Nọmbas 22:23 - Edo Bible (E Baibol Ẹdo) Version 1996

²³ Ugbẹn vbe ekẹtẹkẹtẹ nii ghi dẹghe odibosa nii vbe ọ mudia ye odẹ ke ẹe kevbe umozo vbe obọ, ọ keghi lahin urodẹ rre, ọ na gban egbe la oha, e Balam keghi fi ekẹtẹkẹtẹ nii emwi, ọ na dọlegbe dia ẹre ye odẹ.

Nọmbas 22:23 ပူးပေါင်းရင်းမြစ်များ

II Ọba 6:17

Ẹre irẹn na na erhunmwu wẹẹ, “E Nọyaẹnmwa, rhan ẹre aro ne ọ miẹn ehe na bẹghe!” E Nọyaẹnmwa keghi họn erhunmwu ẹnrẹn, ọguọmwadia Elaisia ghi tọn aro mu, ọ keghi miẹn wẹ avbe ẹsin kevbe ikẹkẹ okuo ọghe erhẹn ọ re ọ wa gba oke nii hia lẹga Elaisia.

I Krọnikol 21:16

E Devid keghi bẹghe vbe odibo Osa na mudia ye ideghedeghe keẹe kevbe umozo vbe obọ, ọ mu egbe ne ọ dunmwu e Jerusalẹm sẹ otọ. Ẹre Devid kevbe avbe olotu emwa nii ne a miẹn wẹ ukpọn akhiẹ ọ re iran hia viọ rhuan, iran hia keghi vbokho uhunmwu rriotọ, vbene ugbaro iran na dekan otọ.

Jerimaia 8:7

Avbe olọkọmwọrhu rẹn ẹghẹ ne ọ kere ne iran ya werriegbe, avbe uhaiso kevbe ivbianumẹ rẹn ẹghẹ ne iran ya hẹ kpao, sokpan, wa ne emwa mwẹ, wa ma rẹn uhi ne I lele ya khaemwisẹ yan uwa.

Daniẹl 10:7

Mẹ ọkpa Ọ re ọ miẹn umian na. Emwa na ni gunmwẹ rre evba ma bẹghe emwi rhọkpa, sokpan iran runraẹn, iran keghi lẹẹ, iran na ya lẹre.

Nọmbas 22:22

Ne Balam na gha khian na keghi sọnnọ e Nọyaẹnmwa, ugbẹn vbe Balam ghi hin ekẹtẹkẹtẹ ọre khian nii ke ẹe kevbe eguọmwadia ẹre eva, odibo e Nọyaẹnmwa keghi mudia ye odẹ ne ọ gbe ẹre odẹ.

Nọmbas 22:24

Ẹre odibosa nii na mudia ye ehe ne odẹ na ya wẹnrẹn vbe ẹkpo ugbo emwiokọ ọmọ erhan ayọn ne ọ baa eva vbene egbekẹn okuta na rre obọ eveva vbe odẹ.

Iwinna 22:9

Emwa ne I ma gba rre evba, miẹn awanwan ni sokpan iran ma họn urhu ọmwa ne ọ gun mwẹ guan.

Jọsua 5:13

E Jọsua ghi rre ọkpẹn Jẹriko, vbe udomwurri, ọ keghi bẹghe okpia ọkpa ne ọ mu umozo mwẹ vbe ọ mudia ye odaro irẹn. E Jọsua keghi bu ẹre gha khian, ọ nọ rẹn wẹẹ, “Ọkpa vbe uwu ivbiyokuo ọghe ima ọ re uwẹ khin ra oghian?”

II Pita 2:16

A keghi guẹe gui ye abakuru ẹre. Rhunmwuda ekẹtẹkẹtẹ ne odin keghi rhan unu guan, zẹ vbe ọmwa ne agbọn, ọ na da akhasẹ ni obọ uyinmwẹ ọmwẹmwẹ ne ọ te ra yin yi.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.