Nọmbas 22:12 - Edo Bible (E Baibol Ẹdo) Version 1996

¹² Osanobua keghi tama Balam wẹẹ, “Ghẹ lele emwa na gha khian, ghẹ vbe fi ivbi Izrẹl unu rhunmwuda afiangbe mwẹ rre iran egbe.”

Nọmbas 22:12 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

II Krọnikol 31:10

Ẹre Azaraia ne Ogie Ohẹn, ne ovbi uniẹn e Zadọk na tama rẹn wẹẹ, “Ke ne emwa nii ghi ya suẹn gha viọ emwi ihaoko iran rrie Ọgua Osa gha dee, te ima ghi miẹn re zẹ kọ ẹsẹsẹmwẹse, ma mwẹ ena hia rhunmwuda, e Nọyaẹnmwa fiangbe emwa rẹn.”

Psalm 144:15

Afiangbe nọ ne ẹvbo nii ne avbe emwi na na re ẹmwata vbe ekpa ẹre, afiangbe ọrọre ọghe emwa ne Osanobua ẹre re Nọyaẹnmwa.

Psalm 146:5

Afiangbe nọ ne ọmwa ne ọ mwẹ Osanobua Jekọb, zẹ vbe ọmwa ne ọ yọre obọ, kevbe ne ọ mu ẹtin yan e Nọyaẹnmwa ne Osanobua ẹre.

Aizaia 61:9

Iran gha hin usi vbe uwu avbe uhunmwu ẹvbo emwa ni rhirhi miẹn iran gha rẹn wẹ emwa ne imẹ fiangbe ọ re iran khin.”

Maika 6:5

Wa ne emwa mwẹ, wa yerre emwi ne Balak ne Ọba e Moab te mwamwa ne ọ ru uwa re, kevbe ewanniẹn ne Balam ne ovbi e Beọ rhie ne ẹẹn. Wa yerre, avbe emwi ni sunu vbe odẹ ke agọ Akasia ya sẹ Gilgal. Wa ye avbe emwi na rre, wa gha vbe rẹn emwi ne I ru ne I ya miẹn uwa fan.”

Nọmbas 22:11

wẹ emwa ni ke Igipt gha dee wa vẹ gba otọe ni hia. Ọ wẹ ne I do fi iran unu ne irẹn ne ọ miẹn ehe na gu iran gbinna, kevbe ne ọ khulo iran ladian.”

Nọmbas 22:13

Ẹdẹ ghi gbe, e Balam keghi bu emwa ne Balak gie ẹre uhunmwu, ọ tama iran wẹẹ, “Wa gha rrie owa, e Nọyaẹnmwa wẹ ne I ghẹ lele uwa gha khian.”

Nọmbas 22:6

Iran bun sẹ mwa, rhunmwuda onii, gha dee do fi iran unu mẹ, ughaghe, ma gha sẹtin khọnmiotọ vbe uhunmwu iran vberriọ, ne a khulo iran hin otọ na rre. I rẹnrẹn wẹ, u gha na erhunmwu ne emwa, afiangbe nọ ne iran, u gha fi emwa unu te ọ sẹ iran egbe.”

Nọmbas 23:23

Ẹbo awan ọkpa i rrọ, ra azẹn, ne a gha sẹtin ya ru ẹvbo ivbi Izrẹl emwi emwa gha ta vbe ekpa Izrẹl wẹẹ, ‘U ma miẹn emwi ne Osa ru ne iran.’

Nọmbas 23:3

Ẹre Balam na khama e Balak wẹẹ, “Mudia ke emwi izọ ẹse ruẹ vbe emwa, mẹ ra ya ghe de ghẹ Nọyaẹnmwa gha bu mwẹ rre. I gha tama ruẹn emwi ne ọ rhirhi a mu ma mwẹ.” Ọ re irẹn ọkpa na gha rrie uhunmwu oke.

Nọmbas 23:8

Vbia ra sẹtin fi ne Osanobua ma fi ẹre unu hẹ ra ne I wẹ ne ọ zẹ ẹbe vbe Osanobua ma kha vberriọ?

Nọmbas 24:9

Ẹvbo na yevbe oduma ne ọ mwẹ ẹtin ọ gha vbiẹ, a i miẹn ne ohan gie ẹe huẹn ọnrẹn. Afiangbe nọ ne ọmwa ne ọ na erhunmwu ne Izrẹl, ne ọ fi Izrẹl unu, a gha fi ẹre unu.”

Matiu 27:19

Pailet ghi tota ye ugha ne ọ na bu ohiẹn, amwẹ ọnrẹn gie uhunmwu giẹ wẹẹ, “Ghẹ mwẹ obọ vbe egbe ọmwa ne ọ ma rukhọ nii, rhunmwuda, I rrioya emwi ni bun vbe imina vbe ekpa ẹre ne asọn.”

Ebe ne Pọl gbẹẹn gie emwa Rom 11:29

Rhunmwuda Osanobua i fi ekhọe werriẹ vbekpa ọmwa ne irẹn hannọ zẹ kevbe ne ọ fiangbe.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Diuteronomi 2:7

“Wa yerre wẹ e Nọyaẹnmwa ne Osanobua uwa wa fiangbe uwa vbe emwi ne uwa he ru hia. Ọ kegha gbe aro ghe uwa vbe uwa zozo lele uwu ato nọkhua na khian. Ukpo iyeva na, ọ re ọ ya gu uwa gha rrọọ, emwi ne uwa a rhirhi gha ho hia keghi vbe sẹ uwa obọ.

Diuteronomi 23:5

Sokpan e Nọyaẹnmwa Osanobua rua ma zẹ ye Balam re, sokpan, ọ keghi ya ihẹn ni khian afiangbe rhunmwuda, ọ ho ẹmwẹ uwa.

Diuteronomi 28:6

“E Nọyaẹnmwa gha fiangbe emwi ne uwa ru hia.

Diuteronomi 33:29

Izrẹl, a miẹn uwa ne u ghi ye ọmwa ne ọ yevbe ruẹ i rrọọ, ẹvbo ne Nọyaẹnmwa miẹnfan. E Nọyaẹnmwa tobọ re ọrọre asa kevbe umozo ọwua ne ọ gha degue ruẹ do khọnmiotọ ne uẹn. Eghian uwa gha rre do rinmwian ye itohan, wẹ gha ye owẹ rrilo iran mu otọ.”

Diuteronomi 7:14

Emwa ne a gha ya ẹfe fiangbe vbene uwa ye, ẹ i khian gha rre uhunmwu otọ agbọn. A i khian miẹn agan vbe uwu uwa ra avbe ẹmila uwa.