Nọmbas 21:33 - Edo Bible (E Baibol Ẹdo) Version 1996

³³ Ivbi Izrẹl keghi werriegbe, iran keghi la odẹ Basian, Ọg ne ọba Basian keghi viọ ivbiyokuo ẹre gha dee do gu iran ginna vbe Ẹdrẹi.

Nọmbas 21:33 ပူးပေါင်းရင်းမြစ်များ

Psalm 135:11

E Saihọn ne ọba ivbi Amọri, kevbe Ọg ọba ivbi Basian, kevbe avbe ọba ni rre Kenan hia.

Psalm 136:20

Kevbe Ọg ne ọba ivbi e Basian; etẹbitẹ ọ re ahoẹmwọmwa rẹn khin.

Psalm 22:12

Eghian nibun lẹga mwẹ zẹvbe ẹkhuia ẹmila. Iran hia wa lẹga mwẹ zẹvbe ẹkhuia ẹmila ne ọ khọ, ne a miẹn vbe otọe Basian.

Psalm 68:15

U miẹn vbe oke Basian kpọlọ hẹ, oke ne ọ mwẹ ukpe nibun nọ.

Psalm 68:22

E Nọyaẹnmwa khare wẹẹ, “I gha viọ avbe eghian uwa dọlegbe ke Basian gha dee, I gha viọ iran werriegbe ke ototọ ẹzẹ okun gha dee.

Aizaia 33:9

Otọe khian ne a i ghi na gbe ugbo, emwa lẹ hin ehia rre. Ẹgbo e Lebanọn luẹluẹe. Iya e Sairọn ne ọ te maa emwiokọ khian ne ọ ghi yevbe ato, ebe khakha kua vbe erhan ni rre Basian kevbe Oke Kamẹl.

Ezikiẹl 27:6

Iran ya viọ erhan okan ke Basian rre ne iran ya ru obele; iran keghi ya erhan ne ọ ke Saiprọs rre wa otọ ruẹ. A keghi ye akọn eni ru uwu ẹre.

Ezikiẹl 39:18

Te iran khian rri ikun avbe ivbiyokuo, iran ghi vbe wọn esagiẹn iran ni khaemwisẹ, vbe agbọn, iran na hia fẹẹrẹ ne a ra gbele ua zẹ vbe ogho, ra avbe oteghe ohuan ra ẹwe, ra ẹmila ni tii.

Emọs 4:1

Wa danmwehọ ẹmwẹ na, wa ne ikhuo e Sameria, ni ti ye egbe vbe ẹmila ne a koko vbe Basian, ni ru emwa ni ma wegbe khọ, ni wọ avbe ivbiogue uhunmwu, ni nọ wẹ ne avbe ọdafẹn iran gha dẹ ayọn gie iran.

Nọmbas 32:33

Ẹre Mosis na mu otọe ọba Saihọn ọghe Amọri kevbe ọba Ọg ọghe Basian kevbe avbe ẹvbo ni lẹga ẹre hia ne ẹwae Gad kevbe Riubẹn kevbe a gha wa ẹwae Manasẹ ye ihe eva.

Diuteronomi 1:4

Ọna ke gha re iyeke vbe Nọyaẹnmwa ghi khọn Sihọn ne ọba Amọri ne ọ rriọba vbe Hesbọn nẹ, kevbe Ọg ne ọba Basian ne ọ rriọba vbe Astarrọt, kevbe Ẹdrẹi.

Diuteronomi 2:30

“Sokpan e Sihọn ne ọba ma kue ne ima la ẹvbo ẹre gberra. E Nọyaẹnmwa ne Osanobua uwa keghi ya ẹe ze vbe udu, ọ kevbe sọtẹ, ne ima miẹn ehe na khọn miẹn ẹre otọe ne ima mu otọ ẹre ne ima ye ye na.

Diuteronomi 29:7

Ma ghi sẹ emwa na, Saihọn ne ọ rre Hesbọn kevbe ọba Ọg ọghe Basian kegha dee do gu ima gbinna. Sokpan ma keghi khọn miẹn iran otọ.

Diuteronomi 32:14

Ẹmila kevbe ohuan iran kegha la ewẹn ẹsẹse, iran kegha mwẹ ohuan ni maa sẹẹ, ẹwe kevbe ẹmila ọka ne ọ maa sẹẹ kevbe ayọn ne ọ rhiẹnrhiẹn sẹẹ.

Diuteronomi 4:47

Iran keghi yin otọe ẹre kevbe ọghe Ọg ne ọba Basian. Iran na ọrọre avbe ọba Amọri ni rre odẹ ahọ e Jọdan.

Jọsua 12:4

Iran keghi vbe khọn Ọg miẹn ẹre otọ, rẹn ne ọba Basan ne ọ gha re ne okiekie vbe avbe Refeim, Astarrọt kevbe Ẹdrẹi ọ re ọ gha ye khaemwisẹ.

Jọsua 13:12

Kevbe otọe Ọg ne ọ gha khaemwisẹ vbe Astarrọt kevbe Ẹdrẹi (Ọg ọkpa ọrọre ne a ghi fi yi vbe Refeim). E Mosis ka khọn iran na nẹ, ọ na vbe khulo iran ladian.

Jọsua 13:30

Otọe iran keghi ke Mahanem kpao kevbe otọe arriọba Ọg hia, ọba Basian deba okpẹvbo iyeha ne ọ re ọghe Jea vbe Basian.

Jọsua 9:10

Kevbe emwi ne ọ ru avbe ọba Amọri eveva ni rre odẹ ahọ e Jọdan re: Saihọn ne ọba Hesbọn kevbe Ọg ne ọba Basian ne ọ rre Astarrọt.