Nọmbas 22:17 - Edo Bible (E Baibol Ẹdo) Version 1996

¹⁷ I gha kaka bọ san ruẹn ẹse, I ghi vbe ru vbene u rhirhi kha. Lahọ gha dee do fi iran unu mẹ.

Nọmbas 22:17 ပူးပေါင်းရင်းမြစ်များ

Ẹsta 5:11

Ọ keghi gha rhuọ ma iran vbene irẹn fe hẹ, inu emọ ikpia ne irẹn mwẹ vbene ọba vbe rhie irẹn ye ukpo nọkhua hẹ kevbe vbene irẹn mwẹ uyi sẹ emwa ọvbehe hia ni rre ukpo asẹ vbe oga ọba hẹ.

Ẹsta 7:9

Ọkpa ne a tie ẹre Habona vbe uwu iran keghi kha wẹẹ, “E Haman ru emwi na sẹrriọ wẹ, ọ ru erhan ne a si ọmwa rrọ yi ye owa ẹre, wẹ ne irẹn si e Modekai ni ne ọ miẹn uwẹ ne Umogun fan, rrọ yọ? Ibata ekigbesiyenẹ ọre wa nọ vbe uyomwẹ.”

Nọmbas 22:16

Iran na bu e Balam gha khian ya tama rẹn uhunmwu ne Balak gie na wẹẹ, “Lahọ, ghẹ gie emwi rhọkpa da a obọ yi ne u bu mwẹ gha dee.”

Nọmbas 22:37

E Balak keghi khama rẹn wẹẹ, “Vbọzẹ ne u ma na rre yi vbe I gie ne a tie ruẹ rre vbe okaro? Te u ro ra ighẹ mẹ i ra sẹtin ru uwẹ ẹse sọkẹn?”

Nọmbas 22:6

Iran bun sẹ mwa, rhunmwuda onii, gha dee do fi iran unu mẹ, ughaghe, ma gha sẹtin khọnmiotọ vbe uhunmwu iran vberriọ, ne a khulo iran hin otọ na rre. I rẹnrẹn wẹ, u gha na erhunmwu ne emwa, afiangbe nọ ne iran, u gha fi emwa unu te ọ sẹ iran egbe.”

Nọmbas 24:11

Banbanna nian, ladian ne u gha rrie! Te I te yaan wẹ I gha ya emwi nuẹn ne I ya san ruẹn ẹse, sokpan e Nọyaẹnmwa gban emwi ne a ya san ẹse hin ruẹn obọ rre nẹ.”

Matiu 14:7

ne ọ na ya ihen yan ma rẹn wẹẹ, “Nọ emwi ne u rhirhi gha ho vbe obọ mwẹ, I gha rhie ẹre nuẹn.”

Matiu 16:26

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.

Diuteronomi 16:9

“Wa ghi ka uzọla ihinrọn ke ẹghẹ ne uwa ya suẹn gha rhọ ọka kpao,