Nọmbas 21:4 - Edo Bible (E Baibol Ẹdo) Version 1996

⁴ Ivbi Izrẹl keghi la odẹ Ẹzẹ Irunmwu kpahin oke Họ rre, ne iran miẹn ehe na fian oha ye Idọm obọ gberra. Sokpan iran ghi sẹ odẹ, emwa ma ghi sẹtin zin egbe.

Nọmbas 21:4 ပူးပေါင်းရင်းမြစ်များ

II Ọba 3:8

De odẹ ne a gha la ya gbinna igbinna na?” E Joram keghi wanniẹn wẹẹ, “Odẹ ne ọ rrei ne ọ rrọọ ma ra la, a ghi ya la ẹgbo Idọm.”

Ẹksọdọs 6:9

E Mosis keghi ya ta ẹmwẹ na ma ivbi Izrẹl, sokpan iran ma rhie ehọ nẹẹn ta yi rhunmwuda, ihe eviẹn ne iran ye, ya egbe wọ iran.

Nọmbas 14:25

Otọe iya ni ne emwa Amalẹk kevbe Kenan ye na. Vbe ẹdẹ na khuẹ, wa werriegbe, wa ya ọdelegbe la odẹ Okun Irunmwu la uwa ẹgbo.”

Nọmbas 20:27

E Mosis keghi ru vbene Nọyaẹnmwa khare. Iran hia keghi gba sirra emwa nii hia hin uhunmwu oke.

Nọmbas 32:7

Vbe uwa a ghi ra na gie ekhọe ivbi Izrẹl lahin rre hẹ yi ne iran ghẹ ghi fian Jọdan rra ne iran ya yin otọ ne Nọyaẹnmwa mu ne iran?

Nọmbas 32:9

Iran khian sẹ Iya Ẹskọl, iran na miẹn otọe nii, sokpan iran ghi dọlegbe rre, iran keghi kpọzọe rua ne iran ghẹ yo otọe nii ne Nọyaẹnmwa mu ne iran.

Nọmbas 33:41

Ke Họ ya sẹ otọ ne ọhẹnhẹn ọghe Moab, ehe ne ivbi Izrẹl na gbe agọ ọre ena khin: Zalmona, Punọn, Obọt, itowa Abarim vbe otọe Moab, Dibọn Gad, Almọn Diblateim, Oke Abarim vbe ọkpẹn oke Nebo kevbe otọe ne ọ rriẹe ọghe Moab ne ọ rre iyeke Jọdan vbe a gha fiaẹn rra vbe Jẹriko, vbe ẹkpo Bẹt Josimot kevbe Iya Akasia.

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Diuteronomi 1:40

Sokpan wa na, wa fi egbe werriegbe ne uwa dọlegbe gha rrie uwu ato vbe odẹ Okun iranmwiran.’

Diuteronomi 2:1

“Vbe okiekie ehia, ma ke ghi werriegbe gha rrie uwu ato ne ọ rre odẹ Okun Iranmwiran zẹ vbene Nọyaẹnmwa kha re, ma ke wa gbe ẹghẹ ne ọ taẹn ya gha zozo khian vbe avbe ẹvbo oke Idọm.

Giọgis 11:18

Ẹre iran na ye gha khian vbe uwu ato. Iran keghi bi egbe ne otọe Idọm kevbe Moab, iran keghi do sẹ odẹ ahọ ọghe Moab vbe obọ nọkpa ọghe Ẹzẹ Anọn. Iran keghi bu agọ ye evba sokpan, iran ma fian Ẹzẹ Anọn rra rhunmwuda evba ọrọre uwu Ọghe Moab.