ọ te ra yin yi.