Ikẹkẹ okuo arriaisẹn evayan ọgban (32,000) ne iran mọmọ ẹn deba ivbiyokuo ọba ọghe Maka keghi bu agọ ye ọkpẹn Mẹdeba. Ivbi Amọn hia kevbe ke ẹvbo iran hia ladian iran na mu egbe igbinna.
Emwa ni rre ẹvbo ne a tie ẹre Dibọn hin uhunmwu oke ya gha viẹ vbe aro ẹbọ. Ivbi e Moab gha viẹ, iran gha vbe khiẹ avbe ẹvbo ne a tie ẹre Nebo kevbe Mẹdeba. Iran khiokhio eto kevbe ẹtu iran muotọ ba ẹmwẹ akhiẹ na.
Ẹzẹ ne ọ rre ẹvbo Dibọn khian ne ọ ghi baa ba ẹmwẹ esagiẹn, Osanobua ye vbe zẹ emwi ne ọ rhia sẹẹ ọnii yotọ khẹ emwa ni rre evba. Ẹn, ugbe yan agbanmwẹ diakhẹ emwa hia ni rre Moab.
Wa ni rre Dibọn, wa ke ukpo uyi uwa tuorre, ne uwa tota ye ebubẹ vbe otọ. Ọmwa ne ọ fuẹn Moab ua rre emwa na, ọ keghi ye avbe owa ọkhẹ ẹre khian itowa.
“Otọe ne Nọyaẹnmwa mu ne ivbi Izrẹl ne iran yin ẹnrẹn, ighẹ avbe ẹvbo Atarọt, Dibọn, Jazẹ, Nimra, Hesbọn, Elielẹ, Seban, Nebo kevbe Biọn, otọe ne ọ maa ẹmila wa nọ, ma keghi vbe mwẹ ẹmila ni bun.