Nọmbas 22:22 - Edo Bible (E Baibol Ẹdo) Version 1996

²² Ne Balam na gha khian na keghi sọnnọ e Nọyaẹnmwa, ugbẹn vbe Balam ghi hin ekẹtẹkẹtẹ ọre khian nii ke ẹe kevbe eguọmwadia ẹre eva, odibo e Nọyaẹnmwa keghi mudia ye odẹ ne ọ gbe ẹre odẹ.

Nọmbas 22:22 ပူးပေါင်းရင်းမြစ်များ

II Ọba 10:20

Ẹre Jehu na kha wẹẹ, “Wa bu ẹdẹ ugamwẹ ne a ya ya ọghọ ne Bal!” Iran keghi bu ẹdẹ ọre.

Ẹksọdọs 23:20

I gha gie odibosa ke odaro ne uwa ne ọ gha degue uwa vbe odẹ kevbe ne ọ viọ uwa sẹ ehe ne I dọlọyi ye otọ.

Ẹksọdọs 4:24

Vbe ehe ne iran na bu agọ vbe odẹ, vbe iran rrie Igipt E Nọyaẹnmwa keghi do vba e Mosis, ọ keghi te ra gbe ẹe rua.

Eve Orriara 2:4

Ọ ya uhanbọ kọn mwa zẹ vbene eghian ru ẹe; ọ gbele iran hia ne ima ya zowẹ ughanmwẹ ma wa họn obọ ugiẹnmwẹ ohu ẹre vbe egbe vbe Jerusalẹm vbe emwa na.

Hozia 1:4

“He ẹre ‘Jizrẹl’ rhunmwuda, vbe ọ ma he kpee wan, I gha rri ọba Izrẹl oya ye izigha ne erha ẹe odede ighe Jehu dee vbe Jizrẹl. I ra fiaẹn fua ighe uniẹn Jehu.

Nọmbas 22:23

Ugbẹn vbe ekẹtẹkẹtẹ nii ghi dẹghe odibosa nii vbe ọ mudia ye odẹ ke ẹe kevbe umozo vbe obọ, ọ keghi lahin urodẹ rre, ọ na gban egbe la oha, e Balam keghi fi ekẹtẹkẹtẹ nii emwi, ọ na dọlegbe dia ẹre ye odẹ.

Nọmbas 22:32

Odibosa nii keghi nọ rẹn wẹẹ, “Vbọzẹ ne u na gbe ekẹtẹkẹtẹ ruẹ igba eha vberriọ yi? Te I do gba yuẹ odẹ rhunmwuda ọ ma kei ne u khian okhian na.

Nọmbas 22:35

Sokpan, odibosa nii tama rẹn wẹẹ, “Lele avbe emwa na gha khian, sokpan emwi ne I tama ruẹn ne u ta ọkpa ọre u gha ta.” Ẹre Balam na lele iran gha khian.